Lekisa Ombili Poku Kunda Ocili Catimẽla ku Yesu

Ombili yetu yi li vokiya calua eci tu limbuka ndomo tu kundila omanu ocili catiamẽla ku Yesu. Momo eye ewe lievindi muna mua tungiwa ekolelo liocili. (Va Efe. 2:20) Nda Yesu ka kaile ewe lievindi nda ka tua kuatele elavoko liomuenyo. (Ovil. 4:12) Omo liaco, vosi yetu tu sukila oku sanjukila ocitumãlo Yesu a kuete vocipango ca Suku. Omanu valua va siata oku yapuisiwa lalongiso uhembi okuti ka a sangiwa Vembimbiliya. Kuenje ka va kuete elavoko lieci Ondaka ya Suku yeca komanu vana va kolela ku Yesu. Ombili yetu, yi tu vetiya oku kuatisa omanu vakuotima wa sunguluka oku kuata elomboloko liasuapo liatiamẽla ku Yesu, ukamba waye la Suku, kuenda ocikele caye vocipango ca Suku. O pondola hẽ oku lekisa ombili poku kundila omanu ocili catiamẽla ku Yesu Vokuenda kuotembo Yocipito Conjivaluko?