Wa Lipongiyila hẽ Ovitangi Vioku Vela Viya Ocipikipiki?

Ocitangi cuhayele ci pondola oku iya ocipikipiki okuti ka tu kapelako. (Tia. 4:14) Omunu ukualondunge o lipongiya selo. (Olosap. 22:3) Ove hẽ wa nõla ale olonjila o yongola okuti vi kuamiwa poku sakuiwa kuenda wa vi soneha? Oco o kuatisiwe kua sandekiwa o video losapi hati, Tratamentos Alternativos à Transfusão: Atendendo às Necessidades e aos Direitos do Paciente, kuenda onepa yavali, Alternativas à Transfusão —Série de Documentários. Noke yoku tala o video yaco, kũlĩhĩsa nda o pondola oku tambulula apulilo a kuãimo. Omo okuti o video yaco yi lekisa oviluvialuvia viomanu va kasi oku pelaliwa, olonjali vi sukila oku lekisa olondunge poku yi tala kumosi lomãla vatito.

(1) Momo lie olondotolo vimue vi kasilili oku kũlĩhĩsa ovitangi vi iyilila koku kapiwa osonde? (2) Tukula olonjila vitatu vioku pelaliwa okuti, ka mukongela oku kapa osonde. (3) Momo lie olondotolo vialua voluali kuenda vakuoloño woku pelala va siatela oku lekisa onjongole yoku sakula olombei okuti ka vi kapiwa osonde? (4) Akonomuiso amue a lingiwa ndopo kolosipitali, a lekisa nye catiamẽla koku sakula losonde? (5) Ovitangi vipi vi tunda koku kapiwa osonde? (6) Vakuoloño woku sakula va limbuka nye catiamẽla kesilivilo lioku kuama olonjila vikuavo vioku sakula okuti, ka mu kongela oku kapiwa osonde? (7) Nye ci nena uvei wo anemiya kuenda omunu o kuete o anemiya o kuatisiwa ndati? (8) Nye ci lingiwa oco ologlobulu vi kusuka vi li vokiye vetimba liombei? (9) Uloño upi wa siata oku kuamiwa oco ombei ka yi ka pesele osonde yalua poku pelaliwa? (10) Anga hẽ, uloño woku yuvula oku kapiwa osonde ci tava okuti u kuamiwavo poku sakula omãla vatito ale omanu va kasi kohele yoku fa? (11) Onumbi yipi olondotolo vi sukila oku kuama oco vi sakule ciwa olombei?

Omo okuti oku tava ale oku yuvula olonjila vimue vioku sakuiwa via lekisiwa vo video eyi catiamẽla lika komunu lomunu, lipongiya selo poku nõla olonjila vioku sakuiwa okuti ku talamẽla eci peya ocitangi caco. Ocipama 7 celivulu “Ocisola ca Suku,” kuenda olonumbi vi sangiwa vosuplementu Yupange Wetu Wusoma wa Kuvala wo 2006, vi ka ku kuatisa oku nõla ciwa onjila o kuama yoku sakuiwa. Omo liaco, nda wa papatisiwa soneha vokokanda kove DPA kuenda ka ambata kuosi wenda.

[Olondaka vielitalatu kemẽla 3]

Ove hẽ wa nõla ale olonjila o yongola okuti vi kuamiwa poku sakuiwa kuenda wa vi soneha?