KAPAKO OLONUMBI EVI KUPANGE WOKU KUNDA | VOKIYA ESANJU LIOVE KUPANGE WOKU KUNDA
Kuatisa Olondonge Viembimbiliya Oku Endaenda Kolohongele
Olohongele viekongelo vi kuete esilivilo kefendelo liocili. (Os 22:22) Vosi vana va likongela oco va fendele Yehova va sanga esanju kuenda asumũlũho. (Os 65:4) Vana va lilongisa Embimbiliya, va kula lonjanga konepa yespiritu eci va enda kolohongele olonjanja viosi.
O kuatisa ndati vana o longisa Embimbiliya oku endaenda kolohongele? Amamako oku va laleka oco va ende kolohongele. Va lekisa ovideo losapi, Nye ci Lingiwa Vonjango Yusoma? Lombolola esilivilo liolohongele. (Sanjukili Omuenyo ocipama 10) O pondola oku va lomboluila etosi limue wa lilongisa kohongele, ale oku va lomboluila ovina vu ka lilongisa kohongele. Eca kokuavo alivulu oku lilongisa. Handi vali, eca kokuavo ekuatiso li sukiliwa. Citava okuti, va yongola oku ka ñuala ñuala. Alikolisilo osi o linga a kuete esilivilo kuenda a limbukiwa eci olondonge vi enda kohongele onjanja yatete.—1Ko 14:24, 25.
TALA OVIDEO KUATISA OLONDONGE VIEMBIMBILIYA OKU ENDAENDA KOLOHONGELE KUENDA TAMBULULA APULILO A KUAĨMO:
Epuluvi lipi manji Neeta a kuata oco a laleke Jade oku enda kohongele?
Momo lie tu kuatela esanju eci vana tu longisa Embimbiliya va enda kolohongele?
“Ocili, Suku o kasi pokati kene”
Ulandu upi Jade a kuata eci a endele onjanja yatete kohongele?