Anga hẽ wa Kuamele Ale Onepa Kemẽla Lia Sulako Liutala Wondavululi?
Eci omanu va tambula o revista yimue, va tala lonjanga kemẽla liatete kuenda kemẽla lia sulako. Kemẽla lia sulako Liutala Wondavululi, ku sangiwa apulilo amue, letendelo liocipama ku sangiwa ulandu waco.
Tu pondola oku kuama ovipama viaco poku linga apulilo oco tu fetike ombangulo. Nda ocikanjo cetu ca siata oku talavayiwa olonjanja vialua, citava oku nõla apulilo a litepa poku fetika ombangulo vokuenda kuosãi. Nda omunu tua sanga ka kuete otembo, tu sukila oku teta onimbu poku linga epulilo limosi kemẽla lia sulako loku popia ndoco: “Nda o yongola oku kũlĩha etambululo liaco ndu ku sila orevista yilo, oco tu sapele onjanja yikuavo eci ndi tiuka.” Akundi vamue va siata oku fetika ombangulo poku lekisa komunu apulilo a sangiwa kemẽla liasulako, loku pinga kokuaye oco a nõle epulilo a yongola oku konomuisa. Noke va lekisa kemẽla ku sangiwa etambululo liaco, kuenda oku tanga ocisonehua cimue va nõla. Citava okuti o nõla onjila yikuavo yoku kuama onepa yi sangiwa kemẽla lia sulako Liutala Wondavululi, oco o vetiye onjongole yomanu.