Olombangi Via Yehova—Vi Lekisa Ekolelo Kovilinga Viavo, Onepa 2: Va Tuisa Ocinyi
Eci Manji Rutherford kuenda vamanji vakuavo va tunda vokayike kunyamo wo 1919, Vakuakulilongisa Embimbiliya, va kuata upange walua woku linga. Ndomo ca lekisiwa vo video Olombangi Via Yehova—Vi Lekisa Ekolelo Kovilinga Viavo, Onepa 2: Va Tuisa Ocinyi, Vakuakulilongisa Embimbiliya va laikele oku kuata ovanyali valua. Handi vali, elomboloko liavo Liovisonehua lia laikele oku livokiya, kuenda ekolelo liavo lia laikelevo oku setekiwa. (Olosap. 4:18; Mal. 3:1-3; Yoa. 15:20) Noke yoku tala o video, o pondola hẽ oku tambulula apulilo a-a?
(1) Vakuakulilongisa Embimbiliya va kuama olonjila vipi oco va kunde olondaka viwa? (2) Esapulo lipi lia eciwa kolohongele viofeka vi likasi kunyamo wo 1931 kuenda 1935? (3) Esapulo lipi li kuete esilivilo lia molẽha Vutala Wondavululi 1 ya Kuvala wo 1939? (4) Lombolola eci ca pita ko Madison Square Garden vokuenda kuohundo ya Manji Rutherford, losapi hati “Governo e Paz.” (5) Nye Manji Knorr a tukula vohundo losapi hati “Paz—Pode Durar?” (6) Kunyamo wo 1942 esokiyo lipi Olombangi Via Yehova via linga oco vi vokiye upange wavo woku kunda? (7) Lombolola a kanga a pita ko Estados Unidos, ko Kanada, kuenda ko Helasi. (8) Osikola yo Gileada ya kuatisa ndati kupange woku kunda? (9) Upange upi wa velapo wa fetika kunyamo wo 1946, kuenda momo lie? (10) Nye Olombangi Via Yehova via linga oco vi lekise ovituwa vi litava lolonumbi Viembimbiliya? (11) Lombolola apongoloko amue a lingiwa oku upisa kunyamo wo 1970 oco va limbuke okuti ocisoko ci kuãi olonumbi Viembimbiliya. (12) O video eyi ya ku kuatisa ndati oku limbuka okuti Yehova o kasi oku songuila ovina kuenda okuti eci oco ocisoko caye? (13) O video eyi ya pamisa ndati onjongole yove yoku amamako lombili kupange woku kunda ndaño lovitangi? (14) Tu talavaya ndati lo video eyi oco tu kuatise vangandietu, la vana tu longisa Embimbiliya kuenda omanu vakuavo?
Eteke leteke, ku kasi oku vokiyiwa ulandu wokaliye Wolombangi Via Yehova. Nye ulandu u lekisa catiamẽla kalikolisilo etu kupange woku kunda? Ndeci vamanjetu kosimbu va linga, tu amamiko oku lekisa ombili koku ‘tuisa ocinyi.’—2 Va Kor. 4:6.