Ovindekaise vi Kuamiwa

Poku Laleka Omanu Oku Enda Kocipito Conjivaluko

“Tu kasi oku eca elaleko lioku enda kocipito cimue ci kuete esilivilo. Keteke 3 yosãi ya Kupupu omanu valua va ka enda Kocipito Conjivaluko Colofa Via Yesu kuenda oku yevelela ohundo yimue yi lombolola ndomo olofa via Yesu vi tu kuatisa. Vokokanda kalo mu sangiwa onumbi yocitumãlo ku ka lingiwila ocipito caco, kuenda owola yi ka fetika posongo yetu.”

Utala Wondavululi 1 Yelombo

“Eteke 3 yosãi ya Kupupu yi ka kala onjivaluko yolofa ya Yesu Kristu. Omanu vamue posongo yetu va ka liongolola oco va linge ocipito caco, pole, kuli omanu vamue okuti ka va ci lingi momo va sima okuti olofa via Yesu ka vi kuete esilivilo. Cipi ocisimĩlo cove? Osima hẽ okuti olofa via Yesu kuenda epinduko liaye vi tu kuatisa? [Ecelela etambululo.] Kũlihisa eci Ondaka ya Suku yi lombolola catiamẽla kondaka yaco? [Tanga 1 Va Korindo 15:22, 26.] Orevista eyi yi lombolola ndomo ocisembi ca Yesu ci ka tu kuatisa kovaso yoloneke okuti ka ku ka kala vali laumue o ka fa.”

Despertai! Yelombo

“Tu kasi oku nyula omanu posongo yetu oco tu va lekise o Despertai! yosãi yilo. [Lekisa kemẽla liatete liorevista yaco.] Omanu valua va kuete ovisimĩlo via litepa catiamẽla kepulilo eli liatete: ‘Kuli hẽ Suku?” Helie o kuete ovisimĩlo via sunguluka, viatiamẽla kovaso yoloneke, osima hẽ okuti omanu vana va tava ku Suku ale vana ka va tava kokuaye? [Ecelela etambululo.] Eyi ohuminyo yi tunda ku Suku okuti yeca elavoko komanu valua. [Tanga Osamo 37:10, 11.] Vorevista yilo mu sangiwa olonepa vikũala vi kuatisa oku limbuka nda kuli Suku.”