Poku Pandikisa

Ocisonehua: “Ka va liwekelepo oku longisa loku kunda olondaka viwa.”—Ovilinga 5:42.

Ceci Paulu a Linga

Upostolo Paulu o longisa olondaka viwa kocimunga cimue comanu va kasi kosikola yimue.

OVIDEO: Paulu o Pandikisa ko Efeso

1. Tala OVIDEO, ale tanga Ovilinga 19:8-10. Noke tambulula apulilo a kuãimo:

Ndaño okuti vamue va lambalalele Paulu, wa pandikisa ndati loku kuatisa vana va lekisa onjongole?
Olonjanja viñami Paulu a enda oku tiukilako oco a ka longise vana va lekisa onjongole kuenda wa ci linga vokuenda kuotembo yiñami?

Nye tu Lilongisila ku Paulu?

2. Tu sukila oku sokiya otembo loku likolisilako calua, oco tu linge apasu awa loku fetika alilongiso Embimbiliya.

Setukula Paulu

3. Lekisa onjongole yoku nyula omunu votembo yu wecelela. Lipula ndoco: ‘Vepuluvi lipi nda lia sunguluka oku sanga omunu? Pi kuenda otembo yipi nda yo sungulukila oku sapela lame?’ Lekisa onjongole yoku u nyula, ndaño ka ci likuata lulala wesokiyo liove.

4. Pulisa komunu eteke o ka sapela vali laye. Kesulilo liolombangulo viosi, pulisa komunu eteke lowola o ka sapela vali laye. Likolisilako oku tẽlisa ohuminyo yove.

5. Ku ka pumbe elavoko. Ku ka sime lonjanga okuti omunu una ka kasi otembo yosi konjo, ale o talavaya calua, ka kuete onjongole. (1 Va Kor. 13:4, 7) Amamako oku sandiliya omunu, pole, kũlĩhĩsa nda ove o kasi oku talavaya ciwa lotembo yove.—1 Va Kor. 9:26.

TALAVO

Ovil. 10:42; 1 Va Kor. 9:22, 23; 2 Va Kor. 4:1; Va Gal. 6:9