«Һаятимиз вә хизмитимиз. Иш дәптири» үчүн мәлумат мәнбәлири
© 2025 Watch Tower Bible and Tract Society of Pennsylvania
5—11 МАЙ
ХУДА СӨЗИДИКИ ҒӘЗНӘ
Еғир әмгәкниң мукапити болиду
w16.06 30-б., 6-абз.
1 Бәзибир Йәһва гувачилириға өзини тәминләш қийин болуши мүмкин. Улар һарам йол билән пул тепип, һаятини асанлаштурушиға болатти. Лекин улар растчил болуп, тәр төкүп һалал әмгәк қилиду. Шундақ қилип улар һәрқандақ байлиқтин Худаниң әҗайип пәзиләтлирини, шу җүмлидин Униң растчиллиғини қәдирләйдиғанлиғини көрситиду (Пәнд н. 12:24; Әфәс. 4:28).
w15 2/1 5-б., 4—6 абз.
Әйса мундақ дегән: «Елиштин көрә бериш бәхитлигирәк» (Әлчиләр 20:35). Бизниң әмгигимиз херидар билән иш бәргүчиләргә пайда елипла кәлмәй, бизниң аилә әзалиримизға вә муһтаҗлиқта болғанларғиму пайдиси тегиду.
Аилә әзалири. Аилә беши өз аилисини тәминләш үчүн еғир әмгәк қилғанда, аилиси буниң икки пайдисини көриду. Биринчидин, у аилидикиләрниң тамақ, кийим-кечәк вә пана-җайға охшаш җисманий муһтаҗлиқлирини қанаәтләндүриду. Шундақ қилип у Йәһва Худаниң «өйдикилириниң еһтияҗлири һәққидә ғәмхорлуқ» қил дәп тапшурған вәзиписини орунлайду (Тимотийға 1-хәт 5:8). Иккинчидин, у балилирини әмгәк қилишқа тәрбийиләйду. Шэйн исимлиқ жигит мундақ дәйду: «Мениң дадам әмгәксөйгүч болушниң яхши үлгиси. У өмүрвайәт яғашчи болуп еғир әмгәк қилип, растчил киши болди. Дадам маңа әмгәкни сөйүшкә вә қандақту бир нәрсиләрни өз қолум билән ясашни үгәтти».
Ярдәмгә муһтаҗ адәмләр. Әлчи Паул мундақ дәп мәслиһәт бәргән: «Муһтаҗ болған билән бөлүшүшкә өз қоли билән пайдилиқ әмгәкни пүткүл вуҗудидин қилсун» (Әфәсликләргә 4:28). Һәқиқәтәнму өзүмизни вә аилимизни тәминләш үчүн тинмай әмгәк қилсақ, ярдәмгә муһтаҗ адәмләргиму қол учимизни созалаймиз (Пәнд-нәсиһәтләр 3:27). Шундақ қилип, башқиларға бериштин келидиған чоң хошаллиқни һис қилимиз.
Роһий гөһәрләрни издәйли
ijwyp 95-мақалә, 10, 11-абз.
● Қийинчилиқларниң чоң-кичиклигини ениқлаң. Чоң-кичик қийинчилиқларни бир-биридин пәриқ қилишни үгиниң. Муқәддәс китапта мундақ сөзләрни оқуймиз: «Ахмақниң аччиғи кәлсә, тезла билинәр; зерәк киши һақарәткә сәвир қилар, сәтчиликни ашкарилимас» (Пәнд-нәсиһәтләр 12:16). Һәммә қийинчилиқларни көңлиңизгә елип кәтмәң.
«Мәктәптики балилар һәтта қандақту бир кичик қийинчилиқлар түпәйлидин наразилиқни билдүрүп, буни иҗтимаий алақә васитилиригә тарқитиду вә у йәрдә достлириниң қайтурған инкасини оқуп, өзлиридә ғәзәп отини техиму яндуриду. Шу сәвәптин улар бу қийинчилиқларниң чоң-кичиклигини ениқлимай, тоғра көзқарашни сақлалмайду» (Джоанн).
12—18 МАЙ
ХУДА СӨЗИДИКИ ҒӘЗНӘ
«Зулумларниң чириғиға» алдинип қалмаң
it «Чирақ»
Көчмә мәнадики башқа мисаллар. Адәм һаятида бир нәрсини тоғра дәп таллиса, бу униң чириғи болиду. Пәнд-нәсиһәтләр 13:9да һәққаний билән зулумниң арисидики пәриқ көрситилгән: «Һәққанийларниң нури йоруқтур, зулумларниң чириғи өчүватиду». Һәққанийларниң йоли аста-аста йорутулиду. Амма зулумларниң йоруғи йоруқ болуп, һаяти үнүмлүк болуп көрүнсиму, ахирида уларниң чириғи өчүп қалиду. Худа уларниң мәңгү хошал-хорам өмүр сүрүшигә йол қоймайду. Ата-анисини һақарәтлигәнләрниңму ақивети шундақ болиду (П.н 20:20).
Адәмниң «чириғи өчиду» дегинимиз униң келәчиги йоқ дегәнни билдүриду. Пәнд-нәсиһәт китавиниң бир айитидә мундақ дейилгән: «Чүнки гунакарларниң келәчиги йоқ, кәлгүсидә уларниң чириғи өчүрүлиду» (П.н 24:20).
w12 7/15 12-б., 3-абз.
3 Әгәр Иблис икки мукәммәл инсанни вә көплигән пәриштиләрни Худа һөкүмранлиғиға қарши чиқишқа аздурған болса, у бизниму езиқтуруп кетиши мүмкин. Униң һийлә-микирлири өзгәрмәй қаливериду. Шәйтан Худаниң қаидә-өлчәмлири бәк еғир вә Униңға хизмәт қилидиған адәм һаятиниң раһитини көрмәйду дегәнгә ишәндүргиси келиду (Йоһ. 1-х. 5:3). Шундақ нуқтәий нәзәрдики адәмләр билән пат-пат арилашсақ, бизму шундақ ойлишимиз мүмкин. Яшлиқ дәвридә җинсий әхлақсизлиқ қилған 24 яшлиқ қериндишимиз: «Яман достлирим маңа қаттиқ тәсир қилди. Мениң ойлирим тәңдашлиримниң ойлиридин пәриқлинип қалмисун дәп қаттиқ әнсирәттим»,— дәйду. Мүмкин сизму шундақ бесимларға дуч кәлгәнсиз?
w04 7/15 31-б., 6-абз.
Тоғра билимгә асаслинип иш қилидиған әқил-парасәтлик һәм һәққаний киши бәрикәтлиниду. Сулайман падиша мундақ дегән: «Һәққаний киши тойғичә озуқлиниду, амма қанунсизларниң қарни тоймайду» (Пәнд-нәсиһәтләр 13:25). Һаятимизниң һәр түрлүк саһалирида, мәсилән, аилимиздә, адәмләр билән болған мунасивитимиздә, хизмитимиздә, бизни түзәткәндә, биз үчүн неминиң тоғра екәнлигини Йәһва яхши билиду. Худа Сөзидики мәслиһәтләрни қоллансақ, әң яхши һаят йоли билән маңимиз.
Роһий гөһәрләрни издәйли
Биз үчүн савақ. Аилә бешини һәрқандақ ишларни қилишқа меһир-муһәббәт дәвәт қилиши керәк. Бу немә үчүн шунчә муһим? Әлчи Йоһан: «Көрүп турған қериндишиға [яки аилисигә] меһир-муһәббәт көрсәтмисә, көрүнмәйдиған Худани сөйүши мүмкин әмәс»,— дәп җавап бәргән (Йоһ. 1-х. 4:11, 20). Наһайити ениқки, аилисини яхши көридиған вә Йәһва билән Әйсадин үлгә елишни халайдиған аилә беши өз аилисидики һәрбир әзасиниң Худа билән йеқин мунасивәт орнитишиға ярдәм бериду, уларниң һис-туйғу вә маддий тәрәптин еһтияҗлирини қамдайду (Тим. 1-х. 5:8). У балилириға тәлим-тәрбийә бериду. Шундақла у Йәһва Худани мәдһийиләйдиған вә өз аилисигә пайда әкелидиған қарарларни чиқиришни давамлиқ үгиниду. Һазир мошу тәләпләрни бир-бирләп муһакимә қилимиз вә аилә беши Йәһва Худани вә Мәсиһ Әйсани қандақ үлгә қилалайдиғанлиғини көрүп чиқимиз.
19—25 МАЙ
ХУДА СӨЗИДИКИ ҒӘЗНӘ
Апәт вақтида еһтиятчан болуң
10 Бәзи вақитларда һаятимизға хәвп-хәтәр туғдуридиған вақиәләрниң алдини алалмаймиз. Болупму тәбиий апәт, жуқумлуқ кесәлликләр вә зораванлиққа толған тоқунушлар йүз бәргәндә техиму шундақ. Бирақ шундақ балаю-апәтләргә дуч кәлгәндә, йол жүрүш чәклимиси тарқақлаштуруп орунлаштуруш буйруғи вә җиддий мәнъий қилишларға бойсунуш арқилиқ учрайдиған хәвп-хәтәрни азайтип һаят қилишқа тиришчанлиқ көрситәләймиз (Рим. 13:1, 5—7). Бәзи җиддий вәзийәтләргә алдин тәйярлиқ қилишқа болиду. Йәрлик һөкүмәтләрниң көрсәтмилиригә қулақ салсақ, улар балаю-апәтләргә тәйяр болушимизға ярдәм берәләйду. Мәсилән, җиддий пәйтләрдә қоллиниш үчүн су вә йемәкликләрни сақлап қоюш пайдилиқ, җиддий қутқузуш үчүн керәклик зөрүр нәрсиләрниму алдин тәйярлап қоюң.
11 Әгәр биз яшаватқан җайда жуқумлуқ кесәл тарқалса, қандақ қилишимиз керәк? Биз қол жуюш, башқилар билән мәлум арилиқни сақлаш, маска тақаш вә карантин қилиштәк бәзи җиддий чарә-тәдбирләргә бойсунушимиз керәк. Бундақ вәзийәтләрдә көрсәткән тиришчанлиғимиз Яратқучимизниң бәргән һаят соғисини қанчилик қәдирләйдиғанлиғимизни көрситип бериду.
12 Җиддий вәзийәтләргә дуч кәлгәндә, достлар, холум-хошниларниң арисида вә таратқуларда тоғра болмиған учурлар тарқилиши мүмкин. Биз аңлиған «һәрқандақ сөзгә» ишинип кәтмәй, чоқум һөкүмәт яки дохтурларниң ишәнчлик хәвәрлиригә қулақ селишимиз керәк (Пәнд-нәсиһәтләр 14:15ни оқуң). Рәһбәрлик кеңәш вә Бәйтәлләр җамаәт жиғилишлири билән вәз ейтиш хизмитигә йетәкчилик қилиштин илгири тоғра ишәнчлик учурға еришиш үчүн пүтүн күчи билән тиришчанлиқ көрситиду (Ибр. 13:17). Улар билән һәмкарлишиш арқилиқ өзүмизни вә башқиларни зиян-зәһмәттин қоғдаймиз. Биз йәнә башқиларниң Йәһва гувачилири һәққидә яхши көзқарашта болушиға ярдәм беримиз (Пет. 1-х. 2:12).
11 Әгәр бизни хәтәрлик вәзийәтләргә чүшүп қалған етиқатдашларға ярдәм беришкә чақирса, Садокқа охшаш батурлуқни қандақ көрситәләймиз? 1) Йол йоруққа әмәл қилиң. Шундақ хәтәрлик вәзийәтләрдә аримиздики инақ-иттипақлиқни сақлаш бәк муһим. Йәрлик Бәйтәл бериватқан көрсәтмиләргә қулақ селиң (Ибр. 13:17). Ақсақаллар тәбиий апәтләргә қандақ тәйярлиқ қилиш вә бундақ вәзийәтләрдә немә қилиш тоғрилиқ берилгән көрсәтмиләрни дайим тәкшүрүп туруши керәк (Кор. 1-х. 14:33, 40). 2) Батур, амма еһтиятчан болуң. (Пәнд н. 22:3) Бир ишни қилиштин бурун ойлиниң. Өз һаятиңизни хәтәргә бекар тәвәккәл қилмаң. 3) Йәһва Худаға тайиниң. Шуни унтумаңки, Йәһва Худа сизниң вә етиқатдашлириңизниң бехәтәрлигигә интайин көңүл бөлиду. У чоқум сизниң бехәтәр усул билән етиқатдашлириңизға яр-йөләк болушиңизға ярдәм берәләйду.
Роһий гөһәрләрни издәйли
Сәвирчан болушниң пайдиси һәққидә ойлаң. Сәвирчан болсақ, көңлүмиз техиму хошал-хорам вә тинч-хатирҗәм болиду. Шуңа, сәвирчанлиқ роһий вә җисманий сағламлиғимиз үчүн пайдилиқ. Башқиларға сәвирчан болсақ, улар билән техиму яхши мунасивәт орнитимиз. Җамаитимиз техиму инақ-иттипақ болиду. Бирси бизни териктүргәндә, асанлиқчә аччиқланмисақ, вәзийәтниң техиму яманлишип кетишиниң алдини алалаймиз (Зәб. 37:8; Пәнд н. 14:29). Һәммидин муһими, сәвирчан болсақ, асмандики Атимизни үлгә қилимиз вә Униңға техиму йеқинирақ болимиз.
26-МАЙ—1-ИЮНЬ
ХУДА СӨЗИДИКИ ҒӘЗНӘ
Башқиларға хошал болушқа ярдәм бериң
Өзүңизгә болған көзқараш. Чақиришни халисамму, меһман күтүш қолумдин кәлмәйду дәп ойлиған чеғиңиз болғанму? Өзүңиз тартинчақ болушиңиз мүмкин яки меһманлириңиз зерикип кетиду дәп әнсирәйдиғансиз. Йә болмиса, пулум анчә көп әмәс, меһманларни башқа қериндашлардәк яхши күтәлмәймән дәп ойлайдиғансиз. Әң муһими, өйүңизниң гөзәл вә һәшәмәтлик болуши әмәс, таза вә сәрәмҗан болуши екәнлигини унтумаң. Меһманларни очуқ чирай билән қарши алсиңиз, улар мәмнун болиду.
Меһман күткәндә башқиларму бираз әнсирәйду. Британиядә яшайдиған бир ақсақал мундақ дәйду: «Меһманларниң келишигә тәйярланғанда азирақ һодуқушимиз мүмкин. Лекин Йәһваға болған хизмәт билән бағлиқ һәрқандақ ишқа охшаш, буниңму пайдиси билән әкелидиған қанаәт сезими һәммә ғәм-әндишидин ешип чүшиду. Маңа меһманлар билән қәһвә ичип, сөһбәтлишиш яқиду». Меһманлириңизға сәмимий қизиқиш билдүрүш яхши нәтиҗә әкелиду (Филипиликләргә 2:4). Адәмләрниң көпчилиги бешидин өткән вақиәләрни ейтип беришни яхши көриду. Мундақ вақиәләрни пәқәт биллә җәм болғанда аңлалаймиз. Йәнә бир ақсақал мундақ деди: «Җамаәттики достлиримни өйгә чақириш арқилиқ уларни яхширақ чүшинәләймән вә улар билән йеқинирақ тонушуп, һәқиқәткә қандақ кәлгәнлигини биләләймән». Әгәр сиз меһманларға сәмимий көңүл бөлсиңиз, һәммисиниң хошал-хорам болидиғанлиғи сөзсиз.
Һәр түрлүк теократиялиқ мәктәпләргә қатнашқанларни пат-пат меһман қилидиған бир қериндишимиз мундақ дәйду: «Бешида азирақ әнсиридим. Сәвәви өйүм бәк аддий, җиһазлиримму башқилардин қалған. Бирақ мәктәптә муәллим болған бир бурадәрниң аяли билән сөзләшкәндин кейин, көңлүм орниға чүшти. У йолдиши иккисиниң наһийилик хизмәттә болғанлиғи һәққидә: “Бай әмәс болсиму, бизгә охшаш аддий турмуш кәчүрүп, Йәһваға хизмәт қилишқа интилидиған роһий қериндашларниң өйидә әң әҗайип күнлиримиз өтти”,— деди. Бу маңа апамниң кичик чеғимда: “Меһир-муһәббәт билән от-чөп йегән әвзәл”,— дегән сөзлирини есимға салди» (Пәнд-нәсиһәтләр 15:17). Әң муһими, меһманлиримизға меһир-муһәббәт көрситишимиз керәк, шуңа әнсирәшниң һаҗити йоқ.
16 Башқиларға болған һис-туйғуңизни очуқ билдүрүшкә тартинсиңизчу? Растини ейтқанда, башқиларни илһамландуруш анчә қийин әмәс. Бәзидә бирсигә күлүмсирәп қарашниң өзи йетәрлик. Әгәр шу адәм сизгә күлүмсүримисә, бәлким у қандақту бир қийинчилиққа дуч келип, муңдишидиған адәмгә муһтаҗ болуп жүргәнду. Уларни диққәт билән тиңшисиңиз, дәрдигә дәрман болалайсиз (Яқуп 1:19).
17 Әнвәр исимлиқ яш бурадәрниң бирнәччә йеқин туққини Йәһваға хизмәт қилишни тохтатқанда, у қайғуға патқан. Уларниң ичидә ақсақал болуп хизмәт қилған дадисиму болған. Бир наһийилик назарәтчи Әнвәрниң чүшкүн һалда жүргәнлигини байқап, уни биллә қәһвә ичишкә чақирған. Әнвәр сезимлири билән бөлүшкәндә, у диққәт билән тиңшиди. Шу чағда Әнвәр өзи садиқ болуп қалсила, аилисигә Йәһваға қайтип келишкә ярдәм берәләйдиғанлиғини чүшәнди. Шундақла униңға Зәбур 46-баптики, Зәфания 3:17 вә Марк 10:29, 30дики сөзләр тәсәлли бәрди.
18 Мәрийәм вә Әнвәрниң вақиәлиридин қандақ савақ алимиз? Һәрбиримиз илһамландурушқа муһтаҗ болған қериндашларниң роһини көтирәләймиз. Сулайман падиша мундақ язған: «Дәл вақтида қилған сөз нәқәдәр яхшидур! Хуш көзләр көңүлни шатландурар, хуш хәвәр болса, җанға озуқ берәр» (Пәнд-нәсиһәтләр 15:23, 30). Бирсиниң роһи чүшкән яки қайғулуқ екәнлигини байқидиңизму? Униңға «Күзитиш мунаридин» яки торбетимиздин бирнәрсә оқуп берәләмсиз? Паулниң ейтишичә, Падишалиқ нахшиларни биллә ейтқандиму, көңлүмиз орниға чүшиду. У: «Бир-бириңларға тәлим беришни һәм жүрәклириңларда Йәһваға саз челип, йеқимлиқ роһий нахшилар, Худани мәдһийиләйдиған сөзләр, зәбур-нәғмиләр билән җемиләшни давамлаштуруңлар»,— дәп язған (Колосилиқларға 3:16; Әлчиләр 16:25).
Роһий гөһәрләрни издәйли
ҺӘММИМИЗ нәсиһәткә муһтаҗ. Бәзидә биз тәшәббускарлиқ билән өзүмиз һөрмәтләйдиған биридин мәслиһәт сораймиз вә униң тәклип-пикирлирини аңлаймиз. Униңдин башқа, бизгә көңүл бөлидиған бир бурадәр кейинчә пушайман қилмаслиғимиз үчүн бизни хата қәдәмдин агаһландуруши мүмкин (Гал. 6:1). Һәтта еғир хаталиқ садир қилғандин кейин, бизни түзитиш үчүн нәсиһәт берилиши мүмкин. Мәйли қандақ сәвәптин бизгә нәсиһәт берилсун, биз чоқум униңға қулақ селишимиз керәк. Шундақ қилиш биз үчүн пайдилиқ, һәтта һаятимизни сақлап қелиши мүмкин (Пәнд н. 6:23).
Бу мақалидики асасий айәт бизни даналарниң сөзлиригә қулақ селишқа дәвәт қилиду (Пәнд н. 22:17). Дунияда һечким һәммә нәрсини билмәйду. Биз һемишәм өзүмиздин билимлик вә тәҗрибилик адәмләрни учритимиз (Пәнд-нәсиһәтләр 12:15ни оқуң). Нәсиһәткә қулақ селиш кәмтәрликниң бәлгүсидур. Бу камчилиғимиз бар екәнлигини вә мәхситимизгә йетиш үчүн бәзи ярдәмгә муһтаҗ екәнлигимизни етирап қилғанлиғимизни көрситиду. Худа дана падиша Сулайманға мону сөзләрни яздурған: «Мәслиһәт көп болса, утуққа еришиду» (Пәнд н. 15:22).
2—8 ИЮНЬ
ХУДА СӨЗИДИКИ ҒӘЗНӘ
Яхши қарарларни чиқиришқа ярдәм беридиған үч соал
w14 1/15 19, 20-б., 11, 12-абз.
11 Биз Йәһва Худаға хизмәт қилсақ бәхитлик болимиз (Пәнд н. 16:20). Йәрәмияниң кативи Баруқ буни унтуп қалған еди. У бир мәзгил Йәһваға хизмәт қилишта хошаллиғини йоқатқан еди. Йәһва униңға: «Сән болсаң өзәң үчүн зор бир нәрсини күтүватисән! Күтмә. Сәвәви, йеқинда Мән барлиқ җанларға балаю-апәт кәлтүримән,... саңа болса, җениңни қәйәргә бармисаңму, олҗидәк беримән» (Йәр. 45:3, 5). Баруқни немә хошал қилатти? «Зор бир нәрсини» алғиниму яки Йерусалим вәйран болған чағда Худаниң садиқ хизмәтчиси сүпитидә һаят қалғиниму? (Яқуп 1:12)
12 Рамиро исимлиқ бурадәр башқиларға хизмәт қилиштин хошаллиқ тапқан. У мундақ дәйду: «Мән Анд тағлирида җайлашқан йезида, кәмбәғәл аилидә чоң болған. Шуңа, акам университетта оқуш пулини төләп беримән дегәндә, бу маңа баяшат яшишимға йол ачатти. Бирақ мән йеқинда Йәһва гувачи сүпитидә чөмдүрүлүштин өткән едим. Бир пионер мени кичик шәһәрдә биллә вәз қилишқа тәклип қилған еди. Мән униң тәкливини қобул қилдим. Шу йәргә көчкәндин кейин, чач елишни үгинип, сатрашхана ечивалдим. Нурғун адәмләр Муқәддәс китап үгинишигә хошаллиқ билән келишәтти. Кейинирәк у йәрдә йеңи йәрлик җамаәт тәшкил қилинди. Мениң толуқ вақитлиқ хизмәт қиливатқинимға он жил болди. Һәрқандақ кәсип башқиларға уларниң ана тилида хуш хәвәр ейтиштин келидиған хошаллиқни берәлмәйду».
w13 9/15 17-б., 1—3 абз.
Һәммимизгә алған тәрбийимиз вә әтрапимиздики муһит қаттиқ тәсир қилиду. Биз мәлум кийимләрни кийимиз, мәлум тамақларни йәймиз вә мәлум бир адәтлиримиз бар. Немишкә шундақ? Чүнки әтрапимиздики адәмләр вә һаятимиздики шараитлар бизгә қаттиқ тәсир қилиду.
2 Бирақ озуқ-түлүк вә кийим кийиш усулини таллаштинму муһимирақ нәрсиләр бар. Мәсилән, биз бәзи нәрсиләрни тоғра вә мақул көрүмиз, бирақ башқа нәрсиләрни натоғра вә налайиқ дәп һесаплаймиз. Шундақ чиқарған нурғун шәхсий қарарлиримиз башқа адәмләрниң чиқарған қарарлиридин қаттиқ пәриқлиниши мүмкин. Йәнә бизниң қарарлиримизға вижданимиз тәсир қилиду. Муқәддәс китапта көп вәзийәтләрдә «қануни йоқ башқа хәлиқләрниң кишилири тәбиий һалда бу Қанунға мувапиқ ишларни» қилидиғанлиғи йезилған (Рим. 2:14). Демәк, Худадин кәлгән ениқ қанунлар болмиса, бу тәрбийимизгә вә әтрапимиздики адәмләргә қарап һәрикәт қилишимиз керәклигини билдүрәмду?
3 Яқ, буниң икки муһим сәвәви бар. Биринчидин, «бәзи йол адәмгә дурустәк көрүниду, амма бу йолниң ахирида өлүм күтиду» (Пәнд н. 16:25). Намукәммәл болғанлиқтин, бизгә немә пайдилиқ болидиғанлиғини ениқлашқа қабилийитимиз йетишмәйду (Пәнд н. 28:26; Йәр. 10:23). Иккинчидин, Муқәддәс китапта мошу дунияниң худаси Шәйтан екәнлиги йезилған. Шуңа бу дунияниң қаидә-өлчәмлири Иблистин келиду (Кор. 2-х. 4:4; Йоһ. 1-х. 5:19). Шуниң үчүн, Йәһваниң бәрикити билән мақуллишиға еришиш үчүн Римлиқларға 12:2дә (оқуң) йезилған көрсәтмиләргә қулақ селишимиз керәк.
Роһий гөһәрләрни издәйли
АДӘТТӘ тәбиий һаләттики алмаз пақиримайду яки көзүмизгә анчә челиқмайду. Шуңа бир киши тәбиий һаләттики алмазни көрсә, униң немә иш екәнлигини билмәслиги, һәтта бу қиммәтлик гөһәрни дәссәп өтүп кетиши мүмкин.
Мәлум җәһәттин, садақәтмән яшанған қериндашлиримиз әшу алмазға охшайду. Улар қиммәтлик ғәзнидур. Муқәддәс Язмиларда уларниң ақ-чачлири таҗға селиштурулған (Пәнд-нәсиһәтләр 16:31ни оқуң; 20:29). Биз әшу ғәзнигә охшаш қериндашлиримизни көзгә асан челиқтурмаслиғимиз мүмкин. Яшлар әшу яшанғанларниң қәдрини чүшәнсә, маддий байлиқлардинму көпирәк байлиқларға еришәләйду. Немә үчүн Йәһва Худа садақәтмән қериндашлиримизни ғәзнидәк көриду? Уларниң Худа тәшкилатида қандақ роли бар? Уларниң қалдурған үлгилиридин көпирәк үгиниш үчүн немә қилсақ болиду? Мошу мақалидә бу соалларға җавап тапимиз.
9—15 ИЮНЬ
ХУДА СӨЗИДИКИ ҒӘЗНӘ
Некадики течлиқтин һузурлиниң
g 9/14 11-б., 2-абз.
Өзүңизни растчил тәкшүрүң. Муқәддәс китапта «териккәк» вә «қени қизиқ» кишиләр тоғрилиқ ейтилған (Пәнд-нәсиһәтләр 29:22). Сиз шундақ адәмләргә охшамсиз? Өзүңиздин сорап беқиң: «Мән тез хапа болимәнму? Түгмидәк нәрсини төгидәк қилип, асанла аччиғим келәмду?» Муқәддәс китапта: «Ким бу хаталиқ тоғрилиқ сөзләвәрсә, достидин айрилиду»— дейилгән (Пәнд-нәсиһәтләр 17:9; Вәз 7:9). Мошундақ вәзийәт әр-аялниң арисидиму йүз бериши мүмкин. Шуңа, асанла ғәзәпләнсиңиз, өзүңиздин мундақ дәп сораң: «Өмүрлүк җоримға сәвир-тақәт көрситәләймәнму?» (Муқәддәс китап принципи: Петрусниң 1-хети 4:8)
w08 5/1 10-б., 6-абз.—11-б., 1-абз.
1. Мәсилини һәл қилиш үчүн вақит аҗритиң. «Һәммә нәрсиниң өз вақти-саати бар... Унчуқмайдиған һәм сөзләйдиған вақит» (Вәз 3:1, 7). Бу мақалиниң бешида ейтилғандәк, гайибир вәзийәтләрдә һиссиятимизға егә болалмай қелишимиз мүмкин. Әгәр шундақ вәзийәт йүз бәрсә, аччиқлинип кәтмәслигиңиз үчүн, өзүңизни тохтитип,«унчуқмайдиған» вақитниң барлиғини әстә тутуң. «Маҗраниң башлиниши — суниң йерилип чиқишиға охшаш. Җедәл қизип кәткичә, уни ташлап қач» дегән принципқа қулақ салсиңиз, җориңиз билән болған яхши мунасивәтни сақлап қалисиз (Пәнд-нәсиһәтләр 17:14).
Амма «сөзләйдиған вақит» бар екәнлигини унтумаң. Қийинчилиқлар явайи чөпкә охшайду. Уларни жулуп ташлавәтмисәк, у өсүп, көпийип кетиду. Қийинчилиқлар өз-өзидин һәл болуп кетиду дәп, уларға ерәнсизлик қилмаң. Әгәр сиз параңлишишни тохтатмақчи болсиңиз, җориңизға һөрмәт көрситип, гепиңизни кейин давамлаштуридиғанлиғиңизни ейтиң. Андин кейин бәргән вәдиңиздә чоқум туруң. Шундақ қилсаңлар, «ғәзивиңлардин қайтмай туруп, күнму петип кәтмисун» дегән Муқәддәс китаптики мәслиһәткә әмәл қилалайсиләр (Әфәсликләргә 4:26, ЙД).
Роһий гөһәрләрни издәйли
Көчмә мәнадики жүригимизни қоғдашниң муһим бир сәвәви — Йәһва қәлбимизни тәкшүрүп туриду. Демәк, У бизниң ташқи көрүнүшимизгә әмәс, қәлбимизгә қарайду (Пәнд-нәсиһәтләр 17:3ни оқуң). Әқлимизни һаятлиққа ериштүридиған даналиқ билән толдурсақ, У биздин хурсән болиду (Йоһ. 4:14). Шу чағда Шәйтанниң әхлақсизлиқ, ялғанчилиқ вә бу дуниядики рәзил адәмләрниң зәһиридин сақлиналаймиз. Йәһваға қанчә йеқинлашқансири, Униңға болған муһәббитимиз вә һөрмитимиз техиму күчийиду. Чүнки биз асмандики Атимизни рәнҗитишни халимаймиз. Һәтта гуна қилишни ойлашниму өч көрүмиз. Хата иш қилишқа езиқтурулғанда, өз-өзүмиздин шундақ сораймиз: «Маңа шунчә көп меһир-муһәббәт көрсәткән Бирини қандақму қәстән рәнҗитәләймән?» (Йоһ. 1-х. 4:9, 10)
16—22 ИЮНЬ
ХУДА СӨЗИДИКИ ҒӘЗНӘ
Ағриватқанларға илһам бериң
17 Гәп қилиштин бурун ойлиниң. Еһтият қилмисақ, сөзлиримиз башқиларниң көңлини ағритиши мүмкин. Муқәддәс китап мундақ дәйду: «Бәзи қуруқ сөзлүк адәм еғизи билән қиличтәк санчийду, даналар тили давалайду» (Пәнд н. 12:18). Башқиларниң хаталиқлири тоғрисида ғевәт қилиштин сақлансақ, яхши мунасивәтни сақлаймиз (Пәнд н. 20:19). Әгәр сөзлиримизниң башқиларниң көңлигә азар беришини әмәс, бәлки шипа болушини халисақ, чоқум қәлбимизни Худаниң сөзи билән толдурушимиз керәк (Луқа 6:45). Биз Муқәддәс Язмиларниң немә дегәнлиги һәққидә ойлансақ, сөзлиримиз башқиларға тәсәлли вә илһам-мәдәтләрни беридиған даналиқ мәнбәсигә айлиналайду (Пәнд н. 18:4).
Башқиларни көңүл қоюп тиңшаш үчүн кәмтәр вә сәвирчан болушимиз керәк. Шундақ қилишниң кам дегәндә үч пайдилиқ сәвәви бар. Биринчидин, биз башқилар тоғрилиқ натоғра ой-пикирдин нери болимиз. Иккинчидин, етиқатдашниң сөзлириниң вә иш-һәрикәтлириниң сәвәвини чүшинимиз вә бу өз новитидә бизгә униңға меһир-шәпқәт көрситишимизгә ярдәм бериду. Үчинчидин, башқиларниң өз қәлбидики һис-туйғулирини йошурмай ейтишиға пурсәт бәрсәк, у өз-өзини чүшиниши мүмкин. Бәзидә адәм ички һис-туйғулирини ташқириға өз сөзлири арқилиқ ипадилимигичә, өзини ахириғичә чүшәнмәслиги мүмкин (Пәнд н. 20:5). Асиядики бир ақсақал мундақ дәйду: «Бир қетим мән һәммә сәвәпләрни билмәй туруп, бир қериндаш билән сөзләштим. Мән униңға учришиштики җаваплириниң сүпитини яхшилитиш керәклигини ейттим. Кейинирәк, мән шу қериндаш үчүн оқуш бәк қийин екәнлигини вә учришишта җавап бериш үчүн көп күч чиқиришқа тоғра келидиғанлиғини билдим». Һәрбир ақсақал үчүн нәсиһәт бериштин авал, сөзни аңлаш бәк муһим, шундақ әмәсму?! (Пәнд н. 18:13).
Бәзи қериндашлиримиз келип чиқиши, мәдәнийити яки миҗәз-хулқи түпәйлидин һис-туйғулири һәққидә сөзләштин тартиниду. Шундақ қериндашларға ич-сирини төкүшкә қандақ ярдәм берәләймиз? Йәһва Худаниң Изабәлдин қачқан Илияс пәйғәмбәргә қандақ муамилә қилғанлиғини есимизгә алайли. Илияс Асмандики Атисиға өз һис-туйғулирини ейтип бәргичә бираз вақит өткән еди. Йәһва Худа уни көңүл қоюп тиңшиған. Кейин униңға тәсәлли берип, бәк муһим бир ишни тапшурған (Пад. 1-яз. 19:1—18). Етиқатдашлар өзлирини әркин-азадә һис қилип, биз билән сөзлишиши үчүн бираз вақит керәк болуши мүмкин. Лекин улар өзлирини әркин һис қилғандила, қәлбидә немә барлиғини чүшинәләймиз. Йәһва Худадин үлгә елип, сәвирчан болсақ, қериндашлар бизгә ишинидиған болиду. Улар бизгә ич-бағрини төкүшкә тәйяр болғанда, биз диққәт билән тиңшишимиз зөрүр.
wp23.01 14-б., 3-абз.—15-б., 1-абз.
«Роһий чүшкәнләргә тәсәлли бериңлар» (Салоникилиқларға 1-хәт 5:14, ЙД)
Сизниң достуңиз ғәм-әндишигә чүшүп, өзини һеч немигә яримастәк һис қилиши мүмкин. Шундақ вәзийәттә немә дейишиңизни билмисиңизму, униң сиз үчүн қадир-қиммәтлик екәнлигини ейтсиңиз, достуңизға тәсәлли берәләйсиз.
«Һәқиқий дост һәр вақитта яхши көриду» (Пәнд-нәсиһәтләр 17:17)
Йеқиниңизға әмәлий ярдәм бериң. Қандақ ярдәм беришни тәхмин қилишниң орниға, қандақ ярдәм керәклигини өзидин сораң. Йеқиниңиз немә керәклигини ейтишқа хиҗаләт болса, қандақту бир ишларни униң билән биллә қилип көрүң. Мәсилән, униң билән биллә сәйлә қилиң. Йә болмиса, дуканға берип келиң, өйини бесиқтурушқа яки башқа ишларға ярдәм қилиң (Галатилиқларға 6:2).
«Сәвирлик көрситиңлар» (Салоникилиқларға 1-хәт 5:14)
Бәзидә достуңизниң кәйпияти болмай, сиз билән сөзләшни халимаслиғи мүмкин. Шу чағда «халиған вақтиңизда мән сиз билән сөзлишишкә дайим тәйярмән» дәп ейтип қоюң. Кесәллик сәвәвидин у сизни хапа қилидиған сөзләрни ейтиши яки ишларни қилиши мүмкин. Шундақ вәзийәттә сәвирлик болуп, уни чүшинишкә тиришиң (Пәнд-нәсиһәтләр 18:24).
Роһий гөһәрләрни издәйли
Немә қилишимиз керәк? Қийин болсиму, өзүңизни башқилардин чәткә тартмаң. Чүнки узақ вақит ялғуз қалсақ вә өзүмизни башқилардин чәткә тартсақ, пәқәт өзүмизни вә қийинчилиғимизни ойлап, нәтиҗидә тоғра қарар чиқиралмай қалимиз (Пәнд н. 18:1). Әлвәттә, бешимизға еғир күн чүшкәндә ялғуз қалидиған вақит керәк. Бирақ узунғичә өзүмизни башқилардин чәткә тартсақ, Йәһваниң бизгә бериватқан ярдимини рәт қилип жүргәндәк болуп қалимиз. Ундақта, мәйли қандақ қийин болсун, аилиңиз, достлириңиз вә ақсақалларниң ярдимини қобул қилиң. Унтумаңки, Йәһва Худа уларни ишлитип, сизни қоллап-қувәтләйду (Пәнд н. 17:17; Йәшая 32:1, 2).
23—29 ИЮНЬ
ХУДА СӨЗИДИКИ ҒӘЗНӘ
Һәқиқий дост болуң
16 Қериндашларниң яман әмәс, яхши тәрәплиригә диққәт ағдуруң. Мәсилән, бир топ қериндашлар билән җәм болғанлиғиңизни тәсәввур қилип көрүң. Көңүллүк вақит өткүзүватисиләр. Хошлишай дегәндә, биллә бир рәсимгә чүшмәкчи болдуңлар. Биринчи сүрәт яхши чиқмиғачқа, йәнә икки рәсим тарттиңиз дәйли. Әнди сиздә үч рәсим бар. Амма уларниң биридә бир бурадәрниң қапиғи түрүлүп қапту. Бу сүрәт билән немә қилисиз? Уни өчүрүветисиз. Чүнки сиздә шу бурадәрниң вә башқиларниңму яхши чиққан йәнә икки рәсим бар.
17 Рәсимләрни есимиздә сақлиған әслимиләр билән селиштурушқа болиду. Биз адәттә қериндашлиримиз билән өткүзгән вақитлиримизни яхши әсләймиз. Амма шу вақитта бирси сизни хапа қилидиған бир нәрсини ейтип яки қилип қойди дәйли. Начар чиққан рәсимни өчүрүвәткәндәк, шу әслимини есимиздин өчүрүвәтсәк яхши болатти (Пәнд н. 19:11; Әфәс. 4:32). Шу қериндаш тоғрилиқ яхши әслимиләр көп болғачқа, кичик хаталиғини унтуп кәтсәк яхши. Биз қериндашлиримиз билән өткүзгән пәқәт яхши әслимиләрни әстә сақлап, қәдирләшни халаймиз.
10 Бизму етиқатчи қериндашлиримизға ярдәм беришниң йоллирини издәймиз (Ибр. 13:16). Алдинқи мақалидә тилға елип өткән Аннаниң кәчүрмишлирини әсләп көрәйли. Күчлүк қара борандин кейин у йолдиши билән бир Гувачиниң аилисини йоқлап барған вә уларниң өйиниң өгүзи күчлүк боран-чапқунда вәйран болғанлиғини көргән. Бу аилиниң пакиз кийимлири қалмиған еди. Анна мундақ дәйду: «Уларниң кийимлирини елип жуйдуқ, дәзмаллап, чирайлиқ қатлап уларға қайтуруп бәрдуқ. Бу биз үчүн қийин иш әмәс еди. Шундақ қилғачқа, улар билән йеқин дост болуп кәттуқ. Достлуғимиз һазирғичә давам қиливатиду». Анна вә йолдишиниң қериндашларға болған сөйгү-муһәббити уларни әмәлий ярдәм беришкә үндигән (Йоһ. 1-х. 3:17, 18).
11 Әгәр башқиларға сөйгү-муһәббәт вә меһрибанлиқ билән муамилә қилсиңиз, улар сизниң Йәһвани үлгә қилишқа тиришиватқанлиғиңизни көрәләйду. Улар меһрибанлиғимиз үчүн миннәтдар болғанлиғини биз билмәслигимиз мүмкин. Жуқурида тилға елинған Ханқиз униңға ярдәм қилғанларни әслигәндә көңли сөйиниду. У мундақ дәйду: «Мени вәз хизмитигә биргә елип чиққан көйүмчан қериндашлар үчүн бәкму миннәтдармән. Улар мени машинисиға еливалатти. Чай ичишкә яки тамаққа тәклип қилатти вә өйүмгә бехәтәр әкелип қоятти. Һазир шуни тонуп йәттимки, улар мән үчүн көп ишларни қилған. Мән уларниң сөйгү-муһәббәтлирини һис қилдим». Әлвәттә, һәммила киши бизниң улар үчүн қилғанлиримизға рәхмәт ейтмаслиғи мүмкин. Ханқиз өзигә ярдәм бәргәнләр һәққидә мундақ дәйду: «Гәрчә уларниң маңа қилған барчә яхшилиқлири үчүн җавап қайтурушни халисамму, уларниң қәйәрдә туридиғанлиғини билмәймән. Бирақ Йәһва уларниң яхшилиқлириға җавап қайтуриду. Йәһва мән үчүн уларға җавап қайтуруши тоғрилиқ дуа қилимән». Ханқизниң ейтқанлири һәқиқәтән тоғра. Йәһва башқиларға қилған кичиккинә яхшилиғимизға һәм диққәт қилиду. У уни қиммәтлик қурбанлиқ сүпитидә көриду вә Өзиниң қайтурушқа тегишлик қәрзи дәп қарайду (Пәнд-нәсиһәтләр 19:17ни оқуң).
6 Бир киши узун жиллар охшаш бир ширкәткә садиқлиқ билән хизмәт қилди дәйли. Бирақ у башлиқлириниң һечбирси билән учришип бақмиған. У көпинчә вақитларда ширкәтниң қаидә-түзүмлирини яқтурмиған болуши мүмкин. У бу ширкәтни яхши көргини үчүн әмәс, бәлки аилисиниң еһтияҗлирини қамдаш үчүн шу хизмитиниң болғинидин бәк хошал. Әгәр башқа бири уни яхширақ маашлиқ хизмәткә тәклип қилмиса, у шу ширкәттә пенсиягә чиққичә хизмәт қилишни давамлаштуриду.
7 Алтинчи абзацта тилға алған садиқлиқ билән садиқ меһир-муһәббәт арисида пәриқ бар. Шу пәриқ кишиниң нийитидә ипадилиниду. Қедимки заманда немә үчүн Худаниң хизмәтчилири садиқ меһир-муһәббәт көрсәткән? Әшу садиқ меһир-муһәббәтни көрсәткәнләр чоқум шундақ қилиши керәк болғини үчүн әмәс, бәлки, улар өз жүригидин халап, шундақ қилған. Давутниң мисалини көрүп бақайли. Гәрчә Йонатанниң дадиси Давутни өлтүрмәкчи болған болсиму, бирақ Давут өз дости Йонатанға садиқ меһир-муһәббитини чин жүрәктин көрситишни халиған. Йонатан өлүп, нурғун жиллардин кейинму Давут йәнила Йонатанниң оғли Мәфибошәтқа өзиниң садиқ меһир-муһәббитини көрситишни давамлаштурған (Сам. 1-яз. 20:9, 14, 15; Сам. 2-яз. 4:4; 8:15; 9:1, 6, 7).
Роһий гөһәрләрни издәйли
ЯШ БОЛСИҢИЗ, келәчәк тоғрисида көп мәслиһәтләрни аңлайдиғансиз. Муәллимләр, туққанлар яки башқа адәмләр көп пул тепишиңиз үчүн сизгә алий билим елиш керәк дәп ейтиши мүмкин. Амма Йәһва сизни тамамән башқа йолни таллашқа тәклип қилиду. Әлвәттә, У сизниң келәчәктә җан беқип, өзүңизни тәминләш үчүн мәктәптә яхши оқушиңизни халайду (Колосилиқларға 3:23). Лекин Худа сизниң яш чеғиңизда келәчигиңизгә тәсир қилидиған муһим қарарлар чиқириш керәклигиниму чүшиниду. Шуңа У сизгә йол-йоруқ көрситидиған принципларни бериду вә бу дунияниң ахири йеқинлишиватқанда Уни хошал қилип яшишиңизға ярдәмлишиду (Мәтта 24:14).
Ядиңизда тутуң, Йәһва Худа һәммини билиду. У келәчәктә немә болидиғанлиғини вә бу дунияниң ахири қачан келидиғанлиғини ениқ билиду (Йәшая 46:10; Мәтта 24:3, 36). Йәһва сизниму яхши билиду. Сизни немә хошал қилип, немә хапа қилидиғанлиғи Униңға мәлум. Инсанларниң мәслиһәтлири яхши болуп көрүнүши мүмкин, бирақ улар Муқәддәс китапқа асасланмиса, бу мәслиһәтләрни дана дәп ейтиш қийин (Пәнд-нәсиһәтләр 19:21).
30-ИЮНЬ—6-ИЮЛЬ
ХУДА СӨЗИДИКИ ҒӘЗНӘ
Муһәббәтлишиш вақтида дана қарар чиқиришқа немә ярдәм бериду?
3 Гәрчә муһәббәтлишип жүрүш кишигә хошаллиқ елип кәлсиму, лекин буниңға җиддий қараш керәк, чүнки бу икки кишини ахирида той қилишқа елип баридиған муһим бир қәдәм. Той күни қиз-жигит Йәһва Худаниң алдида өмүр бойи бир-бирини сөйүшкә вә өз ара иззәт-һөрмәт көрситишкә қәсәм бериду. Әлвәттә, һәрқандақ қәсәмни бериштин авал бу муһим мәсилини тәпсилий көрүп чиқишимиз керәк (Пәнд-нәсиһәтләр 20:25ни оқуң). Бу нека қәсимигиму қаритилған. Бир җүпләр муһәббәтлишип жүргән чағларда бир-бирини яхширақ тонуп, дана қарарни чиқиралайду. Бәзиләр той қилишни, башқилар болса муһәббәтлишип жүрүшни тохтитишни қарар қилиду. Әгәр бир җүпләр айрилип кәтсә, бу уларниң хата иш қилғанлиғини билдүрмәйду. Әксинчә, муһәббәтлишип жүрүш өз мәхситигә йәтти, йәни бу уларниң дана қарар чиқиришиға ярдәм бәрди.
4 Немә үчүн муһәббәтлишип жүрүшкә тоғра көзқарашта болуш керәк? Әгәр той қилмиған бири тоғра көзқарашта болса, у той қилишни ойи болмиған бири билән муһәббәтлишип жүрүшни башлимайду. Бирақ муһәббәтлишип жүрүшкә пәқәт той қилмиғанлар әмәс, һәммимиз тоғра көзқарашта болушимиз керәк. Мәсилән, бәзиләр муһәббәтлишип жүргәнләрни көргәндә, улар чоқум той қилиши керәк дәп ойлайду. Бундақ көзқараш той қилмиған етиқатдашларға қандақ тәсир қилиду? Америкида яшайдиған Мелисса исимлиқ бир қериндаш мундақ дәйду: «Бири билән учришишқа чиққан қериндашлар интайин қийин бесим һис қилиду, чүнки бәзи етиқатдашлар учришип жүргән бурадәр қериндашни көргәндә уларниң чоқум той қилишини күтиду. Шуңа учришип жүргән етиқатдашлар бир биригә лайиқ кәлмәйдиғанлиғини көрүп йәтсиму айрилип кетәлмәйду. Бәзилири болса бири билән муһәббәтлишип жүрүшни башлашни җүръәт қилалмайду. Бу кишини қаттиқ ғәм-әндишигә салиду».
8 Сизгә лайиқ болған кишини қандақ чәттин сәп селип биләләйсиз? Җамаәт учришишлирида яки достлар ара олтиришларда шу кишиниң миҗәз-хулқи, жүрүш-туруши вә Йәһва билән болған мунасивитигә диққәт қилалайсиз. Униң достлири ким? У немә тоғрилиқ сөзләйду? (Луқа 6:45) Униң мәхсәтлири билән сизниң мәхсәтлириңиз охшамду? Униңдин башқа, униң җамаитидики ақсақаллар яки уни яхши тонуйдиған роһий җәһәттин йетилгән қериндашлар билән параңлишип көрүң (Пәнд н. 20:18). Улардин у кишиниң миҗәз-хулқи вә нам-абройи һәққидә сорап беқиң (Рут 2:11). Буни қилғанда у кишини раһәтсизләндүрүп қоюштин сақлиниң. Униң һис-туйғулири вә шәхсий һаятини һөрмәтләң. Шундақла шу кишини көпирәк билишни халаймән дәп дайим пәрванидәк әтрапида айлинип жүрмәң.
7 Сиз муһәббәтлишип жүргән киши зади қандақ бир инсан екәнлигини билиш үчүн немә қилалайсиз? Буниң бир йоли — очуқ-ашкарә сөһбәтлишип, бәзи соалларни қоюш вә диққәт билән тиңшаш (Пәнд н. 20:5; Яқуп 1:19). Әркин-азадә параңлишиш үчүн бәзи ишларни қилсаңлар болиду. Мәсилән, биргә тамақ йәңлар, адәмләр бар йәрләрдә сәйлә қилиңлар вә биллә вәз қилиңлар. Униңдин башқа аилә әзалириңлар вә достлириңлар билән вақит өткүзгәндә, бир-бириңларни яхширақ биләләйсиләр. Йәнә арилишип жүргән адәмниң түрлүк вәзийәтләрдә, һәрхил кишиләр арисида өзини қандақ тутидиғанлиғини көрәләйсиз. Голландиядики Ашвин исимлиқ бурадәр Алиша билән муһәббәтлишип жүргәндә, немә қилғанлиғини көрүп бақайли. У мундақ дәйду: «Биз бир-биримизни яхширақ чүшиниш үчүн бәзи ишларни қилишқа тириштуқ. Мәсилән, биз пат-пат бирликтә тамақ тәйярлаш вә өйдики чоң-кичик ишларни қилдуқ. Биргә бундақ ишларни қилғанда, бир-биримизниң яхши хисләтлиримизни вә аҗиз тәрәплиримизни көрдуқ».
8 Шуниңдәк Муқәддәс китапни бирликтә тәтқиқ қилип, үгиниш арқилиқ бир-бириңларни яхширақ биләләйсиләр. Әгәр той қилсаңлар аиләвий ибадәт үчүн вақит чиқиришиңлар керәк, чүнки Худа аилиңлардә муһим орунда туриду (Вәз 4:12). Шуңа һазирниң өзидә учришип жүргән вақитта биллә тәтқиқ үгинишни өткүзүшкә вақит чиқириңлар. Әлвәттә муһәббәтлишип жүргәнләр һазирчә бир аилә әмәс вә бурадәр техи қериндашниң беши әмәс. Лекин бирликтә тәтқиқ үгинишни өткүзгәндә, бир-бириңларниң Йәһва Худа билән болған достлуқ мунасивити қанчилик күчлүк екәнлигини биливалалайсиләр. Америкилиқ бир җүпләр Макс билән Лиза бирликтә тәтқиқ үгинишини өткүзүшниң башқа пайдилиқ тәрипини байқиған. Макс мундақ дәйду: «Муһәббәтлишип жүрүшни башлиғанда, биз учришишқа чиқиш, той қилиш вә аиләвий турмуш тоғрисидики мәлуматларни бирликтә муһакимә қилип үгәндуқ. Шу муһакимә қилған материаллар адәттә өзүмизгә башлашқа қийин болған бәзи муһим мавзулар тоғрилиқ сөһбәт башлишимизға ярдәм бәрди».
Роһий гөһәрләрни издәйли
Бәзи чағларда ата-анилар үчүн пәрзәнтлири дуч кәлгән қийинчилиқлар һәққидә параңлишиш асанға тохтимаслиғи мүмкин. Әгәр сиз шундақ әһвалға дуч кәлгән болсиңиз, балилириңларниң көңлидикини сиртқа тартип чиқиришиңлар керәк (Пәнд-нәсиһәтләр 20:5ни оқуң). Бәзи ата-анилар үчүн балилири билән тәбиәттин һузурланғанда, мундақ қилиш асанға тохтайду. Буниң бир сәвәви, балилар вә ата-аниларниң шундақ пәйттә диққитини чачидиған ишлар аз болиду. Тайваньдики Масахико исимлиқ дада йәнә бир сәвәвини тилға елип, мундақ дәйду: «Биз пәрзәнтлиримиз билән сиртқа вақит өткүзүшкә чиққанда, тағда сәйлә қилғанда яки деңиз бойини тамашә қилип маңғанда, улар адәттә өзини техиму әркин-азадә һис қилиду. Шундақ пәйтләрдә улар билән сөһбәтлишип, һис-туйғулирини билиш биз үчүн асанирақ болиду». Жуқурида тилға алған Катя мундақ дәйду: «Мәктәптин кейин апам мени чирайлиқ бир бағчиға елип баратти. Шундақ әркин-азадә муһитта мән апамға мәктәптә немә ишлар болғанлиғини яки немидин ғәм-әндишә қилғанлиғимни бемалал ейтип берәттим».