Apulilo Embimbiliya A Tambuluiwa
Anga omanu va fa va ka kuata vali omuenyo?
Ocili okuti Ululiki womuenyo o pondola oku tumbulula vali omuenyo
Yehova Suku eye Ono yomuenyo. (Osamo 36:9)Ka ci leluka hẽ kokuaye o ku tumbulula vali omuenyo womanu va fa? Embimbiliya li tu sapuila okuti eci oco eye a ka linga kovaso yoloneke. (Tanga Ovilinga 24:15.) Pole nye ci ko vetiya oku ci linga?
Ocipango catete Cululiki wetu ceci okuti omanu va kala otembo ka yi pui palo posi. (Efetikilo 1:31; 2:15-17) Ocipango caye catiamẽla komanu ka ca pongolokele. Suku o sumua calua poku mola ovitangi tu kasi oku liyaka lavio kuenda ka tu kala otembo yalua komuenyo.—Tanga Yovi 14:1, 14, 15.
Omanu va ka pinduiwa va ka kala pi?
Anga hẽ Suku wa lulika omanu oco va kale kilu? Sio. Suku wa lulika ovangelo oco va kale kilu. Pole wa va lulika omanu oco va kale palo posi. (Efetikilo 1:28; Yovi 38:4, 7) Omo liaco, sokolola ovikomo Yesu a linga vioku pindula omanu. Eye wa pindula omanu oco va kale palo posi. Cimuamue haico okuti vana va ka pinduiwa kovaso yoloneke va ka kuata vali omuenyo palo posi.—Tanga Yoano 5:28, 29; 11:44.
Pole, Suku wa nõla etendelo limue liomanu oco va pinduiwe okuti va kuata omuenyo kilu, kuenje va ka kuata atimba espiritu. (Luka 12:32; 1 Va Korindo 15:49, 50) Omanu vaco, va ka viala kumue la Kristu ndolosoma palo posi.—Tanga Esituluilo 5:9, 10.