Yuvula Ocitangi Coku Kala Ulika Poku Kuatisa Vakuene—Elungulo Liembimbiliya li Kuatisa

Omanu valua voluali va liyeva okuti va kasi ulika ndu okuti, ka va tẽla oku linga ukamba la vakuavo. Olondotolo via limbuka okuti oku kuatisa vakuetu onjila yimue yoku yula ocitangi caco.

• “Oku kuatisa vakuetu ci tu ka vuluisa kuenda ci kuatisa oku yuvula ovisimĩlo vioku liamuha.”—Institutos Nacionais de Saúde dos EUA.

Embimbiliya li eca alungulo awa tu pondola oku kuatisa la-o vakuetu. Oku kapako eci olio li popia ci tu kuatisa oku yuvula ovisimĩlo vioku kala ulika.

Ceci o pondola oku linga

Kala ukuahenda. Sanda apuluvi oku kala lavakuene, ca piãla enene polo lapolo. Li kapelako oku kuatisa vakuene lovina o kuate. Nda wa ci linga, ci ka va vetiya oku eca olopandu kuenda ci pamisa ukamba.

• Onumbi Yembimbiliya: “Ecaeci kuenje omanu vo wĩhivo.”—Luka 6:38.

Kuatisa vakuene. Sanda olonjila vioku kuatisa omanu vana va kasi oku liya lovitangi. Voku ci linga mua kongela oku va yevelela locikembe ale oku va kuatisa kovopange amue a ka tepulula ovitangi viavo.

• Onumbi Yembimbiliya: “Ekamba liocili li lekisa ocisola otembo yosi, Kuenda olio li linga manjove kotembo yohali.”—Olosapo 17:17.

Oco o sange ovolandu akuavo a lekisa ndomo ove o kuata ukamba uwa la vakuene, tanga ocipama Vida Familiar e Amizades.”