OCISELEKO CALIVULU VO INTERNET Colombangi Via Yehova
Olombangi Via Yehova
OCISELEKO CALIVULU VO INTERNET
Umbundu
Ũ
  • Ñ
  • ñ
  • õ
  • Õ
  • ũ
  • Ũ
  • ĩ
  • Ĩ
  • ã
  • Ã
  • ẽ
  • Ẽ
  • EMBIMBILIYA
  • ALIVULU
  • OLOHONGELE
  • mwbr19 Kayovo kam. 1-8
  • Ono Yovipama Viohongele Ekalo Lietu Tuakristão Kuenda Oku Kunda

Vonepa eyi ka mu sangiwa ovideo layimue.

Tu ecele, kua pita ocitangi cimue poku lekisa ovideo.

  • Ono Yovipama Viohongele Ekalo Lietu Tuakristão Kuenda Oku Kunda
  • Ono Yovipama Viohongele Ekalo Lietu Tuakristão Kuenda Oku Kunda—2019
  • Otulosapi
  • OSEMANA 4-10 YA KAYOVO
  • OVOKUASI A SANGIWA VONDAKA YA SUKU | VA ROMA 1–3
  • “Amamako Oku Pindisa Owanji Wutima Wove”
  • ocisola ca Suku 18 ocin. 6
  • O Pondola Oku Kala Ndati Lutima wa Sunguluka?
  • ocisola ca Suku kem. 17-18 ocin. 8-9
  • O Pondola Oku Kala Ndati Lutima wa Sunguluka?
  • Oku Konomuisa Lutate Ovina vi Sangiwa Vembimbiliya
  • utala wondavululi 15/6/2008 kem. 30 ocin. 5
  • Atosi Avelapo Vukanda wa Va Roma
  • utala wondavululi 15/6/2008 kem. 29 ocin. 6
  • Atosi Avelapo Vukanda wa Va Roma
  • Oku Tangiwa Kuembimbiliya
  • OSEMANA 11-17 YA KAYOVO
  • OVOKUASI A SANGIWA VONDAKA YA SUKU | VA ROMA 4-6
  • “Suku wa Lekisa Ocisola Caye Kokuetu”
  • utala wondavululi 15/6/2011 kem. 12 ocin. 5
  • Suku Wa Tu Muisa Ocisola Caye
  • utala wondavululi 15/6/2011 kem. 12 ocin. 6
  • Suku wa tu Muisa Ocisola Caye
  • utala wondavululi 15/6/2011 kem. 13 ocin. 9-10
  • Suku wa tu Muisa Ocisola Caye
  • Oku Konomuisa Lutate Ovina vi Sangiwa Vembimbiliya
  • utala wondavululi 15/6/2008 kem. 29 ocin. 7
  • Atosi Avelapo Vukanda wa Va Roma
  • utala wondavululi 1/6/2014 kem. 11 ocin. 1
  • Elavoko Lipi Ndi Kuetele va Kukululu Yange?
  • Oku Tangiwa Kuembimbiliya
  • OSEMANA 18-24 YA KAYOVO
  • OVOKUASI A SANGIWA VONDAKA YA SUKU | VA ROMA 7-8
  • “O Kasi ‘hẽ Oku Talamẽla Loku Lavoka’?”
  • utala wondavululi 15/7/2012 kem. 10 ocin. 17
  • Tava Okuti Yehova Oku Songuila Keyovo Liocili
  • utala wondavululi 15/3/2012 kem. 23 ocin. 11
  • Tu Sanjukili Elavoko Lietu
  • utala wondavululi 15/3/2012 kem. 23 ocin. 12
  • Tu Sanjukili Elavoko Lietu
  • Oku Konomuisa Lutate Ovina vi Sangiwa Vembimbiliya
  • utala wondavululi 06/2017 kem. 3
  • O Civailuka?
  • Etepiso lipi li kasi koku “tiamisila utima ketimba” kuenda “oku tiamisila utima kespiritu”? (Va Rom. 8:6)
  • utala wondavululi 15/11/2009 kem. 10 ocin. 20
  • Olohutililo Viove vi Situlula Nye Catiamẽla Kukamba Wove la Yehova?
  • Oku Tangiwa Kuembimbiliya
  • OSEMANA 25 YA KAYOVO–3 YELOMBO
  • OVOKUASI A SANGIWA VONDAKA YA SUKU | VA ROMA 9-11
  • utala wondavululi 15/5/2011 kem. 23 ocin.13
  • ‘Via Longa Nye Olondunge Via Suku!’
  • utala wondavululi 15/5/2011 kem. 24 ocin.15
  • ‘Via Longa Nye Olondunge Via Suku!’
  • utala wondavululi 15/5/2011 kem. 25 ocin. 19
  • ‘Via Longa Nye Olondunge Via Suku!’
  • Oku Konomuisa Lutate Ovina vi Sangiwa Vembimbiliya
  • utala wondavululi 15/6/2013 kem. 24 ocin. 5
  • Ecelela oku Penguluiwa Lepindiso lia Yehova
  • perspicaz volume-1 kem. 517 ocin. 2
  • Ukuesepa, Esepa
  • Oku Tangiwa Kuembimbiliya
Ono Yovipama Viohongele Ekalo Lietu Tuakristão Kuenda Oku Kunda—2019
mwbr19 Kayovo kam. 1-8

Ono Yovipama Viohongele Ekalo Lietu Tuakristão Kuenda Oku Kunda

OSEMANA 4-10 YA KAYOVO

OVOKUASI A SANGIWA VONDAKA YA SUKU | VA ROMA 1–3

“Amamako Oku Pindisa Owanji Wutima Wove”

(Va Roma 2:14, 15) Momo vakualofeka vana ka va kuete ocihandeleko ca Suku, pole, va linga ovina viocihandeleko, ndaño ka va kuete ocihandeleko, va likapela ovo muẽle ocihandeleko. 15 Ovo va lekisa okuti eci ci kisika ocihandeleko, ca sonehiwa vovitima viavo, osimbu owanji wovutima wavo u va imbila uvangi, lovisimĩlo viavo va pisiwa ale va yovuiwa.

ocisola ca Suku 18 ocin. 6

O Pondola Oku Kala Ndati Lutima wa Sunguluka?

6 Kũlĩhĩsa olondaka viupostolo Paulu wa popia hati: “Vakualofeka, ava ka va kuete ovihandeleko, nda va pokola kovihandeleko ndocituwa cavo, va likapela ovo muele ovihandeleko, ndaño ka va kuete ovihandeleko. Va lekisa okuti eci ci sĩliha ovihandeleko ca sonehiwa vovitima viavo. Owanji wovitima viavo lawovo u va imbila uvangi, kuenda ovisimĩlo viavo vi likuatisa pokati, pamue oku pisa, pamue oku yovuisa.” (Va Roma 2:14, 15) Omanu vana ka va kũlĩhĩle ovihandeleko via Yehova, olonjanja vimue owanji wutima wavo, u va vetiya oku pokola kolonumbi via Suku.

(Va Roma 2:15) Ovo va lekisa okuti eci ci kisika ocihandeleko, ca sonehiwa vovitima viavo, osimbu owanji wovutima wavo u va imbila uvangi, lovisimĩlo viavo va pisiwa ale va yovuiwa.

ocisola ca Suku kem. 17-18 ocin. 8-9

O Pondola Oku Kala Ndati Lutima wa Sunguluka?

8 Utima u tu kuatisa ndati oku nõla onjila tu yongola oku kuama? Omanu vamue omo lioku kuama lika olonjongole viavo, va siata oku popia vati, “Eci kokuange ca sunguluka.” Citava okuti olonjongole viutima vi yapula olondunge vietu. Embimbiliya li popia hati: “Utima wa piãla kelimbi haiwo wa hongua enene. Helie o tẽla oku u kũlihisa?” (Yeremiya 17:9) Tu sukila oku yuvula oku pitisa kovaso olonjongole viutima wetu. Tete tu sukila oku konomuisa eci ci sanjuisa Yehova Suku.

9 Oku yuvula olonjongole vietu omo liesumbilo tu kuetele Suku, oco ci lekisa okuti utima wetu wa pindisiwa. Tu kũlĩhĩsi ulandu wa Nehemiya, una wa kala onguluvulu. Citava okuti eye nda wa fetisa elisimu omanu vosi volupale luo Yerusalãi. Pole, ka ci lingile. Momo lie? Momo ka yonguile oku sumuisa Yehova poku kangisa afendeli Vaye. Eye wa popia hati: “Ame puãi sia ci lingile momo nda kala lusumba la Suku.” (Nehemiya 5:15) Usumba woku sumuisa Isietu wokilu, owo wa velapo kuenda u tu vetiya oku kuama alungulo a kasi Vondaka ya Suku eci tu yongola oku nõla onjila tu kuama.

Oku Konomuisa Lutate Ovina vi Sangiwa Vembimbiliya

(Va Roma 3:4) Sio, ka li ci nyõli! Suku a limbukiwe okuti ukuacili, ndaño omanu vosi olohembi, ndeci ca sonehiwa citi: “Oco o tendiwe ndukuesunga kolondaka viove kuenje eci o sombisiwa, o yula.”

utala wondavululi 15/6/2008 kem. 30 ocin. 5

Atosi Avelapo Vukanda wa Va Roma

3:4. Nda olondaka viomanu ka vi litava leci Ondaka ya Suku yi popia, tu sukila oku ‘limbuka Suku ukuacili,’ poku kolela kesapulo Liembimbiliya, kuenda oku linga ocipango Caye. Omo liaco, tu sukila oku lekisa ombili kesapulo Liusoma loku longisa omanu oco va linge olondonge. Nda tua ci linga, tu va kuatisa oku limbuka okuti Suku ukuacili.

(Va Roma 3:24, 25) pole, locali va tendiwa ndavakuesunga omo liohenda ya piãla poku yovuiwa locisembi ca eciwa la Kristu Yesu. 25 Suku wo weca ndocilumba oco omanu va kuate ombembua Laye omo lioku kolela kosonde ya Kristu. Eci ca lingiwila oku lekisa esunga liaye, momo Suku wa kala oku lekisa epandi loku ecela akandu a lingiwa kosimbu.

utala wondavululi 15/6/2008 kem. 29 ocin. 6

Atosi Avelapo Vukanda wa Va Roma

3:24, 25—‘Ocisembi ca Yesu Kristu’ ca yovola ndati ‘akandu a lingiwa osimbu’ ocisembi caco ka ca fetiwile handi? Ocitumasuku catete catiamẽla ku Mesiya ci sangiwa kelivulu Liefetikilo 3:15, ca tẽlisiwa kunyamo wa 33 K.K., eci Yesu a pondiwa loku valeliwa kuti. (Va Gal. 3:13, 16) Ku Yehova, ocilumba cocisembi ca fetiwa vepuluvi lina a tukula ocitumasuku caco. Kuenje, lomue o tẽla oku tateka Suku oco a tẽlise ocipango caye. Omo liocilumba ca Yesu Kristu, Yehova oka yovola kekandu ovitumbulukila viosi via Adama via kolela kolohuminyo viaye. Ocilumba caco, ca yululavo onjila yoku ka pindula omanu vana va fa osimbu.—Ovil. 24:15.

Oku Tangiwa Kuembimbiliya

(Va Roma 1:1-17) Ame ndi Paulu ukuenje wa Kristu Yesu, haime nda kovongiwa oku linga upostolo kuenje nda nõliwa oku kunda olondaka viwa via Suku, 2 vina eye a likuminyile tunde osimbu vonduko yovaprofeto Vovisonehua vi kola, 3 viatiamẽla Komõlaye, una wa citiwa ndomunu kocitumbulukila ca Daviti, 4 pole, omo liunene wespiritu sandu, wa tukuiwa Mõla a Suku eci a pinduiwa ku vakualofa—okuti Yesu Kristu Ñala yetu. 5 Vokuaye tua tambula ohenda ya piãla ya Suku kuenda ocikele cupostolo okuti olofeka viosi viu kolela loku pokola konduko yaye, 6 okuti pokati kolofeka viaco lenevo wa kovongiwili oku tiamẽla ku Yesu Kristu—7 ku vosi va kasi vo Roma okuti va soliwe la Suku, haivo va tukuiwa olosandu: Ohenda ya piãla lombembua yi tunda ku Suku Isietu kuenda ku Ñala Yesu Kristu, yi kale lene. 8 Catete, vonduko ya Yesu Kristu ngeca olopandu ku Suku yange omo liekolelo liene, momo ekolelo liene lia yevala komanu vosi. 9 Suku una ndingila lutima wosi upange u kola woku sapula olondaka viwa Viomõlaye, o njimbila uvangi ndomo sia la liwekapo oku vu tukoli olonjanja viosi volohutililo viange, 10 ndi pinga okuti cilo nda ca ngecelela, ndiya kokuene nda Suku wa panga. 11 Momo ndi lavoka oku vu moli, okuti ndu wĩhi ongavelo yespiritu oco vu pamisiwi; 12 loku sanga evelo lioku likolisa pokati, okuti ekolelo liene li ñuatisa ame kuenda ekolelo liange liu kuatisivo ene. 13 A vamanji, koleli okuti olonjanja vialua nda yonguile oku iya kokuene—pole, ñasi oku tatekiwa toke cilo—oco okuti oku kunda kuange ku eca onima yiwa ci kale pokati kene, ci kale ku vakualofeka vakuavo. 14 Ñuetele ofuka va Helasi lovingendeleyi, ci kale ava va kuete olondunge, lava ka va kuete olondunge; 15 oco ndi livela oku wu kundilivo olondaka viwa ene vu kasi vo Roma. 16 Si kuete osõi yolondaka viwa; momo ovio vi kuete unene wa Suku woku popela vosi va kuete ekolelo, okuti tete va Yudea noke va Helasi. 17 Momo kokuavio oko esunga lia Suku lia situluiwa omo liekolelo kuenda lekolelo, ndomo ca sonehiwa citi: “Ukuesunga o muila omuenyo kekolelo.”

utala wondavululi 1/6/2006 kem. 12-13

Tenha um ponto de vista realístico

Para termos contentamento, devemos ter um ponto de vista realístico sobre as nossas limitações e as dos outros. Na sua carta aos Romanos, o apóstolo Paulo mencionou: “Todos pecaram e não atingem a glória de Deus.” (Romanos 3:23) Muitos aspectos da glória de Jeová estão bem além de nossa compreensão. Um exemplo disso é o simples fato declarado em Gênesis 1:31: “Deus viu tudo o que tinha feito, e eis que era muito bom.” Sempre que Jeová decide se lembrar do que fez, pode dizer que ‘foi muito bom’. Nenhum humano pode afirmar isso sempre. Assim, o primeiro passo para termos contentamento é reconhecermos nossas limitações. Mas isso não é tudo. Precisamos entender e aceitar o ponto de vista de Jeová sobre o assunto.

A palavra grega traduzida “pecado” vem de uma raiz que significa “errar o alvo”. (Romanos 3:9, nota) Para ilustrar: Imagine alguém que quer muito ganhar um prêmio num torneio de arco-e-flecha. Essa pessoa tem três flechas. Atira a primeira e erra por quase um metro. Mira melhor a segunda flecha, mas mesmo assim erra por alguns centímetros. Concentrando-se ao máximo, ela atira a última flecha e erra por apenas alguns milímetros. Errou por pouco, é verdade, mas errou.

Todos nós somos como esse arqueiro desapontado. Às vezes parece que ‘erramos o alvo’ por muito. Outras vezes chegamos bem perto de acertar, mas ainda assim erramos. Ficamos frustrados porque nos esforçamos tanto, mas ainda assim não foi bom o suficiente. Agora voltemos ao exemplo do arqueiro.

Ele começa a ir embora bem devagar, desanimado porque queria muito ganhar o prêmio. De repente, o juiz o chama de volta e lhe entrega um prêmio, dizendo: “Eu quero lhe dar isso porque gosto de você e vi como se esforçou.” O arqueiro fica feliz da vida!

Feliz da vida! É assim que se sentirão todos os que receberem de Deus “o dom”, ou o prêmio, da vida eterna perfeita. (Romanos 6:23) Depois disso, tudo o que eles fizerem será bom — nunca mais errarão o alvo — e terão pleno contentamento. Nesse meio tempo, se mantivermos esse ponto de vista, teremos um conceito melhor de nós mesmos e das pessoas que estão a nossa volta.

OSEMANA 11-17 YA KAYOVO

OVOKUASI A SANGIWA VONDAKA YA SUKU | VA ROMA 4-6

“Suku wa Lekisa Ocisola Caye Kokuetu”

(Va Roma 5:8) Pole, Suku wa lekisa ocisola caye kokuetu okuti osimbu tua kala vakuakandu, Kristu wa tu fila.

(Va Roma 5:12) Ndeci ekandu lia iñila voluali omo liomunu umosi kuenda oku fa omo liekandu kuenje oku fa kua li sanduila komanu vosi momo vosi va linga ekandu—.

utala wondavululi 15/6/2011 kem. 12 ocin. 5

Suku Wa Tu Muisa Ocisola Caye

5 Paulu wa lombolola ondaka yaco hati: “Ndeci ekandu lia iñila voluali lomunu umuamue, kuenda okufa kueya lekandu, haico okufa kua sambukila omanu vosi, momo vosi va linga ekandu.” (Va Rom. 5:12) Etu tu kuete elomboloko liovina viaco, momo Suku wa ecelela okuti ku sonehiwa ulandu u lekisa ndomo omuenyo womunu wa fetika. Yehova wa lulika omanu vavali, Adama la Heva. Omo okuti Ululiki wavo wa lipua, ovo va lipuilevo. Suku wa va ĩhile ocihandeleko cimue kuenda wa va sapuilile okuti oku sinila ocihandeleko caco ci va kokela okufa. (Efet. 2:17) Pole, va nõlapo oku sinila olonumbi via sunguluka via Suku, kuenje va likala Ukuakueca ovihandeleko haeye Ombiali ya Velapo.—Esin. 32:4, 5.

(Va Roma 5:13, 14) Momo ekandu lia kala voluali osimbu ka kua eciwile Ocihandeleko, puãi ekandu ka li tendiwa osimbu ka kuli ocihandeleko. 14 Kuenje, oku fa kua viala ndosoma tunde ku Adama toke ku Mose, ndaño ku vana ka va lingile ekandu ndeli lia Adama, una wa linga ocisetahãlo cu wa laikele oku iya.

utala wondavululi 15/6/2011 kem. 12 ocin. 6

Suku wa tu Muisa Ocisola Caye

6 Omo okuti Adama wa linga lika isia yomãla noke yekandu, wa sambuisa ekandu liaco kokuavo lovitangi viosi vieyililako. Ocili okuti omãla vaco ka va lueyele ocihandeleko ca Suku ndeci Adama a linga, kuenda ka va pisiwile lekandu liaco. Handi vali, ka va tambuile onumbi layimue yocihandeleko. (Efet. 2:17) Pole, ocitumbulukila ca Adama ca piñala ekandu. Kuenje, ekandu kuenda okufa via viala toke eci Suku a eca ocihandeleko ku va Isareli, cina ca situlula ciwa okuti va kala vakuakandu. (Tanga Va Roma 5:13, 14.) Onima yocipiñalo cekandu, yi sokisiwa lovovei amue o vepata a sambuka ndeci, uvei wo hemofilia ale o anemiya wo ko Mediterrâneo. Ove pamue wa tangele ale ulandu wa Alexis omõla a Czar Nicholas II kuenda Alexandra kofeka yo Russia, va piñalele uvei wo hemofilia. Ndaño okuti omãla vamue vapata aco ka va liyaki lovitangi vi tunda kuvei waco, pole va kasi luvei waco. Cimuamue haico catiamẽla kekandu. Lomue wa tẽla oku tateka ovitangi via tunda kekandu lia Adama. Omanu vosi va kasi locitangi caco. Olio lia koka olofa. Kuenda lia sambukila komãla vosi. Anga hẽ citava oku yula ocitangi caco?

(Va Roma 5:18) Ndeci omo liekandu limosi omanu vosi va pisiwa, cimuamue haico, omo lielinga limosi liesunga omanu vosi va tendiwa ndavakuesunga oco va kuate omuenyo.

(Va Roma 5:21) Locimãho cipi? Ndeci ekandu kuenda oku fa via viala ndosoma, cimuamue haico, ohenda ya piãla yi viala ndosoma omo liesunga loku tuala komuenyo ko pui mekonda lia Yesu Kristu Ñala yetu.

utala wondavululi 15/6/2011 kem. 13 ocin. 9-10

Suku wa tu Muisa Ocisola Caye

9 Kelimi lio Helasi nye ci lomboloka olondaka viokuti, “oku tendiwa ndusuesunga,” kuenda ‘oku va tenda ndavakuesunga’? Ulume umue ukuakupongolola Embimbiliya valimi akuavo, wa soneha hati: “Ondaka eyi upopi wocindekaise u kuatisa oku limbuka ondaka yimue yatiamẽla kesombiso. Ondaka eyi yi lekisa epongoloko omunu a linga kukamba waye la Suku, pole, ka yi lomboloka epongoloko liatiamẽla kekalo liosi liomunu . . . Upopi waco wocindekaise, u sokisa Suku ndonganji yi teyuila omunu umue ondingaĩvi wa sombisiwa kekanga liaye. Pole, Suku o yovola omunu waco kekandu kuenda oku u tenda okuti ukuesunga.”

10 “Onganji yoluali luosi,” haeye ukuesunga, nda wa tẽla oku yovola ndati omunu umue ondingaĩvi? (Efet. 18:25) Catete, Suku wa tuma Omõlaye wongunga palo posi. Yesu wa tẽlisa ciwa ocipango ca Isiaye, ndaño layonjo, loku popiwa lãvi, kuenda oku sepuiwa. Eye wa pandikisa toke eci a fa poku valeliwa kuti. (Va Hev. 2:10) Yesu wa eca omuenyo waye wa lipua ndocisembi coku yovola ocitumbulukila ca Adama kekandu kuenda kolofa.—Mat. 20:28; Va Rom. 5:6-8.

Oku Konomuisa Lutate Ovina vi Sangiwa Vembimbiliya

(Va Roma 6:3-5) Ale ka wa kũlĩhĩli okuti vosi yetu tua papatisiwila vu Kristu Yesu tua papatisiwilavo vokufa kuaye? 4 Kuenje tua kendiwa kumue laye omo tua papatisiwila vokufa kuaye, okuti ndeci Kristu a pinduiwa kuava va fa lulamba wa Tate, haico etu tu ambatavo omuenyo wokaliye. 5 Nda tua fa ndeci eye, tu pinduiwavo ndeye kuenje eci ci lekisa okuti tu likuete omunga laye.

utala wondavululi 15/6/2008 kem. 29 ocin. 7

Atosi Avelapo Vukanda wa Va Roma

6:3-5—Oku papatisiwa vu Yesu Kristu kuenda volofa viaye, ci lomboloka nye? Eci Yehova a waveka espiritu sandu liaye kolondonge via Kristu, ovo va tokekisiwa ku Yesu. Kuenje, va linga omanu vatiamẽla ketimba lia Kristu ale kekongelo lina okuti eye Utue waco. (1 Va Kor. 12:12, 13, 27; Va Kol. 1:18) Eci oco ci lomboloka oku papatisiwa vu Yesu Kristu. Akristão olombuavekua, eci ‘va papatisiwa vokufa kua Kristu,’ ka va lavoka vali omuenyo ko pui palo posi. Ndaño oku fa kuavo ka ku kuete ondando yocilumba, ku kasi ndoku fa kua Yesu. Oku papatisiwa kuavo volofa via Kristu, ku tẽlisiwa eci va fa loku pinduiwila komuenyo wokilu.

(Va Roma 6:7) Momo wosi wa fa wa yovuiwa kakandu.

utala wondavululi 1/6/2014 kem. 11 ocin. 1

Elavoko Lipi Ndi Kuetele va Kukululu Yange?

Eci vana okuti havakuesungako va ka pinduiwa, va ka sombisiwa hẽ omo liovina va linga kosimbu? Sio. Ukanda wa Va Roma 6:7 u popia ndoco: ‘Omunu wosi wa fa wa yovuiwa kakandu.’ Vana “havakuesungako” va ka feta akandu avo poku fa. Omo liaco, ovo va ka sombisiwa omo liovina va linga noke yepinduko, pole ka va ka sombisiwa omo liovina va linga osimbu ka va file. Va ka kuatisiwa ndati?

Oku Tangiwa Kuembimbiliya

(Va Roma 4:1-15) Oco puãi, nye tu popia catiamẽla ku Avirahama kukululu yetu? 2 Nda Avirahama wa tendiwile ndukuesunga omo liovilinga, eye nda wa kuata esunga lioku lipanda, pole, ka lipandele kovaso a Suku. 3 Ocisonehua ci popia nye? “Avirahama wa kolela Yehova kuenje eci co tendiwila ndesunga.” 4 Kulume o talavaya, ofeto yaye ka yi tendiwa ndohenda ya piãla, pole, ndocina cimue a sesamẽla. 5 Handi vali, u ka talavaya, pole, o kolela ku Una o tukula ondingaĩvi hati ukuesunga, ekolelo liaye li tendiwa ndesunga. 6 Ndeci Daviti a tukula esumũlũho liomunu Suku a tendela esunga ndaño ka kuete ovilinga hati: 7 “Va sumũlũha vana vakuakutomba ovihandeleko okuti ovilinga viavo vi ecelua kuenda akandu avo a tuvikiwa; 8 wa sumũlũha omunu una okuti Yehova ka ivaluka ekandu liaye.” 9 Esumũlũho eli hẽ lia tukuiwila lika omanu va seviwa evamba, ale lava ka va seviwile evamba? Momo tu kasi oku popia tuti: “Eye wa tenda ekolelo lia Avirahama ndesunga.” 10 Vepuluvi lipi lia tendiwa ndesunga? Ceci a seviwa evamba, ale ceci ka seviwile evamba? Eye handi ka seviwile evamba, pole, wa kala ociyamba. 11 Eye wa tambula ondimbukiso—okuti, evamba—nduvangi wesunga omo liekolelo a kuata osimbu ka seviwile evamba, okuti wa laikele oku kala isia ya vosi va kuete ekolelo osimbu ka seviwile evamba, oco Suku a va tendevo ndavakuesunga; 12 kuenda eye ka lingi lika isia ya vana va seviwa evamba, pole, o lingavo isia ya vana va kuama onjila yekolelo. Ekolelo lina isietu Avirahama a kuata osimbu ka seviwile evamba. 13 Avirahama ale ocitumbulukila caye ka ca kuatele ohuminyo yokuti eye o kala kapiñala koluali omo liocihandeleko, pole, ca kala omo liesunga li tunda kekolelo. 14 Momo nda vana va kakatela kocihandeleko va linga vakapiñala, ekolelo ka li kuata esilivilo kuenda ohuminyo yimũha. 15 Ocihandeleko ci koka onyeño, pole, apa ka pali ocihandeleko ka pali oku sina.

OSEMANA 18-24 YA KAYOVO

OVOKUASI A SANGIWA VONDAKA YA SUKU | VA ROMA 7-8

“O Kasi ‘hẽ Oku Talamẽla Loku Lavoka’?”

(Va Roma 8:19) Momo oviluvo vi kasi oku talamẽla loku lavoka oku situluiwa kuomãla va Suku.

utala wondavululi 15/7/2012 kem. 10 ocin. 17

Tava Okuti Yehova Oku Songuila Keyovo Liocili

17 Paulu poku lombolola eyovo Yehova a likuminya kafendeli vaye va ka kala palo posi, wa soneha ndoco: “Ovilulikilo viosi vi tãilili oku mola etukuluko liomãla va Suku.” Noke, wa amisako hati: “Eteke limue ovina via lulikiwa vi panduluiwa kupika wenyõleho ha vi moli eyovo liulamba womãla va Suku.” (Va Rom. 8:19-21) “Ovina via lulikiwa,” via tukuiwa vocinimbu eci, vi lomboloka omanu va kuete elavoko lioku kala palo posi okuti, va ka kuatisiwa ‘letukuluko’ liomãla va Suku, olombuavekua. Etukuluko liaco, lia fetika eci “omãla” va Suku vana va ka viala kumue la Kristu kilu, va fetika oku pinduiwa latimba espiritu. Kuenje, va ka yelisa ilu lieve, loku teyuila “owiñi wakahandangala,” poku u songuila voluali luokaliye palo posi.—Esit. 7:9, 14.

(Va Roma 8:20) Momo oviluvo via tiamisua kuveke halocipango cavioko, te locipango cu wa vi tiamisilako, omo lielavoko

utala wondavululi 15/3/2012 kem. 23 ocin. 11

Tu Sanjukili Elavoko Lietu

11 “Elavoko” liomanu, lia eciwa la Yehova eci a likuminya oku va yovola peka lia Satana Eliapu, haeye “onyõha yosiahũlu.” Eye wa ci linga lekuatiso ‘liombuto’ ya likuminyiwa. (Esit. 12:9; Efet. 3:15) Yesu Kristu, eye onepa yatete ‘yombuto yaco.’ (Va Gal. 3:16) Oku fa kua Yesu lepinduko liaye, via eca elavoko komanu lioku yovuiwa kupika wekandu loku fa. Elavoko liaco, li kuete elitokeko ‘letukuluko liomãla va Suku.’ Olombuavekua, ovio onepa yavali ‘yombuto.’ Olombuavekua viaco, vi ka ‘tukuluka’ eci vi ka kuatisa Kristu koku nyõla oluali lulo lua vĩha lu kasi peka lia Satana. (Esit. 2:26, 27) Upange waco, u ka nena eyovo kolomeme vikuavo, vina vi ka tunda kohali ya piãla.—Esit. 7:9, 10, 14.

(Va Roma 8:21) liokuti, oviluvo viaco vi ka yovuiwa kupika wetimba li nyõleha okuti vi kuata eyovo liulamba womãla va Suku.

utala wondavululi 15/3/2012 kem. 23 ocin. 12

Tu Sanjukili Elavoko Lietu

12 Vokuenda Kuohulukãi Yanyamo Yuviali wa Kristu, ‘omanu vosi’ va ka kuata ekavuluko! Kotembo yaco, ‘omãla va Suku’ va ka ‘tukuluka’ kuenje, va ka linga ovitunda kumue la Kristu, oco va kuatise omanu lasumũlũho a tunda kocisembi ca Yesu. Omanu vana va ka kala vemehi Liusoma wa Suku, va yovuiwa kovitangi vi tunda kekandu kuenda kolofa. Vokuenda kuotembo, omanu vakuepokolo, va ka “yovuiwa kupika wenyõleho.” Nda vokuenda Kuohulukãi Yanyamo va amamako oku kolela Yehova toke koseteko ya sulako, olonduko viavo vi ka kala otembo ka yi pui ‘velivulu liomuenyo.’ Kuenje, va ka mola “eyovo liulamba womãla va Suku.” (Esit. 20:7, 8, 11, 12) Elavoko liaco li komõhisa calua!

Oku Konomuisa Lutate Ovina vi Sangiwa Vembimbiliya

(Va Roma 8:6) Oku tiamisila utima ketimba ci lomboloka oku fa, pole, oku tiamisila utima kespiritu ci lomboloka omuenyo kuenda ombembua;

utala wondavululi 06/2017 kem. 3

O Civailuka?

Etepiso lipi li kasi koku “tiamisila utima ketimba” kuenda “oku tiamisila utima kespiritu”? (Va Rom. 8:6)

Omunu o tiamisila utima kovina vietimba, o sokolola lika kolonjongole viaye ka via sungulukile kuenda ecelela oku yapuisiwa lekambo liaye lioku lipua. Olonjanja viosi o sokolola lika kovina vietimba loku vangula ovina viaco. Omunu o tamisila utima kovina viespiritu, wa kũlĩha okuti ca velapo komuenyo upange wa Yehova. Eye ecelela okuti espiritu Sandu li songuila ovisimĩlo viaye. Oku tiamisila utima kovina viespiritu ci lomboloka omuenyo kuenda ombembua, pole, oku tiamisila utima kovina vietimba ci lomboloka oku fa.—utala wondavululi 12/2016, kem. 10-14

(Va Roma 8:26, 27) Cimuamue haico, olonjanja vimue omo lioku hongua kuetu; ka tu tẽla oku tukula ovina tu sukila vohutililo. Pole, espiritu li tu pingilako loku leña leña, ndaño ka ci popiwa. 27 Puãi Suku una o konomuisa ovitima viosi, wa kũlĩha eci ci kasi oku popiwa omo liunene waye. Momo eye o kuatisa olosandu, ndomo ci likuata locipango caye.

utala wondavululi 15/11/2009 kem. 10 ocin. 20

Olohutililo Viove vi Situlula Nye Catiamẽla Kukamba Wove la Yehova?

20 Olonjanja vimue, ka tu kũlĩha ovina tu yongola oku tukula volohutililo vietu. Paulu wa soneha hati: ‘Ka tua kũlĩhĩle oku likutilila ndeci ca tu sesamẽla, pole, espiritu li tu livondelelako laleñoleño ka a popiwa. Suku o seteka ovitima viomanu, kuenda wa kũlĩha ovisimĩlo viespiritu.’ (Va Rom. 8:26, 27) Yehova wa ecelela okuti, olohutililo vialua, vi sonehiwa Vembimbiliya. Eye, o tava olohutililo viaco, loku vi tenda ndu okuti, etu tu vi linga, kuenda o vi tẽlisa. Suku wa tu kũlĩha ciwa, kuenda espiritu liaye li tu kuatisa oku kuata elomboloko liovina via sonehiwa Vembimbiliya. Yehova wa siata oku tambulula olohutililo vietu, ‘lekuatiso’ liespiritu liaye. Osimbu tu amamako oku kuata ukũlĩhĩso Wondaka Yaye, tu kuatisiwa oku ivaluka ovina tu yongola oku pinga volohutililo.

Oku Tangiwa Kuembimbiliya

(Va Roma 7:13-25) Anga oku linga eci ciwa ci ñokela oku fa? Hacoko! Pole, ekandu lia ndi ponda. Omo liocina cimue ciwa, ekandu lia nena oku fa oco ku situluiwe eci ci lomboloka ekandu. Kuenje ocihandeleko ca situlula okuti, ekandu lĩvi. 14 Tua kũlĩha okuti Ocihandeleko catiamẽla ku Suku, pole, ame nda tiamẽla ketimba lia landisiwa kekandu. 15 Sia kũlĩhĩle eci ñasi oku linga. Momo eci njongola oku linga si ci lingi, pole, eci nda suvuka oco ndinga. 16 Nda eci si yongola oku linga oco ndinga, ndi tava okuti Ocihandeleko ca sunguluka. 17 Oco hameko vali ñasi oku ci linga, te ekandu li kasi vokati kange. 18 Nda kũlĩha okuti vetimba liange ka muli eci ciwa; momo ñuete onjongole yoku linga eci ciwa, pole, si kuete uloño woku ci linga. 19 Momo eci ciwa njongola oku linga si ci lingi, pole, cĩvi si yongola oku linga oco ndinga. 20 Cilo nda ndi linga eci si yongola hameko vali ñasi oku ci linga, te ekandu li kasi vokuange. 21 Oco nda sanga ocihandeleko eci vokuange okuti: Eci ndi yongola oku linga eci ciwa, cĩvi ceci. 22 Vutima wange ndi sanjukila ocihandeleko ca Suku, 23 puãi ndete ocihandeleko cikuavo vetimba liange ci liyaka locihandeleko cutima wange, okuti ci ndi tuala kupika wocihandeleko cekandu vetimba liange. 24 Ngongo yange we! Helie o popela etimba liange koku fa oku? 25 Ngeca olopandu ku Suku vonduko ya Yesu Kristu Ñala yetu! Vutima wange ndupika wocihandeleko ca Suku, puãi letimba liange ndupika wocihandeleko cekandu.

OSEMANA 25 YA KAYOVO–3 YELOMBO

OVOKUASI A SANGIWA VONDAKA YA SUKU | VA ROMA 9-11

“Olusapo Uti wo Oliveira”

(Va Roma 11:16) Nda apako atete okuti onepa yosema, a kola, osema yosi ya tamiwa layovo yi kola; kuenda nda olombombo vi kola, ovianja viaco laviovo vi kola.

utala wondavululi 15/5/2011 kem. 23 ocin.13

‘Via Longa Nye Olondunge Via Suku!’

13 Vana veya oku tiamẽla kombuto ya Avirahama, upostolo Paulu wa va sokisa lovianja viuti wo oliveira wocindekaise. (Va Rom. 11:21) Uti waco wo oliveira okuti wa tapelua ciwa, u lomboloka oku tẽlisiwa kuocipango ca Suku catiamẽla kocisila a lingile la Avirahama. Olumbombo luti waco, lu kola, kuenda lu lomboloka Yehova una eca omuenyo ku va Isareli yespiritu. (Isa. 10:20; Va Rom. 11:16) Etimba liuti waco li lomboloka Yesu, onepa yatete yombuto ya Avirahama. Ovianja viaco vi lomboloka ‘etendelo liosi’ lia vana va kongeliwa konepa yavali yombuto ya Avirahama.

(Va Roma 11:17) Pole, Suku wa teya ovianja vimue kuenda ndaño vucanja coliveira yovusenge, eye wo tokeki kuti waco kuenje vu kuatisiwavo lolombombo viayo violiveira,

(Va Roma 11:20, 21) Eci ocili! Momo omo liekambo liavo liekolelo va teyiwa, pole, ove wa talamisua omo liekolelo. Ku ka lipande, ci kuatela usumba. 21 Nda Suku ka ecelele okuti ovianja viocili vi amamako, ka ka ecelelavo okuti ove amamako.

utala wondavululi 15/5/2011 kem. 24 ocin.15

‘Via Longa Nye Olondunge Via Suku!’

15 Nye Yehova a linga oco a tẽlise ocipango caye? Paulu wa lombolola okuti ovianja viuti umue wo oliveira wo vusenge, via tokekiwa kuti wo oliveira wa tapelua oco vi piñainye vina via tetiwako. (Tanga Va Roma 11:17, 18.) Akristão olombuavekua vakualofeka, ndeci vamue va kala vekongelo lio ko Roma, va kala ocindekaise covianja via tokekiwa kuti wo oliveira. Omo liaco, va linga vakuambuto ya Avirahama. Kefetikilo va sokisiwile ndovianja vio oliveira wo vusenge, momo ka va kuatele epuluvi lioku tiamẽla kocisila eci ci likasi. Pole, Yehova wa va yikuila onjila yoku tiamẽla ku va Yudea yespiritu.—Va Rom. 2:28, 29.

(Va Roma 11:25, 26) A vamanji njongola okuti vu kũlĩha eci catiamẽla kelumbu eli li kola, oco ka vu ka lilekisi okuti wakualondunge kovaso ene muẽle: Onepa yo Isareli yi tĩlisa ovitima viavo toke eci etendelo lialua liomanu vakualofeka li suapo, 26 kuenda va Isareli vosi va popeliwa. Ndeci ca sonehiwa citi: “Onjovoli yi tunda ko Siono kuenda yi linga okuti ocitumbulukila ca Yakoba ci siapo ovilinga viavo vĩvi.

utala wondavululi 15/5/2011 kem. 25 ocin. 19

‘Via Longa Nye Olondunge Via Suku!’

19 Ocili okuti, ocipango ca Yehova catiamẽla ku va ‘Isareli ya Suku’ ci kasi oku tẽlisiwa lonjila yimue yi komõhisa. (Va Gal. 6:16) Ndomo Paulu a ci popia, ‘va Isareli vosi va ka popeliwa.’ (Va Rom. 11:26) Kotembo ya sokiyiwa la Yehova, va “Isareli vosi” okuti etendelo liosi lia va Isareli yespiritu, va ka linga olosoma kuenda ovitunda kilu. Lacimue ci pondola oku tateka ocipango ca Yehova!

Oku Konomuisa Lutate Ovina vi Sangiwa Vembimbiliya

(Va Roma 9:21-23) Ukuakutunga olombia ka kuete hẽ omoko yokuti lonata yimuamue o tunga ocikuata ca posoka leci caño? 22 Nye ci popiwa nda Suku o yongola oku lekisa onyeño yaye lunene waye kuenda wa ecelela lepandi lialua okuti ovikuata vionyeño vi tungiwila oku nyõliwa? 23 Nda eci ca lingiwila oku kũlĩha ulamba waye walua omo liovikuata viohenda, vina eye a pongiyile ale oku muisua ulamba

utala wondavululi 15/6/2013 kem. 24 ocin. 5

Ecelela oku Penguluiwa Lepindiso lia Yehova

5 Nye ci pondola oku pita lomunu o likala oku penguluiwa la Yehova, Utungi Wavelapo? Yehova o talavaya ndati lunene waye? Sokolola eci ci pondola oku pita lotuma, nda utungi wolombia wa limbuka okuti otuma yaco ka yi kasi ciwa. Utungi wolombia o pondola oku tunga ombia yikuavo, ale o yinasi! Momo, nda ombia yaco ka yi kasi ciwa, omanu va sima okuti, utungi waco eye ka loñolohele. Pole, hacoko ci pita la Yehova Utungi wetu. (Esin. 32:4) Nda omunu ka yongola oku penguluiwa la Yehova, omunu waco eye o kuete ocitangi. Ndaño okuti Yehova o pondola oku pengulula omanu, pole, va sukila oku nõla nda va tava oku penguluiwa laye, ale sio. Vana va pokola kokuaye, va kuatisiwa. Akristão olombuavekua, ‘va linga ndolombia vi kuete esilivilo,’ via pangiwila oku tẽlisa upange u kola. Pole, omanu vana va likala oku pokola kelungulo lia Suku, va kasi ‘ndolombia via pangiwila oku nyõleha.’—Va Rom. 9:19-23.

(Va Roma 10:2) Momo ndi va imbila uvangi wokuti va kuete ombili yoku vumba Suku, pole, ka va ci lingi lukũlĩhĩso wa suapo.

perspicaz volume-1 kem. 517 ocin. 2

Ukuesepa, Esepa

Ombili yi Lekisiwa Lonjila ka ya Sungulukile. Omunu umue o pondola oku lekisa ombili lutima wosi ale oku lekisa esepa omo liocina cimue, pole lonjila yimue ka ya sungulukile kuenje o sumuisa Suku. Eci oco ca pita la va Yudea valua kocita catete. Ovo va lavokaile okuti va lekisa esunga omo liovina va linga vemehi Liocihandeleko ca Mose. Pole, Paulu wa popia okuti ovo va kala oku lekisa ombili lonjila ka ya sungulukile omo ka va kuatele ukũlĩhĩso. Omo liaco, ka va kuatele esunga liocili li tunda ku Suku. Va sukilile oku limbuka akulueya avo kuenda oku tiuka ku Suku, pocakati ca Yesu, oco va kuate esunga kuenda eyovo lioku pisiwa Locihandeleko. (Va Rom. 10:1-10) Saulu wo ko Tarso wa kala umue pokati kavo okuti, wa lekisa ombili ka ya sungulukile ketavo lia va Yudea, poku ‘lambalala calua ekongelo, loku seteka oku li nyõla.’ Eye wa enda oku kuama ocihandeleko loku litenda okuti wa “pua eko.” (Va Gal. 1:13, 14; Va Fil. 3:6) Pole, esepa a kuatelele etavo lia va Yudea ka lia sungulukile. Eye wa kuatele utima wa sunguluka, kuenje Yehova wa lekisa ohenda kokuaye pocakati ca Kristu, poku u kuatisa oku limbuka efendelo liocili.—1 Tim. 1:12, 13.

Oku Tangiwa Kuembimbiliya

(Va Roma 10:1-15) A vamanji onjongole yange yovutima leci ndi va pingilako ku Suku, yeci okuti ovo va popeliwa. 2 Momo ndi va imbila uvangi wokuti va kuete ombili yoku vumba Suku, pole, ka va ci lingi lukũlĩhĩso wa suapo. 3 Momo ka va kũlĩhĩle esunga lia Suku, pole, va sanda oku litumbikila esunga liavo muẽle, ka va pokola kesunga lia Suku. 4 Momo Kristu eye esulilo Liovihandeleko, okuti wosi u kolela o sanga esunga. 5 Mose wa soneha eci catiamẽla kesunga li tunda Kocihandeleko okuti: “Omunu wosi o tẽlisa ovina viaco, o muila omuenyo kokuavio.” 6 Pole, esunga li tunda kekolelo li popia liti: “Ku ka vangule vutima wove huti, ‘Helie o londa kilu?’ ci lomboloka oku kopa Kristu, 7 ale, ‘Helie o lokila vekungu?’ ci lomboloka oku kopa Kristu kuava va fa.” 8 Oco hẽ nye ci popiwa? “Ondaka yi kasi ocipepi love, vomẽla wove kuenda vutima wove”; yi lomboloka “ondaka” yekolelo tu kasi oku kunda. 9 Momo nda o sapula ondaka lomẽla wove okuti, Yesu eye Ñala, loku kolela lutima wove okuti Suku wo pindula kuava va fa, o popeliwa. 10 Momo lutima omunu o lekisa ekolelo li tuala kesunga, puãi lomẽla o sapula ondaka yi tuala kepopelo. 11 Ocisonehua ci popia citi: “Lomue o kolela kokuaye okuti o sumua.” 12 Momo ka pali oku litepa pokati ku Yudea lu Helasi. Kuli lika Ñala umosi wa vosi, una eca asumũlũho alua ku vosi vo vilikiya. 13 “Wosi o likutilila vonduko ya Yehova loku pinga ekuatiso, o popeliwa.” 14 Pole, va likutilila ndati kokuaye nda ka vo kolelele? Va kolela ndati u ka va la yeva? Va yeva ndati nda ka kuli u o kunda? 15 Va kunda ndati nda ka va tumiwile? Ndomo ca sonehiwa citi: “Olomãhi viava va kunda olondaka viwa viovina viwa, via posoka cimue!”

    Alivulu Wumbundu (1993-2025)
    Tunda
    Iñila
    • Umbundu
    • Tumisa o link
    • Ceci o yongola
    • Copyright © 2025 Watch Tower Bible and Tract Society of Pennsylvania
    • Alungulo Onumbi
    • Onumbi Yoku Liteyuila
    • Ndomo o Liteyuila
    • JW.ORG
    • Iñila
    Tumisa o link