Okokanda Esapulo Liusoma No. 38
ka ka Eciwa Kosãi ya Kuvala!
1. Epulilo lipi omanu va siata oku linga liatiamẽla kolofa, kuenda tu ka tambulula ndati epulilo liaco kosãi ya Kuvala?
1 Olofa, unyali womanu vosi, kuenda ka via sumbile la umue. (1 Va Kor. 15:26) Omanu valua va siata oku lipula oku ku kasi ava va fa, kuenda nda eteke limue va ka lisanga vali. Akongelo osi voluali vokuenda kuosãi va ka panga onepa kokuava okokanda Esapulo Liusoma No. 38 losapi hati: Omanu va fa va Pondola Oku Kuata Vali Omuenyo? Upange waco u ka fekita keteke 1 yosãi ya Kuvala. Noke liupange waco ulikasi, okokanda Esapulo Liusoma No. 38, ka ka amamako oku eciwa kupange woku kunda ndomo tua siata oku linga lotuikanda tukuavo.
2. Okokanda Esapulo Liusoma No. 38, ka pangiwa ndati?
2 Ndomo ka Pangiwa: Okokanda Esapulo Liusoma No. 38 citava oku ka ketika lonjila yimue okuti osapi yaco lolondaka ndeci: “O pondola hẽ oku popia hati . . . va ka kuata? Ka va ka kuata? Pamue va ka kuata?,” vi moleha. Ukuakutanga poku yikula okokanda Esapulo liusoma, o limbuka eci Embimbiliya li popia poku tambulula epulilo liosapi kuenda eci ohuminyo Yembimbiliya yi lomboloka kokuaye. Eye o limbukavo esunga lieci a sukilila oku kolela Kembimbiliya. Kemẽla lia sulako liokokanda Esapulo liusoma, ku sangiwa epulilo liu vetiya oku sokolola kuenda liu laleka oco amameko oku lilongisa.
3. Okokanda Esapulo Liusoma No. 38 ka ka eciwa ndati?
3 Ndomo ka ka Eciwa: Onjila ya siata oku kuamiwa poku eca okokanda kelaleko Liocipito Conjivaluko kuenda kohongele yofeka, haiyo yi ka kuamiwa. Akulu vekongelo va sukila oku sokiya ndomo ocikanjo ci talavayiwa poku kuama onumbi yi sangiwa vukanda 1 yosãi ya Kupupu, wo 2013. Ekongelo li kuete ocikanjo citito, citava okuti, li kuatisa akongelo a kuete ocikanjo cinene. Eci u tambula okokanda Esapulo Liusoma No. 38, omunu lomunu o sukila oku ivaluka okuti, upa lika etendelo liotuikanda a pondola oku talavaya lavio vokuenda kuosemana. Noke yoku kundila konjo lanjo vocikanjo, citava oku eca okokanda kaco volokololo. Nda otuikanda tuaco tua pua pole osãi ka ya puile, citava oku eca alivulu akuavo. Ndaño okuti ko Casapalo catete ka tu ka fetika alilongiso Embimbiliya, pole, tu ka eca okokanda kaco. Kesulilo liosemana nda citava, tu pondola oku eca olorevista. Ove hẽ o kasi oku linga esokiyo lioku panga onepa kupange waco u likasi?