Kundila ‘Omanu Vosi’
1. Akundi vusoma va sokisiwa ndati lomesele yimue ya loñoloha?
1 Omesele yimue ya loñoloha yi kuete ovimãleho vialua, ya kũlĩha otembo kuenda ndomo yi talavaya lovimãleho viaco. Cimuamue haico ci pita letu, tu kuetevo ovimãleho vialua vi tu kuatisa oku tẽlisa upange wetu woku kunda. Kua siata oku sandekiwa olombrochura vialua oco vi tu kuatise oku kundila ‘omanu vosi.’ (1 Va Kor. 9:22) Vo suplementu Yupange Wetu Wusoma mu sangiwa ulala wolombrochura vimue, yi lombolola kuava olombrochura viaco via loña kuenda yeca olonumbi ndomo ovio vi eciwa.
2. Vepuluvi lipi tu pondola oku eca olombrochura kupange woku kunda?
2 Vepuluvi Citava Oku Talavaya Lolombrochura: Omesele yi talavaya ño locimãleho cimue nda ci sukiliwa. Cimuamue haico, tu eca ombrochura eci tu limbuka okuti oyo yi ka kuatisa omanu, okuti ka tu kevelela lika osãi ya sokiyiwila oku eca olombrochura. Nda tu kasi oku eca elivulu Embimbiliya li Longisa, kuenje tu talavaya vocikanjo cimue okuti omanu ka va tava ku Kristu haivo ka va lekisa onjongole Kembimbiliya, eca ombrochura yi sesamẽla kuenda u wĩha elivulu Embimbiliya li Longisa noke yoku vetiya onjongole yomunu waco.
3. Momo lie tu sukilila oku talavaya luloño lovimãleho vietu vioku eca uvangi?
3 Ovisonehua vi pandiya vana va loñoloha kovopange avo. (Olosap. 22:29) Koloneke vilo, ka kuli upange ukuavo wa velapo okuti ‘upange u kola wondaka yiwa’ wu sule. (Va Rom. 15:16) Oco tu kale ‘ndondingupange ka yi kuete eci ci yi kutisa osõi,’ tu likolisiliko oku talavaya luloño lovimãleho vietu.—2 Tim. 2:15.