Salamo

8 E Iehova to matou Fatu, e iˈoa rahi to oe na te fenua taatoa.

Ua tuu oe i to nehenehe i nia ˈˈe i te mau raˈi!*+

 2 Na roto i te vaha o te mau tamarii e te mau aiû,+ ua haamau oe i te puai

No to oe mau enemi,

No te haamamû i te enemi e te taata tahoo.

 3 Ia hiˈo vau i to mau raˈi, te ohipa a to rima,*

Te avaˈe e te mau fetia ta oe i faaineine,+

 4 Eaha te taata nei i manaˈo ai oe ia ˈna,

E te tamaiti a te taata nei i haapao ai oe ia ˈna?+

 5 Ua tuu oe ia ˈna i raro iti aˈe i te mau melahi,*

E ua faahei oe ia ˈna i te hanahana e te nehenehe.

 6 Ua horoa oe i te mana ia ˈna ra i nia i te mau ohipa a to rima.+

Ua tuu oe i te mau mea atoa i raro aˈe i to ˈna avae:

 7 Te mau mamoe e te mau puaatoro,

Oia atoa te mau animara oviri,+

 8 Te mau manu o te raˈi e te iˈa o te tai,

E te mau mea atoa o te nee na raro i te miti.