Ovindekaise vi Kuamiwa

Oco ku Fetikiwe Alilongiso Embimbiliya Vocasapalo Catete Kosãi Yelombo

“Tu kasi oku nyula omanu, omo liocina cimue tu lavoka keteke 14 yosãi ya Kupupu. Eteke liaco li ka kala liocipito conjinvaluko yolofa via Yesu. Omanu vamue va ka linga ocipito caco momo va kũlĩha okuti, olofa viaye vi kuete esilivilo. Vakuavo va sima okuti olofa via Yesu ka vi kuete esilivilo. Ove osima okuti olofa via Yesu vi ku kuatisa kuenda vi ndi kuatisavo ame”? Ecelela etambululo. Lekisa kokuaye oñoño Yutala Wondavululi 1 Yelombo, noke kũlĩhĩsili kumosi ulandu vemẽhi liepulilo liatete, kuenda tanga ocinimbu Cembimbiliya ca tukuiwa. Eca kokuaye olorevista kuenda sokiya eteke lioku tiuka oco u kũlĩhĩsi epulilo li kuãimo.

Utala Wondavululi 1 Yelombo

“Omanu valua va siata oku lipula esunga lieci Suku ka malẽlako ungangala kuenda ohali ya siata voluali. Ove hẽ, o sima okuti Suku ka kapeleko ohali yomanu? [Ecelela etambululo. Tanga Yoano 3:16.] Ndanõ okuti ocinimbu eci ci lombolola ndomo Suku a kapako omanu, pole, ka va tẽla oku limbuka esilivilo liolofa viomõlaye. Orevista yilo yi lombolola ndomo olofa via Yesu via ecelela okuti, vi malako ungangala kuenda ohali palo posi.”

Despertai! de Março

“Tu kasi oku nyula omanu oco tu va lomboluile ciwa ocinimbu eci Cembimbilya. [Tanga Efetikilo 1:1.] Omanu valua va tava okuti oluali lua lulikiwa, pole vakuavo ka va tava. Cipi ocisimĩlo cove? [Ecelela etambululo.] Vamue ka va tava okuti ovina via lulikiwa momo a songui vatavo esanda, va longisa ovina ka vi sangiwa Vembimbiliya. Orevista yilo yi lombolola ovina Embimbiliya li popia kuenda yi lombololavo ndomo oluali lua lulikiwa.”