EKALO LIAKRISTÃO
Amalẽhe—Situluli Ovisimĩlo Viene Poku Sapela Lolonjali Viene
Momo lie o sukilila oku situluila olonjali viove ovisimĩlo viove? (Olo 23:26) Momo Yehova wa va ĩha ocikele coku ku tata kuenda oku ku songuila. (Os 127:3, 4) Omo liaco, ka ci leluka kokuavo oku ku kuatisa nda ku va situluila ovisimĩlo viove. Handi vali, o pondola oku pumba ovoloño ovo va kuete. Anga hẽ cĩvi oku situlula ovisimĩlo viove? Sio, utate ka u lomboloka oku kemba olonjali viove oco vi tave kocina cimue cuhembi.—Olo 3:32.
O pondola ndati oku sapela lolonjali viove? Sokiya epuluvi limue okuti liwa kokuove kuenda kokuavo. Nda ka ca lelukile kokuove, va sonehela ukanda oco o situlule ovisimĩlo viove. Nye ci popiwa nda ovo va yongola oku sapela catiamẽla kocitangi cimue, pole ove ku yongola? Ivaluka okuti ovo va yongola oku ku kuatisa. Sokolola okuti olonjali viove akamba, hanyãliko. Elikolisilo liove lioku sapela lolonjali viove, li ka ku kuatisa vokuenda kuomuenyo wove wosi!—Olo 4:10-12.
TALA OVIDEO LOSAPI HATI, OMUENYO WANGE WOVOMALẼHE—NDI PONDOLA OKU SAPELA NDATI LOLONJALI VIANGE? KUENDA TAMBULULA APULILO A KUÃIMO:
Nye Esther la Partik, va limbuka catiamẽla kokuavo muẽle?
Nye wa lilongisila kongangu ya Yesu?
Olonjali viove vi lekisa ndati okuti via siata oku ku tata?
Olonjali viove vi ku yonguila ekalo liwa
Olonumbi Viembimbiliya vi ku kuatisa ndati oku sapela lolonjali viove?