Zaburi

149 Msifuni Yah!*

Mwimbieni Yehova wimbo mpya;+

Msifuni katika kutaniko la washikamanifu.+

2 Watu wa Israeli na washangilie kwa sababu ya Muumba wao Mkuu;+

Wana wa Sayuni na washangilie kwa sababu ya Mfalme wao.

3 Na walisifu jina lake kwa kucheza dansi+

Na wamwimbie sifa* kwa tari na kinubi.+

4 Kwa maana Yehova anawafurahia watu wake.+

Anawapamba wapole kwa wokovu.+

5 Washikamanifu na washangilie kwa utukufu;

Na wapaze sauti kwa shangwe vitandani mwao.+

6 Nyimbo zinazomsifu Mungu na ziwe kooni mwao,

Na upanga wenye makali pande mbili uwe mkononi mwao,

7 Ili kuyalipiza kisasi mataifa

Na kuyaadhibu mataifa,

8 Ili kuwafunga wafalme wao kwa pingu

Na viongozi wao kwa pingu za chuma,

9 Ili kutekeleza hukumu iliyoandikwa kuwahusu.+

Heshima hii ni ya washikamanifu wake wote.

Msifuni Yah!*