Upange Woku Laleka Omanu Oku Enda Konjivaluko, u ka Fetika Keteke 1 Yelombo
1. Otembo yipi tu ka fetika upange woku eca otuikanda tuelaleko Lionjivaluko, kuenda momo lie unyamo ulo tu kuetele otembo yalua yoku eca otuikanda?
1 Votãlo keteke 1 Yelombo, tu ka fetika upange woku eca otuikanda tuoku laleka omanu oco va kale kumue letu Konjivaluko. Omo okuti Onjivaluko yi ka lingiwa keteke 26 Yelombo, ci lekisa okuti upange woku laleka omanu u ka lingiwa otembo yalua okuti unyamo wa pita ci sule. Kuenje, ci ka ecelela okuti omanu valua va tambula otuikanda, ca piãla enene akongelo ana a kuete ocikanjo cinene.
2. Esokiyo lipi lia lingiwa oco tu tambule otuikanda tuo ku laleka omanu leli lioku tokeka ocikanjo?
2 Linga Eliangiliyo: Akulu vekongelo va ka eca olonumbi ndomo ocikanjo ci ka tokekiwa, oku kongelamo otuikandu tuna tu ka sia kolonjo vina ka tu sangi omanu. Nda okuti poku kundila konjo lanjo pa supa otuikanda tumue, citava oku tu eca komanu volokololo. Mitavaso yupange woku kunda o sukila oku kũlĩhĩsa otuikanda tua eciwa, ale etendelo liolorevista ukundi lukundi a tambula, pole, ka ci sukila oku eca otuikanda tuosi vonjanja yimosi. Tu sukila lika oku tambula etendelo tu ka eca vokuenda kuosemana losemana.
3. Nye tu sukila oku ivaluka poku eca otuikanda tuelaleko?
3 Nye tu ka Popia? Ca sunguluka okuti, ka tu vangula calua, kuenje, oku ci linga ci tu ecelela oku sandiliya omanu vosi. Kemẽla 4, ku sangiwa ocindekaise cimue tu sukila oku kuama poku laleka omanu vocikanjo cetu. Pole, nda tu sanga omunu umue o lekisa esanju, ale o tu linga epulilo limue, ka tu vangula laye lonjanga. Poku eca otuikanda kesulilo liosemana, tu sukila oku ecavo olorevista nda citava. Keteke 2 Yelombo tu ka likolisilako oku eca otuikanda tuoku lalela omanu okuti ka tu fetika oku longisa Embimbiliya.
4. Momo lie tu sukilila oku kuata ombili kupange woku laleka omanu?
4 Tu lavoka okuti omanu valua va ka kala kumue letu Konjivaluko. Ohundo Yonjivaluko, yi ka lombolola ciwa helie Yesu. (1 Va Kor. 11:26) Yi ka lombololavo ndomo olofa viaye vi tu kuatisa. (Va Rom. 6:23) Handi vali, yi ka lekisa esunga lieci ci kuetele esilivilo oku ivaluka Yesu. (Yoa. 17:3) Omo liaco, tu kuati ombili kupange woku laleka omanu!