Ove hẽ wa Kũlĩha Onjila o Nõlapo?

Koloneke vilo kuli olosipitali vialua ka vi kapi osonde kolombeyi poku pelaliwa. Ove hẽ, wa kũlĩha ale olonjila vimue vi kuamiwa poku sakuiwa okuti ka ci lingiwa losonde? O sukila oku kũlĩha olonjila viaco oco o nõle onjila yove yoku sakuiwa kuenda yoku pelaliwa. Omo liaco, tala ovideo losapi hati, Sem Sangue: A Medicina Encarou o Desafio. Noke yoku tala ovideo yaco, kũlĩhĩsa lohutililo eci wa lilongisako poku kuama apulilo a sangiwa kombuelo. —Kũlĩhĩsa: Omo okuti ovideo yaco yi lekisa oviluvialuvia viomanu va kasi oku pelaliwa, olonjali vi sukila oku kũlĩhĩsa lutate nda va pondola oku yi tala kumosi lomãla vavo ale sio.

(1) Esunga lipi Olombangi Via Yehova vi yuvuila oku kapiwa osonde poku sakuiwa? (2) Catiamẽla koku sakuiwa, nye Olombangi Via Yehova vi yongola? (3) Olombeyi vi kuete omoko yoku linga nye? (4) Momo lie ca sungulukila oku nõla olonjila vikuavo vioku sakuiwa lavio? (5) Nda ombeyi ya kambela osonde, ovina vipi vivali olondotolo vi sukila oku linga? (6) Olonumbi vipi vikuãla vi kuamiwa oco tu yuvule oku kapiwa osonde? (7) Nye Olondotolo vi sukila oku linga oco (a) osonde yombeyi ka yi ka peseke calua, (b) va teyuile ologlobulos vermelhos, (c) va vokiye osonde vetimba liombeyi, kuenda (d) oco va piñainye osonde yina ya peseka? (8) Lombolola uloño woku sakula u tukuiwa hati, hemodiluição kuenda (b) recuperação de células. (9) Nye ove o sukila oku kũlĩha catiamẽla konjila yimue yoku sakuiwa okuti ka ci lingiwa losonde? (10) Anga hẽ, citava oku pelala omunu o kuete uvei umue wa tatama okuti ka kapiwa osonde? (11) Apongoloko api awa a kasi oku lingiwa lolondotolo?

Oku tava olonjila vimue vioku sakuiwa via lekisiwa vovideo eyi, catiamẽla ño komunu lomunu nda utima waye wa pindisiwa lolonumbi Viembimbiliya, u wecelela. Ove hẽ, wa nõla ale ndomo o yongola oku sakuiwa lomãla vove okuti ku kapiwa osonde kuenda oku soneha vokokanda ka tukuiwa hati, Instruções e Procuração para Tratamento de Saúde? Oco o sange olonumbi vikuavo viatiamẽla kondaka eyi, kũlĩhĩsa vocipama losapi hati, “Apulilo Valingiwa Lavakuakutanga” Vutala Wondavululi 15 Yevambi wo 2004 kuenda Vutala Wondavululi 15 ya Mbalavipembe wo 2000 kelimi Lioputu. Noke tala Vosuplemento Yupange Wetu Wusoma ya Kuvala wo 2006, losapi hati: “Ci Tava Okuti, Ndi Sakuiwa Lolonepa Viosonde Yange Muẽle?,” oco o kũlĩhĩse olonepa o yongola oku sakuiwa lavio levi ku yongola. Kũlĩhĩsa nda vokokanda kove kuvangi woku yuvula osonde, wa sonehamo onjila wa nõlapo yoku sakuiwa. Ndotolo yove kuenda umue ukuepata okuti Hambangiko ya Yehova, va sukilavo oku kũlĩha onjila wa nõlapo yoku sakuiwa.