“Ongongela Yetu la Vamanji Voluali Luosi”

Tunde eci olondaka viosapi eyi via sonehiwa, pa pita ale ci soka olohulukãi vivali kanyamo. (1 Pet. 2:17) Pole, koloneke vilo, tu sukila oku kapako olondaka viaco okuti kosimbu ci sule! Tu sola ndati ongongela yetu la vamanji voluali luosi? Omo okuti, voluali lulo omanu ka va likuetele ocisola, nye tu sukila oku linga oco ocisola cetu ka ci ka hongue? (Mat. 24:12) Kũlĩhĩsa nda o pondola oku eca atambululo kapulilo a kuãimo osimbu o tala ovideo losapi hati: Ongongela Yetu la Vamanji Voluali Luosi.

(1) Otembo yipi tua tiamẽla kongongela ya Vamanji voluali luosi? (2) Ovopange api atatu a kasi oku lingiwa la vamanji voluali luosi? (3) Vamanji voluali luosi va siata oku lekisa ndati okuti, va kuete onjongole yoku kundila, (a) kekalasoko lio ko Alaska, (b) ketapu linene lio ko Europa, kuenda (c) vasisi o ko Peru? (4) Momo lie tu sukilila oku yuvula ocisimĩlo cokuti, upange woku kunda ocina cimue ka ci kuete esilivilo? (5) Tukula ovolandu a lekisa ndomo Olombangi Via Yehova via siata oku lembelekiwa loku likolisa pokati eci va pita (a) lovilemawe, (b) ahunguhungu, kuenda (c) ovoyaki. (6) Vosi yetu tu pondola oku lekisa ndati ondimbukiso Yakristão? (João 13:35) (7) Onima yipi yiyilila koku talavayela kumosi kupange woku tunga Onjango yetu Yusoma? (8) Vamanjetu ko Europa yo Kutundilo lo ko Rusia, va pamisa ndati ekolelo liavo otembo upange woku kunda wa kala oku tatekiwa? (9) Alikolisilo api Olombangi Via Yehova via siata oku linga oco vi ende kolohongele viofeka, kuenda momo lie? (10) O video eyi, ya vokiya ndati onjongole yove (a) yoku fendela Yehova kumue la vamanji vekongelo, (b) yoku kuatisa omanu kotembo yovitangi, kuenda (c) oku kunda lepandi kapuluvi osi? (11) Eci tu enda kupange woku kunda, tu kuatisa ndati omanu oku tala o video eyi?

Esunga lieci tua tiamẽlela kongongela yetu la vamanji voluali luosi, ocisola tu kuetele Yehova. Omo liaco, tu sole oku lilongisa ovina viatiamẽla kokuaye, kuenda oku longisa omanu ocili Condaka yaye. Tu solevo omanu vana Yehova a sole. Eci tu va kuatisa kotembo yohali, ka tu lavoka oku fetiwa la Suku. Tu pandula Suku omo wa tu ĩha ombanjaile yoku tiamẽla kongongela yetu la vamanji voluali luosi. Omo tu kasi koloneke via sulako violuali lulo muna omanu ka va likuetele ocisola, tu amamiko oku sanjukila ongongela yetu la vamanji voluali luosi!