EKALO LIAKRISTÃO
Yehova o Popela Ava va Kasi Lovitima Via Samba
Omanu vosi olonjanja vialua, va siata oku yeva esumuo. Oku yeva esumuo, ka ci lomboloka okuti omunu wa hongua konepa yespiritu. Ndaño muẽle Yehova wa situlula okuti, olonjanja vimue o sumua. (Eft 6:5, 6) Pole, nye ci popiwa nda otembo yosi tua yuliwa lesumuo?
Likutilila ku Yehova oco a ku kuatise. Yehova wa kapako calua uhayele wetu wovisimĩlo kuenda woketimba. Eye wa kũlĩha eci tu kuata esanju kuenda eci tu sumua. Eye wa kũlĩha esunga lieci tua siatela oku kuata ovisimĩlo viaco. (Os 7:9b) Ocina ca velapo, ceci okuti Yehova o tu tata, loku tu kuatisa oco tu tẽle oku yula esumuo.—Os 34:18.
Teyuila ovisimĩlo viove. Ovisimĩlo ka via sungulukile ka vi nyõli lika esanju lietu, pole, vi nyõlavo efendelo lietu. Eli olio esunga lieci tu sukilia oku lava utima wetu kuenda ovisimĩlo vietu.—Olo 4:23.
TALA OVIDEO LOSAPI HATI, NDOMO VAMANJETU VA SANJUKILA OMBEMBUA NDAÑO LESUMUO, NOKE TAMBULULA APULILO A KUÃIMO:
Ovina vipi vi kuete esilivilo manji Nikki a linga vio kuatisa oku yula esumuo?
Momo lie manji Nikki a limbukila okuti wa sukilile oku sanda ekuatiso liolondotolo?—Mat 9:12
Kolonepa vipi manji Nikki a lekisa ekolelo liokuti Yehova u kuatisa?