Забур

84 Эй, Қўшинлар Сарвари Яҳова,

Улуғвор муқаддас чодирингни нақадар севаман!+

 2 Яҳованинг ҳовлиларини

Бутун вужудим билан соғинаман.

Ҳа, қўмсаганимдан дармоним қурийди+.

 3 Эй, Қўшинлар Сарвари, Подшоҳим ва Худойим Яҳова,

Сенинг улуғвор қурбонгоҳинг олдида

Ҳатто қушлар ҳам қўним топади.

Қалдирғоч ин қуриб,

Палапонлар очиб чиқаради.

 5 Сени қуввати деб билганлар+,

Уйингга элтувчи йўллардан юришни чин дилдан истаганлар бахтлидир!

 6 Улар Бака водийсидан* ўтганда,

Уни булоқлар масканига айлантиради.

Илк ёмғир у ерни қут-баракага буркайди*.

 7 Улар юрган сайин кучига куч қўшилади+,

Ҳар бири Сионда, Аллоҳ ҳузурида туради.

 8 Эй, Қўшинлар Сарвари Яҳова, ибодатимни эшит,

Тингла, эй, Ёқуб Тангриси. (Села)

 9 Назар сол, эй, қалқонимиз+ ва Аллоҳимиз*,

Мойланганингга марҳамат кўрсат+.

Ёвузлар чодирида яшагандан кўра,

Тангрим уйининг остонасида туришни афзал кўраман.

11 Зеро, Аллоҳ Яҳова — қуёшимиз+ ва қалқонимиздир+.

У илтифот кўрсатиб, шон-шарафга буркайди.

Бенуқсон бўлиб юрганлардан

Яҳова Ўз неъматини дариғ тутмайди+.

12 Эй, Қўшинлар Сарвари Яҳова,

Сенга таянадиган инсон саодатлидир!+