Ioba
29 Tamau atura Ioba i ta ˈna oreroraa parau:*
2 “Ahani au tei te mau avaˈe i mairi,
I te mau mahana a hiˈo mai ai te Atua ia ˈu,
3 A faaanaana ˈi oia i ta ˈna mori i nia i to ˈu upoo,
A haere ai au na roto i te poiri i to ˈna maramarama,+
A itehia ˈi te auhoaraa o te Atua i roto i to ˈu fare ie,+
5 A vai ai te Manahope i pihai iho ia ˈu,
A vai ai ta ˈu mau tamarii* atoa ati aˈe ia ˈu,
6 A moˈe ai to ˈu mau taahiraa avae i roto i te pata,
E a ninii mai ai te mau mato i te mau taheraa hinu no ˈu.+
7 Ia haere au i rapae i te uputa o te oire+
E ia parahi au i te mahora o te oire,+
8 E ite mai te mau tane apî ia ˈu a tia ˈtu ai na te hiti,*
E e tia atoa mai te mau tane ruhiruhia e e tia noa ratou.+
9 Eita te huiarii e paraparau.
E tuu ratou i to ratou rima i nia i to ratou vaha.
10 Ua mamû noa te reo o te feia mana.
Ua piri noa to ratou arero i te aroaro o to ratou vaha.
11 Te taata atoa te faaroo ia ˈu, e parau maitai ta ratou no ˈu,
E tei ite ia ˈu, e faaite ïa i to ˈu roo maitai.
12 E faaora hoi au i te feia veve tei pii ia tauturuhia ratou,+
E te tamarii aita e metua tane e te feia atoa aita e taata tauturu.+
14 Ua oomo vau i te parau-tia ei ahu no ˈu.
E au ta ˈu parau-tia i te hoê ahu roa* e te hoê taamu upoo.
15 Ua riro vau ei mata no te matapo
E ei avae no te pirioi.
18 I parau na vau: ‘E pohe au i to ˈu iho fare,*+
E e riro to ˈu mau mahana mai te one tahatai ra te rahi.
19 E toro to ˈu mau aˈa i roto i te pape,
E e vai noa te hupe i te po taatoa i nia i to ˈu mau amaa.
20 E faaapî-noa-hia to ˈu roo,
E e teˈa noa te fana i roto i to ˈu rima.’
22 Ua oti anaˈe ta ˈu parau, aita faahou ta ratou e parau.
E topa mǎrû* noa ta ˈu mau parau i roto i to ratou tariˈa.
23 Ua tiai ratou ia ˈu mai te tiairaa i te ûa.
Ua hamǎmǎ rahi ratou i to ratou vaha mai te tiairaa i te ûa hopea.+