Salamo
Na te aratai o te feia himene. Na nia i te Mute-labena.* Salamo a Davida.
א [Alepha]
ב [Beta]
4 Te turu ra hoi oe ia ˈu ma te parau-tia i roto i to ˈu tupuraa.
Te parahi ra oe i nia i to terono a haava ˈi ma te parau-tia.+
ג [Gimela]
5 Ua tamaˈi oe i te mau nunaa+ e ua haamou oe i te feia ino.
Ua tumâ oe i to ratou iˈoa e a muri noa ˈtu.
6 Ua haamouhia te enemi e a muri noa ˈtu.
Ua iriti tumu oe i to ratou mau oire,
E eita to ratou parau e faaroo-faahou-hia.+
ה [He]
7 Te parahi nei râ Iehova i nia i to ˈna terono e a muri noa ˈtu.+
Ua haamau papu oia i to ˈna terono no te parau-tia.+
8 E haava oia i te fenua nei* ma te parau-tia.+
E horoa oia i te faaotiraa parau-tia i te haavaraa o te mau nunaa.+
ו [Vau]
10 Te feia i ite i to iˈoa, e tiaturi ïa ratou ia oe.+
Eita roa oe e faarue i te feia e imi ra ia oe, e Iehova.+
ז [Zaina]
11 A himene i te arueraa ia Iehova o te parahi ra i Ziona.
A faaite i ta ˈna mau ohipa i rotopu i te mau nunaa atoa.+
12 E haamanaˈo hoi oia i te feia e mauiui ra e e tahoo oia i to ratou toto.+
Eita e moˈe ia ˈna ta ratou pii no te tauturu.+
ח [Heta]
13 A faaite mai i to farii maitai, e Iehova. A hiˈo i te ati ta ˈu e faaruru nei i te feia e hae ra ia ˈu,
O oe o te faatia ia ˈu mai te mau uputa mai o te pohe,+
14 Ia faaite au i ta oe mau ohipa e au ia aruehia i te mau uputa o te tamahine o Ziona+
E ia oaoa vau i ta oe mau ohipa faaoraraa.+
ט [Teta]
15 Ua topa te mau nunaa i roto i te apoo ta ratou i hamani.
Ua mau to ratou avae i roto i te upeˈa ta ratou i huna.+
16 Te itehia ra Iehova na roto i te mau faaotiraa haavaraa ta ˈna e rave ra.+
Ua topa te taata ino i roto i te marei ta ˈna iho i hamani.+
Higaiona.* (Sela)
י [Ioda]
18 Eita râ te feia riirii e haamoˈehia e a muri noa ˈtu.+
Eita atoa te tiaturiraa o te feia mǎrû e mou e a muri noa ˈtu.+
כ [Kapha]
19 A tia, e Iehova! Eiaha te taata nei ia upootia i nia ia oe.
Ia haavahia te mau nunaa i mua ia oe.+