Oku Livokiya Kuesumuo Lioku Kala Ulika—Ceci Embimbiliya li Popia

Ekonomuisoa lia lingiwa kolonepa vialua violuali, lia lekisa okuti pokati kamanu vakuãla, umosi o kasi lesumuo lioku kala ulika.

• “Ocitangi coku kala ulika ci pondola oku veta omanu vosi kuenda kovitumãlo viosi.”—Chido Mpemba, oñuatisi yusongui wo Comissão de Conexão Social da Organização Mundial da Saúde.

Omanu vamue va sima okuti akulu ale vana va vela, ovo lika va yeva okuti va kasi ulika. Pole, omanu vana okuti amalẽhe, va kuete uhayele, va kuete ekalo liwa kuenda olohueli, va pondolavo oku liyava okuti va kasi ulika. Oku yuvula oku kala la vakuetu kuenda oku kala ulika, ci nyõla uhayele woketimba kuenda wovisimĩlo.

• “Ulika wa pitahãla okuti, oku kuata ocisimĩlo cimue ka ca sungulukile ci sule,” Dr. Vivek Murthy, U.S. usongui wavakuakupelala. Eye wamisako hati: “Oku livokiya kuolofa omo lioku yuvula oku kala la vakuetu, ku sokisiwa lolofa vi ilila koku sipa 15 kolosikalu veteke.”

Ceci Embimbiliya li popia

Ululiki wetu ka yongola okuti tu kala ulika.

Onjongole ya Suku yeyi okuti omanu va kuata esanju lialua kuenda ukamba.

• Onumbi Yembimbiliya: “Suku wa popia hati: ‘Kaciwako ulume oku kala ño lika liaye.’”—Efetikilo 2:18.

Suku o yongola okuti tu kuata ukamba laye. Eye wa likuminya oku tu kokela kokuaye nda tua likolisilako oku amẽla kokuaye.—Tiago 4:8.

• Onumbi Yembimbiliya: “Va sumũlũha vana va kuete enyona liukũlĩhĩso wa Suku, momo Usoma wovailu wavo.”—Mateo 5:3.

Suku o yongola okuti tu u fendela kumue la vakuetu. Poku ci linga, ci tu kuatisa oku kuata esanju.

• Onumbi Yembimbiliya: “Tu likapiko pokati oco tu livetiyi locisola kuenda lovilinga viwa, ka tu ka liwekipo oku liongolola kolohongele vietu . . . pole, tu li pamisi pokati.”—Va Heveru 10:24, 25.

Oco o sange esunga lieci ci kuetele esilivilo oku yuvula oku kala ulika tanga ocipama losapi “Solidão Num Mundo Interligado.”