Efengi Lioku Kala Ulika—Nye o Sukila Oku Linga Oco ku ka Kaile ño Enene Ulika?

• “Etendelo lialua liakulu ko Estados Unidos, lia lombolola okuti va pita ale locitangi coku kala ño enene ulika kuenda ocitangi caco ca piãla enene pokati kamalẽhe.”—Efengi Lietu Lioku Kala Ulika Kuenda Oku Liamũha Lavakuetu: Elungulo Liusongui Wolondotolo Vipelala ko Estados Unidos Liatiamẽla Kesaku li Yilila Koku Kala Lomanu Vakuavo, 2023.

• [Organização Mundial da Saúde] ca sandeka esapulo liokuti, ca nola Ocimunga Cimue Comanu, oco va tende efengi lioku kala ulika ndocitangi cuhayele, oku kuatisa omanu va kasi locitangi caco oco ka va ka liamũhe lavakuavo kuenda oku yayuisa upange woku malako ocitangi caco kolofeka viosi.”—Organização Mundial da Saúde, 15 ya Kuvala, 2023.

Embimbiliya li lombolola ndomo tu kuata ukamba uwa lavakuetu okuti ci tu kuatisa oco ka tu kale ño enene ulika.

Olonumbi Viembimbiliya vi pondola oku kuatisa

Tepulula ovapange a ku kokela oku liamũha lavakuene. Vovopange aco mua kongela oku pita otembo yalua vo internet. Pole, sokiya apuluvi a ecelela oku likongela lavakuene kuenda oku linga akamba vocili.

• Onumbi Yembimbiliya: “Ekamba liocili li lekisa ocisola otembo yosi, Kuenda olio li linga manjove kotembo yohali.”—Olosapo 17:17.

Sanda apuluvi oku kuatisa vakuene. Oku kuatisa vakuetu ka ci pamisa lika ukamba pole, ci tu nenelavo esanju.

• Onumbi Yembimbiliya: “Esanju li tunda koku eca olio lia velapo, li tunda koku tambula li sule.”—Ovilinga 20:35.

Konomuisa vonumbi yetu Oco o sange alomboluilo akuavo Embimbiliya a tiamẽla koku linga ukamba uwa.