“Ndi Tambula Lika Alivulu Ove Nda wa Tambulavo Alivulu Ange”

Eci oco ocisimĩlo comanu vamue tu pondola oku sanga vocikanjo. Omo okuti ka tu kongela velilongisa lietu Liembimbiliya alivulu atavo akuavo omo a longisa uhembi, tu lekisa ndati utate poku tambulula? (Va Rom. 1:25) Tu pondola oku tambulula ndoco: “Nda pandula omo lio mbanjaile yove. Elivulu eli nye li popia catiamẽla koku malako ovitangi viomanu? [Ecelela etambululo. Nda wa ku laleka oku sanga etambululo velivulu liaye, u ivaluisa okuti ove ku pondola oku eca elivulu limue okuti kua kũlĩhĩle eci ca sonehiwamo. Kuenje tanga ale tukula Mateo 6:9, 10.] Yesu wa popia okuti Usoma wa Suku u ka tẽlisa ocipango ca Suku palo posi. Omo liaco, alivulu ndi sanjukila oku tanga ana a lombolola Usoma wa Suku. Anga hẽ, ci tava okuti ndu ku lekisa ovina vimue Vembimbiliya Usoma wa Suku u ka tẽlisa?”