KAPAKO OLONUMBI EVI KUPANGE WOKU KUNDA

Upange Woku Eca Otuikanda Tuoku Laleka Omanu Kohongele Yofeka

Ombangi yimue ya Yehova o kundila omunu umue lekuatiso liokangulu

Unyamo lunyamo, kua siata oku pongiyiwa selo ovina vi pamisa ekolelo lietu kolohongele vietu viofeka. Oco omanu valua va limbukevo okuti Yehova uwa, tu sukila oku va laleka oco va ende kohongele yaco. (Osa. 34:8) Oco ku eciwe otuikanda tualua tuelaleko, akulu vekongelo va ka nõla onjila yiwa va sukila oku kuama.

OVINA TU SUKILA OKU KAPAKO

Eteke lipi ohongele yetu yofeka yi ka lingiwa?
Eteke lipi upange woku eca otuikanda tuelaleko vocikanjo cetu u ka fetika?
Eteke lipi olohongele viupange woku kunda vi lingiwa?
Cipi ocimãho cange catiamẽla kupange waco?
Helie ndi ka laleka?

NYE O KA POPIA?

Okokanda kelaleko Kohongele Yofeka wo 2016

Noke yoku lama popia ndoco:

“Tu kasi oku kuatisa kupange umue u kasi oku lingiwa voluali luosi, woku laleka omanu oku enda kocipito cimue ci kuete esilivilo. Okokanda aka, ka lekisa eteke, elivala, kuenda ocitumãlo ku ka lingiwila ohongele yaco. Tu ka sanjuka calua oku kala love.”

NDA OMUNU WA LEKISA ONJONGOLE?

O Despertai! No. 2 2016 | A Bíblia é Apenas um Bom Livro?

Omo okuti tu yongola oku laleka omanu valua oco va ende kohongele yofeka, tu sukila oku lekisa onjongole komanu vosi.

Kesulilo liosemana, eca utala wondavululi kumue lokokanda kelaleko.