O Pondola hẽ Oku Kundila Omanu Koñolosi?
1. Ndomo ca lekisiwa velivulu limue, kapuluvi api upostolo Paulu a enda oku kundila konjo lanjo?
1 Elivulu losapi hati, Daily Life in Bíbles Times (Omuenyo Weteke Leteke Kosimbu), li lekisa okuti, upostolo Paulu wa kundaila omanu konjo lanjo oku upisa ‘kelivala liakuãla kekumbi, toke koñolosi.’ Ka tua kũlĩhĩle esokiyo Paulu a kuata, pole tu ci okuti, wa yonguile oku linga ‘ovina viosi oco a tẽlise ocikundi coku kunda olondaka viwa.’ (1 Va Kor. 9:19-23) Vovina viaco, mua kongelele esokiyo lioku kundila konjo lanjo, kuna a ponduile oku sanga omanu valua.
2. Momo lie tu popela tuti, oku kundila omanu koñolosi epuluvi limue liwa?
2 Koloneke vilo, olosemana viosi, akundi valua va siata oku kundila konjo lanjo komẽle. Epuluvi lipi lia ku sungulukila pocitumãlo cove? Manji umue okuti ukundi wotembo yosi poku lombolola ndomo a siata oku kundila vocikanjo caye, wa popia hati: “Lutanya, ka ca lelukile oku sanga omanu kolonjo viavo. Pole, koñolosi omanu valua va sangiwa kolonjo viavo.” Oku kunda koñolosi, ku eca apuluvi komanu vosi oku yeva olondaka viwa, ca piãla enene alume. Omo okuti kelivala liaco omanu ka va kuete asakalalo alua, va tava oku sapela lavo. Nda ca sunguluka oku ci linga pocitumãlo cene, akulu vekongelo va sukila oku sokiya olohongele vioku kundila omanu koñolosi.
3. Tu lekisa ndati okuti tu kuete olondunge poku kundila omanu koñolosi?
3 Kuata Olondunge: Oku lekisa olondunge poku kundila omanu koñolosi, ku kuete esilivilo. Nda wa sanga okuti omanu va kasi oku lia ondalelo, ciwa oku va sapuila hoti, ndi tiuka kepuluvi likuavo. Nda kuli owelema walua, ca sunguluka oku kala pocitumãlo omanu va pondola oku tu mola ciwa, kuenda va limbuka ocimãho tueyilila konjo yavo. Ca sungulukavo oku talavaya kavali, ale, oku kala ocimunga vokololo yimue muli ocinyi okuti, ka tu kala lika lietu. Yuvula oku sakalaisa omanu kolonjo viavo nda wa va sanga va yongola oku pekela. (2 Va Kor. 6:3) Nda oku kundila omanu koñolosi vocikanjo cene ci koka ohele, ci lingi eci handi ekumbi ka lia iñilile.—Olosap. 22:3.
4. Asumũlũho api eyilila koku kundila omanu koñolosi?
4 Asumũlũho: Nda tua loñoloha poku sapela lomanu kupange woku kunda, tu kuata esanju lialua. Omo liaco, tu sukila oku likolisilako oku linga upange woku kunda, oco tu kuatise omanu oku ‘popeliwa lukũlĩhiso wocili.’ (1 Tim. 2:3, 4) Anga hẽ o pondola oku kundila omanu koñolosi?