Tu Mioñololi Uloño Wetu Kupange Woku Kunda—Oku Eca Elivulu Embimbiliya li Longisa

Esunga Lieci ci kuetele Esivililo: Elivulu Embimbiliya li Longisa, olio ocimãleho catete tua siata oku longisa laco omanu Embimbiliya. Omo liaco, osimbu ka tua fetikile oku longisa Embimbiliya komunu umue, tu sukila tete oku eca elivulu liaco kokuaye. Omo liaco, vosi yetu tu likolisiliko oku mioñolola uloño wetu poku eca elivulu Embimbiliya li Longisa, kupange woku kunda. (Olosap. 22:29) Kuli olonjila vialua vioku eca elivulu liaco, kuenda akundi va nõla onjila ya va sungulukila.

Ndomo tu ci Linga:

Linga epulilo limue li vetiya onjongole yomunu wa sanga oco o tiamisile ovisimĩlo viaye kelivulu vocipama cimue wa nõla. O pondola oku nõla apulilo amue a sangiwa kefetikilo liocipama locipama. Noke yoku yevelela etambululo liomunu wa sanga, tanga ocisonehua cimue Cembimbiliya kuenda konomuisili kumosi ocinimbu cimue ci lombolola epulilo liaco.
Onjila yikuavo, oku kuama olonumbi vi sangiwa kemẽla liatete oco o vetiye onjongole yomunu wa sanga loku lekisa kokuaye ndomo a sanga atambululo Embimbiliya velivulu liaco. Tukula ocilunga cimue cokaliye ca tukuiwa vo vingungu viasapulo kuenda lombolola okuti omanu va siata oku komõha omo liatambululo apulilo a sangiwa kemẽla 3. Ale, o pondola oku popia okuti, o kasi oku nyula omanu o lisungue lavo oco o va lomboluile ndomo va kuata ovisisimĩlo via sunguluka viatiamẽla kovaso yoloneke. Lekisa kokuaye alitalatu a sangiwa kemẽla 4-5 kuenda u pula ndoco: “Olohuminyo vipi via lekisiwa o yongola okuti vi tẽlisiwa?” Onjila yikuavo, oku popia okuti, ñasi oku nyula omanu vosi oco ndi va kuatise oku sanga atambululo apulilo a velapo atiamẽla komuenyo. Lekisa komunu wa sanga apulilo a sangiwa kemẽla 6, kuenda u pulisa eli lio vetiya vali.
Tukula olondaka via leluka oco o fetike oku longisa omunu Embimbiliya. O pondola oku popia ndoco: “Tu kasi oku tangela ocisonehua eci Cembimbiliya komanu tu lisungue lavo. Wa yevele ale ondaka yaco? [Ecelela etambululo.] Nda citava, ndu ku lekisa ndomo o sanga etambululo liaco Vembimbiliya liove vokuenda kuakukutu amue.”

Seteka Ndoco Vokuenda Kuosãi:

Pitulula olonumbi viaco vokuenda kuefendelo liene liepata.
Kupange woku kunda sapuila manji o kasi laye ovina wa sokiya oku popia. Olosap. 27:17)Nda okuti olondaka viove vioku fetika ombangulo ka vi vetiya omanu kupange woku kunda, linga apongoloko.