Oku Tiuka Kua Kristu ku Kuete Ocimãho ce? Osimbu Yesu Kristu ka endele kilu kunyamo wo 33 K.K, wa likuminyile oku tiuka. Handi vali, eye wa lisokisa lulume umue uwa okuti enda, noke o tiuka lunene woku viala ndosoma. Ocimãho ca Yesu coku tiuka, oku nena uviali umue uwa komanu.—Tanga Luka 19:11, 12.

Kristu o ka tiuka ndati? Eye wa pinduiwa letimba liespiritu. (1 Petulu 3:18) Noke wa enda kilu kuenje wa tumãla kondio ya Suku. (Osamo 110:1) Vokuenda kuotembo wa tukulukila ku Yehova Suku, “Ukuasimbu,” una wo ĩha unene woku viala omanu. Omo liaco, Yesu ka ka tiuka letimba liositu, pole o ka tiuka Ndosoma ka yi muiwa lovaso omanu.—Tanga Daniele 7:13, 14.

Nye Yesu a ka linga eci a ka tiuka?

Eci Yesu a keya lovangelo vaye, o ka sombisa omanu. Eye o ka nyõla olondingaĩvi, pole wa likuminya oku eca omuenyo ko pui komanu vana va pokola kokuaye Ndosoma.—Tanga Mateo 25:31-33, 46.

Eci Yesu a ka viala Ndosoma o ka pongolola ongongo, oco yi kale ofeka yelau. Eye o ka pindula omanu va fa oco va kale lesanju voluali Luokaliye palo posi.—Tanga Luka 23:42, 43.