Upange Woku Eca Otuikanda Tuoku Laleka Omanu Oku Enda Kocipito Conjivaluko u ka Fetika Keteke 22 Yelombo

Unyamo ulo, upange woku eca otuikanda tuoku laleka omanu oku enda Kocipito Conjivaluko u ka fetika Vocasapalo keteke 22 Yelombo. Vosi va vetiyiwa oku linga upange waco. Kesulilo liosemana tu ka eca olorevista viosãi yaco. Vocasapalo catete kosãi ya Kupupu, tu ka likolisilako oku eca otuikanda tuoku laleka omanu okuti ka tu fetika oku longisa Embimbiliya. Pole, nda tua sanga omunu umue wa lekisa onjongole, tu fetika oku u longisa Embimbiliya. Mitavaso yupange woku kunda, a sokiye ndomo upange woku eca otuikanda tuoku laleka omanu u ka lingiwa, oco u kuatise vamanji oku sanga omanu valua vocikanjo. Soneha selo olonduko viomanu o yongola oku laleka ndeci: Epata liove, vana o talavaya lavo, akamba vove kosikola, oku nyula omanu wa kundila, kuenda oku soneha olonduko viomanu vaco, oco ece kokuavo okokanda koku laleka omanu eci upange waco u fetika. Tu lavoka okuti omanu valua va ka kala kumue letu kocipito caco conjivaluko.—Yoa. 3:16; 15:13.