Ibroniylarga

13 Bir-biringizni birodarlarcha sevinglar+. 2 Mehmondo‘stlik* ko‘rsatishni ham unutmanglar+, chunki bu orqali ba’zilar o‘zlari bilmagan holda farishtalarni qabul qilishgan+. 3 Qamoqda o‘tirganlarni+, go‘yo o‘zlaringiz ham qamoqda ular bilan birga o‘tirgandek+, yodingizdan chiqarmanglar. Shuningdek, o‘zingiz ham hozircha yerda yashayotgan ekansiz*, yomon munosabatni boshdan kechirayotganlarni unutmanglar. 4 Nikoh hammaning nazarida hurmat-e’tiborda bo‘lib, nikohdagi munosabatlaringiz bulg‘anmasin+. Boisi, Alloh zinokorlar-u* xiyonat qiluvchilarni hukm etadi+. 5 Pulparastlikdan xoli kun kechiringlar+. Boriga shukur qilinglar+, chunki Xudoning O‘zi: «Seni hecham tashlab ketmayman va aslo tark etmayman»+,— degan. 6 Shu sababli, biz jasoratga to‘lib, shunday deyapmiz: «Yahova* mening yordamchim, men qo‘rqmayman. Inson menga nima ham qila olardi?!»+

7 Orangizda rahbarlikni o‘z zimmasiga olganlarni unutmanglar+, axir ular sizlarga Tangrining kalomini aytishgan. Ularning xulq-atvori qanday samaralar keltirganini diqqat bilan kuzatib, imonlariga ergashinglar+.

8 Iso Masih kecha, bugun va abadiy o‘sha-o‘shadir.

9 Har turli begona ta’limotlar sizlarni adashtirishiga yo‘l qo‘ymanglar. Qalbni yegulik* bilan emas, inoyat bilan mustahkamlash afzalroqdir, negaki yegulikka ruju qo‘yganlar undan foyda topishmaydi+.

10 Bizning shunday qurbongohimiz borki, chodirda muqaddas xizmatni ado etayotganlar bu qurbongohdan biror narsa yeyishga haqli emaslar+. 11 Oliy ruhoniy gunoh qurbonligining qonini Eng muqaddas xonaga olib kiradi, tanasini esa qarorgohning tashqarisida yondiradi+. 12 Ana shu sababdan Iso ham o‘z qoni bilan xalqni muqaddas qilish niyatida+ shahar darvozasining tashqarisida azob chekkan+. 13 Kelinglar, biz ham u kabi haqoratlanib+, qarorgohning tashqarisiga, uning yoniga chiqaylik. 14 Zero bu yerda bizning doimiy shahrimiz yo‘q. Shu bois, kelajakdagi shaharni sabrsizlik bilan kutyapmiz+. 15 Iso orqali Allohga hamd-u sano qurbonligini+, ya’ni Uning ismini hammaga e’lon qilish uchun+ og‘zimizdan chiqqan so‘zlarni baxshida etaylik+. 16 Boz ustiga, yaxshilik qilishni va bor narsangizni boshqalar bilan bo‘lishishni unutmanglar+, chunki bunday qurbonliklar Tangriga ma’quldir+.

17 Orangizda rahbarlikni o‘z zimmasiga olganlarga itoatkor bo‘lib+, ularga quloq solinglar+. Boisi, ular hisobot beradiganlarday hamisha sizlar uchun qayg‘urishyapti+. Toki ular buni oh-u nola bilan emas, quvonch bilan bajarishsin. Aks holda, bu sizlarga ziyon keltiradi.

18 Biz haqimizda ham ibodat qilib turinglar. Har narsada halol bo‘lishni istaganimiz sababli, vijdonimiz pok ekaniga ishonamiz+. 19 Ayniqsa, men tezroq oldingizga qaytishim uchun ibodat qilishingizni o‘tinib so‘rayman.

20 Ulug‘ Cho‘pon+ bo‘lmish Hazratimiz Isoni abadiy ahd qoni bilan tiriltirgan tinchlik Xudosining 21 irodasi amalga oshsin deya, Iso Masih orqali bizning oramizda O‘ziga ma’qul bo‘lgan ishlarni bajarib, sizlarni barcha yaxshi narsalar bilan ta’minlasin. Unga abadulabad shon-sharaflar bo‘lsin. Omin.

22 Birodarlar, bu dalda beruvchi so‘zlarni sabr-toqat bilan tinglashingizni iltimos qilaman. Axir ushbu maktub orqali sizlarga ko‘p yozganim yo‘q-ku. 23 Aytgancha, birodarimiz Timo‘tiy ozod etildi. Agar u yaqin orada yonimga kelsa, u bilan birga sizlarni ko‘rgani boraman.

24 Orangizda rahbarlikni o‘z zimmasiga olganlarga hamda barcha muqaddas kishilarga mendan salom aytinglar. Italiyadagilardan+ ham sizlarga salom.

25 Allohning inoyati hammangizga yor bo‘lsin.