Kʼuxi ta tunesel li foyetoe

Li ta yan pajinaetik chtale te chata jun teksto ta Vivlia sventa jujun kʼakʼal xchiʼuk te chatabe yaʼyejal. Li teksto xchiʼuk li yaʼyejale xuʼ xichʼ kʼelel ta kʼusiuk noʼox ora, jlome jaʼ lek chaʼiik skʼelel ta sob. Yuʼun jaʼ jech xuʼ snopbeik skʼoplal li ta kʼakʼaltike. Jech xtok, ep me tajek ta jtabetik sbalil mi jmoj ta jkʼeltik xchiʼuk li kutsʼ kalaltike. Li buchʼutik chtunik ta Betel ta spʼejel Balumile tskʼelik jujun kʼakʼal ta jujun sob.

Li yaʼyejaltake te lokʼesbil ta revista Li Jkʼel osil ta toyole (w) chlik ta avril ta 2015 kʼalal ta marso ta 2016. Mi laj xa ox yichʼ alel li sfechail revistae, te chtal numeroetik (1, 2, 3, 4, o 5) ti jaʼ skʼan xal mi ta baʼyel xchanobil lokʼ, xchibal, yoxibal, xchanibal o mi ta svoʼobal. Mi laje chal bu parafoal lokʼem tal (kʼelo li rekuadro ta olone). Jech xtok, xuʼ jtabetik mas yaʼyejal ta sjunul li xchanobile. Sventa xanaʼ bu chlik li jujun xchanobile xuʼ xakʼel li pajina 1 o 2 li ta revistae.