Ndomo o Talavaya lo JW Library

POKU LILONGISA:

• Tanga Embimbiliya kuenda ocisonehua ceteke leteke

• Tanga o Anuário, olorevista, kuenda alivulu akuavo. Kapa ondimbukiso yavala pocinimbu wa sulila

• Pongiya olohongele viekongelo, loku taya atambululo

• Tala olovideo

KOLOHONGELE:

• Kuama ovisonehua vi tukuiwa la manji o linga ohundo. Noke, oco o tiukile vocipama wa kala, tioka ponepa recurso histórico

• Ku sukila oku ambata alivulu kohongele, momo citava oku kuama votelefone ale vo tablet yove olonepa viosi loku imba ovisungo. Vo JW Library mu sangiwavo ovisungo viokaliye, vina ka via kapiwile handi velivulu lietu liovisungo

KUPANGE WOKU KUNDA:

• Lekisa elivulu limue komunu wa sanga li kasi vo JW Library, noke u kuatisa oku yi tapavo kuenda alivulu votelefone yaye ale vo tablet

• Talavaya londimbukiso yoku sandiliya oco yi ku kuatise oku sanga ovinimbu Viembimbiliya. Nda okuti ondaka yimue ka yi molẽha vo Tradução do Novo Mundo mua lingiwa apongoloko, konomuisavo vo Tradução do Novo Mundo das Escrituras Sagradas com Referências

• Lekisa ovideo yimue. Omunu wa sangiwa nda o kuete omãla, u lekisa yimue pokati kolovideo losapi hati: Kala Ekamba Lia Yehova. Oco o vetiye onjongole yomunu umue oku lilongisa Embimbiliya, u lekisa ovideo losapi hati: Momo Lie Ndi Lilongisila Embimbiliya? Nda wa sanga omunu umue o vangula elimi likuavo, u lekisa ovideo kelimi liaye

• Lekisa komunu umue ocisonehua cimue Cembimbiliya kelimi likuavo wa tapa. Kuenje, sanda ocisonehua, tioka ketendelo liocinimbu, noke tioka kondimbukiso yalivulu yi kasi pokati