Забур

85 Эй Яҳова, юртингга марҳамат кўрсатиб+,

Асир қилиб олиб кетилган Ёқуб фарзандларини қайтардинг+.

 2 Ўз халқинг айбларини афв этиб,

Барча гуноҳларини кечирдинг+. (Села)

 3 Жаҳлингни тийиб,

Қайноқ қаҳр-ғазабингни босдинг+.

 4 Эй, нажоткор Тангримиз, бизни юртимизга қайтар,

Биздан бошқа аччиқланма+.

 6 Халқинг Сенда қувонч топиши учун,

Бизга янгидан тетиклик бахш этмайсанми?+

 7 Эй Яҳова, меҳр-садоқатингни кўрсатиб+,

Бизга нажот бахш эт.

 8 Ҳақ Тангри Яҳованинг айтганларига қулоқ соламан,

Зеро, У Ўз халқига, садоқатли кишиларига тинчлик ҳақида сўзлайди+.

Фақат улар ўзига яна бино қўймаса бўлгани+.

 9 Шубҳасизки, худотарсларга У нажот беради+.

Унинг улуғворлиги юртимизда маскан қуради.

10 Вафо билан меҳр-садоқат учрашади,

Адолат билан тинчлик ўпишиб кўришади+.

11 Садоқат ердан униб чиқади,

Адолат самодан нур сочади+.

12 Ҳа, Яҳова неъматини ёғдиради+.

Шунда еримиз мўл ҳосил беради+.

13 Адолат Худо олдида юради+,

Қадамлари учун йўл ҳозирлайди.