Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi ya Kupupu

“Epapatiso ocina cimue ca siata pokati Kakristão valua. Cipi ocisimĩlo cove? Epapatiso li kuete hẽ esilivilo? [Ecelela etambululo.] Vorevista yilo mu sangiwa atosi amue awa.” Noke lekisa Utala Wondavululi Kupupu-Evambi komunu wa sanga kuenda kũlĩhĩsili kumosi etosi limue li sangiwa kemẽla 16, loku tanga ocisonehua cimue. U wĩha orevista kuenda linga eliangiliyo lioku tiuka oco vu konõmuisi apulilo a kuãimo.

Utala Wondavululi Kupu-Eva.

“Kuli ovisimĩlo vialua viatiamẽla ku Yesu. Vamue va sima okuti, eye Mesiya wa likuminyiwa. Vakuavo va sima okuti eye wa kala omunu umue uwa. Handi vali, omanu vakuavo va sima okuti lalimue eteke a kala komuenyo. Cipi ocisimĩlo cove? [Ecelela etambululo.] Ndomo ca lekisiwa Vembimbiliya, ci kuete esilivilo oku kũlĩha ocili catiamẽla kokuaye. [Tanga Yoano 17:3.] Orevista eyi yi lekisa atambululo Embimbiliya kapulilo amue atiamẽla ku Yesu.”

Despertai! de Abril

“Etaili tu kasi oku linga upange umue woku kuatisa apata. O tava hẽ okuti apata a kasi oku liyaka lovitangi vialua koloneke vilo? [Ecelela etambululo.] Kũlĩhĩsa oku apata alua a siata oku sanga alungulo awa. [Tanga Osamo 119:105.] Orevista eyi yi lombolola ndomo omãla vokatumba va pondola oku yula ovitangi viavo poku kuama olonumbi Viembimbiliya.”