HAAPIIRAA 09
A faafatata ˈtu i te Atua na roto i te pure
E nehenehe te pure e tauturu ia oe no te aratai ia oe i roto i to oe oraraa, no te ite i te mau pahonoraa o te mau uiraa ta oe i uiui na, no te ite i te tamahanahanaraa e no te hinaaro e piri atu â ia Iehova. E nafea ïa tatou ia pure? E faaroo mau ra anei te Atua i te mau pure atoa? Nafea e papu ia tatou e te faaroo mau ra anei oia i ta tatou mau pure?
1. O vai ta tatou e pure, e eaha ta tatou e ani na roto i te pure?
Ua haapii mai Iesu ia pure noa tatou i to tatou Metua i te raˈi. Ua pure atoa Iesu ia Iehova. Ua parau oia: “E na ô ïa outou ia pure: ‘To matou Metua i te raˈi . . .’” (Mataio 6:9) Ia pure tatou ia Iehova, e puai mai ïa to tatou auhoaraa e o ˈna.
E nehenehe tatou e pure no nia te mau mea atoa. Tera râ, ia tuea ra ta tatou pure ia au i to te Atua hinaaro. “Noa ˈtu eaha ta tatou e ani ia au i [to te Atua] hinaaro, e faaroo mai o ˈna.” (Ioane 1, 5:14) Ua haapii mai Iesu eaha te mau mea ta tatou e nehenehe e pure. (A taio i te Mataio 6:9-13.) E nehenehe e pure i te Atua no tatou, no te haamauruuru ia ˈna, no ta ˈna i rave no tatou e ia tauturu ia vetahi ê.
2. E nafea tatou ia pure?
Te faaitoito mai ra te Bibilia ia “haamahora i to [tatou] aau i mua [i te Atua].” (Salamo 62:8) No reira, e pure tatou ma te aau tae. E nehenehe tatou e pure ma te reo puai aore ra i roto i te aau. Aita e titauhia ia tuturi roa tatou. E nehenehe tatou e pure i te Atua i te mau taime atoa e i te mau vahi atoa.
3. E nafea te Atua e pahono ai i ta tatou mau pure?
Ua rau te ravea. Te pahono nei te Atua na roto i te Bibilia no te ite i te mau pahonoraa o ta tatou mau uiraa. Maoti ïa te Parau a te Atua e “noaa i te feia ite ore te paari.” (Salamo 19:7; a taio i te Iakobo 1:5.) E horoa mai te Atua i te hau o te feruriraa i mua i te mau fifi. Ia hinaaro tatou i te tauturu, e nehenehe te Atua e faaohipa i ta ˈna mau tavini.
A FAAHOHONU ATU Â
A hiˈo e nafea oe ia pure ia mauruuru mai te Atua e e nafea oe ia faufaahia i te reira.
4. E titauraa ta te Atua no te pure
Nafea e ite ai e te farii ra te Atua i ta tatou mau pure aore ra aita? A pata i te VIDEO.
Te hinaaro ra Iehova ia pure tatou ia ˈna. A taio i te Salamo 65:2, e a aparau i teie mau uiraa:
I to oe manaˈo, te hinaaro ra anei “Tei faaroo i te pure” ia pure oe ia ˈna? No te aha oia, aore ra no te aha aita?
Ia hinaaro tatou ia faaroohia mai ta tatou mau pure, mea titauhia ia ora tatou ia au i te mau ture aveia a te Atua. A taio i te Mika 3:4 e te Petero 1, 3:12, e a aparau i teie uiraa:
Nafea e papu ai ia tatou e te faaroo ra Iehova i ta tatou mau pure?
A tupu ai te tamaˈi, te pure nei na pǔpǔ e piti ia upootia mai ratou. Ua pahono anei te Atua i ta ratou mau pure?
5. E nehenehe e faaite ia Iehova i to tatou mau manaˈo hohonu
Ua matau i te taata i te faahiti i to mau pure noa nei â. Tera anei râ ta te Atua e hinaaro? A taio i te Mataio 6:7, e a aparau i teie uiraa:
E nafea oe ia ore “e tahana i te parau” i roto i ta oe mau pure?
I te mau mahana atoa, a manaˈo i te tahi mea taa ê e a haamauruuru ia Iehova no tera haamaitairaa. A na reira i te mau mahana atoa, e nehenehe tatou e pure no nia e hitu tumu parau taa ê ma te ore e na nia iho noa i te parau.
Mai te hoê metua tane maitai e hinaaro ra ia faaite ta ˈna tamaiti i to ˈna manaˈo. No Iehova atoa, te hinaaro atoa ra oia ia na reira tatou
6. E ô te pure no ô mai te Atua ra
I roto i te mau taime maitai e te mau taime fifi, e nehenehe te pure e haapuai ia tatou. A pata i te VIDEO.
Ua fafau te Bibilia e e nehenehe te pure e horoa mai i te hau. A taio i te Philipi 4:6, 7, e a aparau i teie mau uiraa:
Inaha hoi eita te pure e faaore i to tatou mau fifi, e nafea te pure e tauturu ai ia tatou?
Eaha te mau mea ta oe e hinaaro e pure?
Ua ite anei oe?
Te taˈo “amene” o “na reira ïa” aore ra “te reira iho â” te auraa. Mai tahito mai â e tae roa mai i teie mahana, e parauhia “amene” ia oti te pure.—Paraleipomeno 1, 16:36.
7. A rave i te taime no te pure
I te tahi taime no te rahi o te ohipa, e moˈehia ia tatou i te pure. No te aha Iesu i haafaufaa ˈi i te pure? A taio i te Mataio 14:23 e te Mareko 1:35 e a aparau i teie mau uiraa:
Nafea Iesu i faataa ˈi i te taime no te pure?
Nafea oe e faataa ˈi i te taime no te pure?
TE MANAˈO O VETAHI: “Mâuˈa te taime i te pure, aita e taata e faaroo mai.”
E no oe?
HAAPOTORAA
E nehenehe te pure e tauturu ia tatou ia faafatata ˈtu i te Atua, ia ite i te hau, ia puai mai no te faaoaoa ia Iehova.
Haamanaˈoraa
E pure tatou ia vai?
E nafea ia pure?
Nafea tatou e faufaahia ˈi i te pure?
HIˈOPOA
A imi i te mau pahonoraa i te mau uiraa ta te taata e ui nei no nia i te pure.
“Hitu uiraa no nia i te pure” (Te Pare Tiairaa 1 no Novema 2010)
A haapii no te aha mea faufaa ia pure e e nafea ia haamaitai atu â i ta tatou pure.
A hiˈo i ta te Bibilia e haapii ra o vai ta tatou e tia ia pure.
“Ia pure anei au i te mau peata e tia ˈi?” (Tumu parau natirara)
I roto i teie himene, a tapao mea faufaa anei te vahi e te taime no te pure.