Fetika Oku Longisa Omanu Embimbiliya Vocasapalo Catete
Kefetikilo liosãi ya Kupemba wo 2011, akundi va vetiyiwa oku fetika alilongiso Embimbiliya Vocasapalo catete. Oco tu kuatisiwe poku ci linga, olosãi viosi Vutala Wondavululi mu sandekiwa onepa losapi hati: “Apulilo Embimbiliya a Tambuluiwa.” Omo liaco, kohongele yupange woku kunda Vocasapalo catete vamanji va vetiyiwe oku kuama onumbi yaco poku fetika oku longisa Embimbiliya komanu kuenda ku lingiwe ocindekaise.
Akulu vekongelo ovo va nõla nda ocimunga locimunga ci linga ohongele yavo, ale ovimunga viosi vi likongela Vonjango Yusoma. Nda Vonjango Yusoma mu liongoluila akongelo alua veteke liaco lilikasi lioku fetika oku longisa Embimbiliya komanu, ka ci tava oku linga ohongele yaco eteke likuavo.