Olorevista Vietu Via Pongiyiwila Oku Vetiya Omanu
1. Ukuenje wa kolelua haeye wa lunguka wa siata oku kuama ndati ongangu yupostolo Paulu?
1 Ndeci upostolo Paulu a kuama olonjila vialua poku kunda olondaka viwa oco a nganyale ‘omanu vosi,’ ukuenje wa kolelua haeye wa lunguka wa siatavo oku sandeka olorevista oco vi vetiye omanu vakuapata a litepa kuenda atavo. (1 Va Kor. 9:22, 23) Oco tu talavaye ciwa Lutala Wondavululi kuenda o Despertai! tu sukila oku sokolola omanu va ka tanga olorevista viaco.
2. O Despertai! yi sandekiwa locimãho coku vetiya velie?
2 O Despertai!: Orevista yilo ya siata oku sandekiwa locimaho coku kuatisa omanu ndava upostolo Paulu a tukula eci a vangula “[l]alume va Atenai.” (Ovil. 17:22) Omanu vaco ka va kaile Akristão, kuenda va kuatele elomboloko litito Liovisonehua. Cimuamue haico, omanu va tambula o Despertai!, va kuete ukũlĩhĩso utito, ale ka va kũlĩhĩle lacimue catiamẽla Kembimbiliya. Citava okuti ovo ka va kũlĩhile alongiso Akristão, pamue ka va kolele calua ketavo, ale ka va limbukile okuti Vembimbiliya mu sangiwa olonumbi vi kuete esilivilo. Ocimãho ca velapo co Despertai! oku vetiya vakuakutanga oku limbuka okuti kuli muẽle Suku yocili. Ocimãho cikuavo corevista eyi, oku vetiya omanu oku kolela Kembimbiliya kuenda oku va kuatisa oku limbuka okuti Olombangi via Yehova via litepa latavo akuavo.
3. Ovotala Ondavululi avali, a sandekiwa locimãho cipi?
3 Utala Wondavululi: Utala Wondavululi weciwa komanu vosi, u kuete ocimãho coku vetiya vakuakutanga oku sumbila Suku kuenda Ovisonehua. Ovo va kũlĩha naito Embimbiliya, pole ka va kuete elomboko lia suapo lialongiso alio. Va kasi ndomanu vana Paulu a tukula okuti “sumbili Suku.” (Ovil. 13:14-16) Utala Wondavululi welilongiso wa sandekiwila lika Olombangi via Yehova. Paulu wa popia okuti vana va tangaile ovikanda viaye va kũlĩhile Ovisonehua kuenda va kuatele ukũlĩhĩso wocili. (1 Va Kor. 1:1, 2) Cimuamue haico, Utala Wondavululi welilongiso, wa sandekiwila vana va endaenda kolohongele vietu okuti va kũlĩha ciwa olondaka via siata pokati Kolombangi via Yehova kuenda alongiso avo.
4. Momo lie ci kuetele esilivilo oku kũlĩha ulandu wolorevista vivali tu ka eca kupange woku kunda?
4 Ndaño okuti tua siata oku eca olorevista vivali, pole tu lombolola lika yimosi pokati kavio. Omo liaco, kuata ocimãho coku kũlĩha ulandu wolorevista viaco vivali. Nda wa ci linga ci ka ku kuatisa oku sapela lomanu vosi o sanga.