Tu ka Lilongisa Elivulu Uloño Wepata Liasanjuka
1 Oku upisa kosemana 16 yosãi Yevambi Linene wo 2012 Kelilongiso Liembimbiliya Vekongelo, tu fetika oku lilongisa elivulu Uloño Wepata Liasanjuka. Lomue o yongola oku pumba epuluvi lioku lilongisa elivulu li kuatisa apata oku kuata esanju. Esokiyo lielilongiso li ka ecelela oku lilongisa ocinimbu locinimbu kuenda ovisonehua Viembimbiliya via tukuiwa velivulu.
2 Ovipama via tepiwa volonepa vitito oco vi konomuisiwe osemana losemana. Otembo ya sokiyiwa yi ka ecelela oku tanga kuenda oku kũlĩhĩsa ovisonehua viosi via tukuiwa, loku konomuisa lutate ndomo tu kapako ovisonehua via sonehiwa vocinimbu locinimbu.
3 Ocina cikuavo ci kuete esilivilo kelilongiso, oku konomuisa onepa yi sangiwa vokakasia koku pitulula kesulilo liocipama locipama. Omo liaco, ciwa oku sia otembo yi tẽla yoku konomuisa apulilo kuenda ovisonehua Viembimbiliya via tukuiwa vokakasia.
4 Tu vetiya vamanji va songola Elilongiso Liembimbiliya Vekongelo oku lipongiya ciwa kuenda oku vetiya vosi, oku kongelamo vana va fetika oku lilongisa ndopo oco va lipongiye ciwa, loku endaenda kolohongele olonjanja viosi kuenda oku eca atambululo.