Ndomo tu Eca Uvangi Lekuatiso Liomesa Yoku Kapa Alivulu

Oku eca uvangi lekuatiso liomesa yoku kapa alivulu ale okangulu koku kapa alivulu, ci eca onima yiwa poku kuatisa omanu oku kũliha ocili. (Yoa. 6:44) Omo liaco, akulu vekongelo va sukila oku vetiya akundi oco va kundile kovikanjo viekongelo okuti ku pita omanu valua. Nda okuti ka tu kapi omesa yalivulu kocitumãlo cimue, ka tu sukila oku pinga kakuenje velombe. Velie va pondola oku linga upange waco? Akundi vana vakuangangu yiwa, va liposuisa ciwa kuenda ka va kuete ohele yoku sapela lomanu. Olonumbi vikuãimo, vi ka kuatisa akundi oku kuata onima yiwa.

Ovina tu sukila oku linga:

Linga ukamba, yolela omanu kuenda va kuatisa. Akundi vamue va eca eka liavo, va yolako kamue kuenda va popia olondaka vimue vi sanjuisa. Nda umue o kasi oku pita o vanja komesa kua kapiwa alivulu, ove o pondola oku u sapuila ndoco: “Ci tava okuti upapo elivulu limue.”
Ku ka kale ocipãla lomesa. Kovitumalo vimue akundi va siata oku kuata onima yiwa nda ka va kala ocipãla lomesa kua kapiwa alivulu. Akundi vakuavo va limbuka okuti oku kala ocipepi lomesa yaco ci tateka omanu oku talama, kuenje ovo va nolapo oku kala okacinãla kamue lomesa kua kapiwa alivulu. Eci omunu umue amẽla ocipepi lomesa, seteka oku sapela laye, poku u pula ndoco: “Anga hẽ, eteke limue wa lipulile ale catiamẽla kocisimĩlo eci?”
Talavaya Lembimbiliya nda citava.
Lombolola esokiyo lioku longisa Embimbiliya komunu ambata alivulu etu ndeci elivulu Embimbiliya li Longisa Nye? Noke lekisa ovideo losapi hati: Momo Lie Ndi Lilongisila Embimbiliya?
Pinga komunu wa lekisa onjongo etendelo liaye liotelefone. Nda okuti omunu waco ka kasi vocikanjo cove, citava okuti o soneha oformulario (S-43) kuenda oku yeca kumanji usonehi.