Ukanda ku Tito
1 Ame ndi Paulu, ndukuenje wa Suku, haime ndupostolo wa Yesu Kristu. Ekolelo lupange wange wupostolo, u likuata lekolelo lia vana va nõliwa la Suku kuenda lukũlĩhĩso wa suapo wocili una u likuata loku sumbila Suku. 2 Ovina viaco via kunamẽla kelavoko liomuenyo ko pui.+ Suku una okuti ka pondola oku kemba+ a likuminya tunde osimbu; 3 pole, votembo yaye ya sokiyiwa, wa situlula ondaka yaye okuti yi kũlĩhĩwa omo liupange woku kunda wa ñundikiwa+ ndomo nda tumiwa Lupopeli wetu Suku; 4 ndi sonehela Tito omõla wocili ndomo ci likuata lekolelo tu kuete:
Ohenda ya piãla lombembua yi tunda ku Suku Isia kuenda ku Kristu Yesu Upopeli wetu, yi kale love.
5 Nda ku sia ko Kurete oco o pengulule ovina via penga,* loku nõla akulu vekongelo volupale lolupale ndomo nda ku handeleka okuti: 6 ukulu wekongelo a pue eko, a kale ulume wukãi umosi, a kuate omãla vakuetavo vana ka va vanguiwa okuti va linga ovina viumbondo,* ale va sina.+ 7 Momo ca sesamẽla okuti, kalei ka Suku o kala mitavaso ya pua eko, ka kala ukuakulituna,+ ukuakutema lonjanga,+ oholua, ongangala,* ka liveli onganyu yevĩho, 8 Pole, a kale ukuakuyekisa akombe,+ ukuakusola eci ciwa, ukualondunge,*+ ukuesunga, ukuacili,+ ukuakulikandangiya,+ 9 haeye o kakatela kondaka yocili* yatiamẽla kuloño waye woku longisa,+ oco a tẽle oku vetiya* pocakati celongiso liocili*+ kuenda oku lemẽla+ vana va patãla elongiso liaco.
10 Momo kuli alume valua va sina, vakuakumamõha, haivo olondimbiki, ca piãla enene vana va kakatela koku seviwa evamba.+ 11 Ove o sukila oku yika ovimẽla viavo, momo omanu vaco va kasi oku amamako oku nyõla apata osi poku longisa ovina ovo ka va sesamẽla oku longisa, omo lionganyu yevĩho. 12 Umue pokati kavo okuti, uprofeto wavo muẽle, wa popia hati: “Va Kurete olonjanja viosi olohembi, ovinyama via tema, haivo ovisiãi via sapa.”
13 Uvangi owu wocili. Omo liaco, amamako oku va lemẽla lutõi, okuti va pama kekolelo, 14 ku ka yevelele kalusapo esanda a va Yudea kuenda kovilongua viomanu vana va yapuka vocili. 15 Kuava va yelisua ovina viosi vi yela;+ pole, komanu vana va vĩha lava ka va kuete ekolelo lacimue ci yela, momo ovisimĩlo viavo lowanji wavo wutima via vĩha.+ 16 Powiñi va popia vati, va kũlĩha Suku, pole, ovilinga viavo vi lekisa okuti ka vo sumbile,+ momo ovo vãvi, va sina kuenda ka va taviwa oku linga lacimue ciwa.