Isaya
39 Kotembo yaco, soma yo ko Bavulono okuti Merodake-Valadani omõla a Valadani, wa tuma ku Hesekiya+ ovikanda lombanjaile omo a yeva okuti, eye wa kala oku vela kuenda wa kaya.+ 2 Hesekiya lesanju wa va yolela* loku va lekisa ovina viaye via kala vonjo yovokuasi+ okuti, opalata, ulu, olosimbolua viulela, lolosimbolua vikuavo viulela wa tĩla, onjo yaye yosi yovota kuenda ovina viosi via kala vohondo yoku seleka ovokuasi aye. Ka kua kaile lacimue Hesekiya ka lekisile vonjo* yaye kuenda kuviali waye wosi.
3 Noke uprofeto Isaya weya ku Soma Hesekiya kuenda wo pula hati: “Alume ava va popia nye kuenda va tunda pi?” Hesekiya hati: “Ovo va tunda kofeka yocipãla okuti, ko Bavulono.”+ 4 Kuenje Isaya wo pula hati: “Nye ovo va mola vonjo* yove?” Hesekiya wa tambulula hati: “Ovo va mola cosi ci kasi vonjo* yange. Ka kuli lacimue sia va lekisile vohondo yoku seleka ovokuasi ange.”
5 Isaya wa sapuila Hesekiya hati: “Yevelela ondaka ya Yehova ukualohoka yokuti: 6 ‘Tala! Kuiya oloneke okuti, ovina viosi vi kasi vonjo* yove lovina viosi vakukululu yove va seleka toke etaili, vi ka ambatiwa ko Bavulono. Lacimue ci ka supapo,’+ oco Yehova a popia.+ 7 ‘Vamue pokati komãla vove o ka cita, va kambatiwa kuenda va ka linga vakesongo kelombe lia soma yo ko Bavulono.’”+
8 Kuenje Hesekiya wa sapuila Isaya hati: “Ondaka ya Yehova yina ove wa ndi sapuila, yiwa.” Kuenje wamisako hati: “Momo ku ka kala ombembua loku kolapo* vokuenda kuomuenyo* wange.”+