Йиғилишларимизга нега чиройли кийиниб борамиз?

Ушбу рисоладаги расмларда Яҳованинг Шоҳидлари йиғилишларга чиройли кийиниб бориши тасвирланганига аҳамият бердингизми? Нима сабабдан биз кийинишимизга ва ташқи кўринишимизга бунчалик эътибор берамиз?

Худойимизга бўлган ҳурматни кўрсатамиз. Аллоҳимиз бизнинг ташқи кўринишимизга қараб баҳо бермаслиги рост гап. (1 Шоҳлар 16:7) Аммо Худойимизга топиниш учун йиғилганимизда, биз Уни ва имондошларимизни чин қалбдан ҳурмат қилаётганимизни кўрсатмоқчимиз. Агар президент қабулига борсак, уни ҳурмат қилаётганимиз ташқи кўринишимизда намоён бўлаётганига ишонч ҳосил қилишимиз керак. Шунга ўхшаб, йиғилишларимизда ташқи кўринишимиз билан «бутун ер юзининг Ҳаками» Тангри Яҳовага ва топиниш жойимизга нисбатан эҳтиром кўрсатамиз. (Ибтидо 18:25).

Қайси қадриятлар бўйича яшаётганимизни намоён этамиз. Муқаддас Китоб масиҳийларни «ор-номус ва фаҳм-фаросат билан» кийинишга ундайди. (1 Тимўтийга 2:9, 10) «Ор-номус» билан дегани, кўз-кўз қилиб, ноўрин эътиборни жалб этиб ёки очиқ кийиниб юрмасликни англатади. «Фаҳм-фаросат» эса пала-партиш ва ғалати эмас, балки жозибали кийинишга ёрдам беради. Бу қоидалар турлича кийиниш танловини ўзимизга қўйиб беряпти. Бизнинг жозибали ва дид билан кийинишимиз «Қутқарувчимиз Худонинг таълимотини безайди» ва «Унга шон-шараф келтиради». (Титусга 2:10; 1 Бутрус 2:12) Йиғилишларга муносиб кийиниб, биз бошқаларнинг Тангри Яҳовага топинишга бўлган нуқтаи назарига таъсир қиламиз.

Агар чиройли кийимингиз бўлмаса, ташвишланманг. Сизни Йиғилиш залида доимо илиқ кутиб олишади. Муҳими, кийимимиз тоза ва ораста бўлиши керак.

• Кийиниш тарзимиз Худойимизга топинишда қанчалик муҳим?

• Кийиниш ва ташқи кўринишга нисбатан қайси йўл-йўриққа амал қиламиз?