EKALO LIAKRISTÃO
Li Tenda Ove Muẽle Ndomo Yehova a ku Tenda
“Yehova o sanjukila omanu vaye.” (Os 149:4) Ndaño ka tua lipuile, eye o lete ovituwa vietu viwa kuenda ovina tu pondola oku linga. Pole, olonjanja vimue, ci tĩla calua kokuetu oku limbuka ovituwa viwa tu kuete. Etu pamue, tu kuata ovisimĩlo ka via sungulukile omo lionjila ndomo vakuetu va tu tata. Ale, nda tua tiamisila utima kakuluenya etu osimbu, tu kuata atatahãi nda Yehova o tu sole muẽle ale sio. Nye ci pondola oku tu kuatisa eci tu kuata ovisimĩlo viaco?
Ivaluka okuti Yehova o lete ovina okuti omanu ka va vi lete. (1Sa 16:7) Eci ci lomboloka okuti, eye o lete ovina vimue vokuetu okuti, etu muẽle ka tu vi lete. Pole, ci lembeleka oku kũlĩha okuti, Embimbiliya li tu kuatisa oku litenda etu muẽle ndomo Yehova a tu tenda. Poku tanga Embimbiliya ale ovolandu a sangiwamo, tu kuata elomboloko ndomo Yehova a sole afendeli vaye.
TALA OVIDEO LOSAPI, YUVULA OKU LI VETELA EVELO VUTIMA KUENDA TAMBULULA APULILO A KUÃIMO:
Ocindekaise cumalẽhe ukuakuyoloka kuenda isiaye, ci tu longisa nye catiamẽla konjila ndomo Yehova a tu tenda?
Nda omunu wa linga ekandu o nõlapo oku likekembela loku tumbulula ukamba waye la Yehova, eye ci u kutatisa oku tula utima kovaso Aye?—1Yo 3:19, 20
Manji umue wa kuatisiwa ndati poku tanga kuenda oku sokolola ovolandu a Daviti kuenda a Yehosafata?