O Pondola hẽ Oku Eca Otembo Kuenda Ongusu Yove?

Ndomo ca popiwile luprofeto Isaya, ocisoko ca Yehova palo posi ci kasi oku amamako oku livokiya. (Isa. 54:2) Kuenje ci sukila oku tunga Olonjango Viusoma vio kaliye, Olonjango Violohongele Vinene kuenda olofiliale. Noke vi sukila oku semũluiwa kuenda oku tumbuluiwa. Eci ci tu ĩha apuluvi api oku eca otembo kuenda ongusu yetu ku Yehova?

• Tu pondola oku kuatisa poku yelisa onjango Yusoma nda ocimunga cetu cupange woku kunda oco ca ilikiwa.

• Tu pondola oku lieca o lumue oco tu tambule epindiso lioku semulula Onjango yetu Yusoma.

• Tu pondola oku soneha Ocicapa Coku Kuatisa Koku Tunga/(DC-50) oco tu kuatise olonjanja vimue kupange waco kuenda kupange woku semulula.

• Tu pondola oku soneha Ocicapa Coku Lieca Olumue (A-19) kuenda oku kuatisa vosemana yimosi ale olosemana vialua vocikanjo Cofiliale yetu ndeci ko Betele ale kovopange akuavo atiamẽla kofiliale.

TALA OVIDEO LOSAPI HATI, ESOKIYO LIOKALIYE LIOKU TUNGA—ONEPA YIMUE, NOKE TAMBULULA APULILO AKUÃIMO:

• Tunde kunyamo wo 2014 evokiyo lipi tu lete li komohĩsa koku talavaya lolovideo?

• Oco tu amameko oku panga olovideo, esokiyo lipi li kasi oku lingiwa kuenda otembo ya sokiyiwa oku tungiwa?

• Vana va lieca olumue va kuatisa ndati kupange waco?

• Nda tu yongola oku kuatisa koku tunga o Ramapo, momo lie tu sukilila oku soneha ocicapa (DC-50) kuenda oku kuatisa kupange woku tunga vocikanjo tu kasi?

• Uvangi upi tu kuete wokuti Yehova o kasi oku songuila upange waco?

• Tu kuatisa ndati kupange waco nda okuti ka tu kuete epondolo lioku kuatisa koku tunga?