Anga hẽ Suku o Kasi Kocitumãla Cimue?

Etambululo Liembimbiliya

Oco. Suku o kuete ocitumãlo cimue a kasi. Ocitumãlo caco, kilu. Konomuisa ovinimbu evi Viembimbiliya:

Vohutililo yimue Soma Salomone a linga, wa popia hati: “Kilu, kocitumãlo cove, yevelela.”—1 Olosoma 8:43.

Yesu Kristu wa longisa olondonge viaye oku likutilila hati: “A Isietu o kasi kilu.”—Mateo 6:9.

Yesu noke liepinduko liaye ‘wa iñila kilu, cilo o tu molehela kovaso a Suku.’—Va Heveru 9:24.

Ovinimbu evi vi lekisa ciwa okuti, Yehova Suku omunu muẽle, kuenda o kasi kilu, pole, ka kasi kolonepa viosi.