5 Comunicassion

COSSA VOL DIR

Comunicarse ben vol dir che ti e i to fioi parlé de tuti i vostri pensamenti e sentimenti par el altro sensa paura.

PARCHÉ L’È IMPORTANTE

La comunicassion la pol deventar ancora pi dificìle coi adolessenti. Quando i vostri fioi i era pìcoli, lori i ve disea tute le robe. Ma adesso che lori i ze adolessenti, lori i ve parla manco, e valtri no savé i so pensamenti e sentimenti. L’è come esser in rive difarente de un rio. Ma l’è pròpio in questo tempo che i fioi i ga de pi bisogno de comunicarse!

COSSA TE POL FAR

Fé le robe de acordo col tempo del vostro fiol. Fé questo anca se questo vol dir parlar con lu tardi de note.

“Magari te volarissi dir: ‘Adesso che te vol parlar con mi? Semo stati tuto el giorno insieme!’ Ma quando i nostri fioi i ze drio proar parlar con noantri, sarà che ghemo de brontolar con lori sol parché l’è tardi? No ghemo de far cossita, parché i genitori i vol che i fioi i parle con lori.” — Lisa.

“A mi no me piase ndar dormir tardi, ma le pi bele ciàcole che mi go bio coi me fioi adolessenti le ze state dopo dela mesa note.” — Herbert.

COSSA LA BÌBLIA LA DISE: “Cada un el seite ndar in serca, nò del so interesse, ma de quel dei altri.” — 1 Corinti 10:24.

Sforséve par darghe atension. Un pare el ga dito de maniera sinsiera: “Dele volte, quando i me fioi i ze drio parlarme, mi penso in altre robe, e no se pol far finta de questo. Lori i vede quando che noantri no semo drio darghe atension!”

Un pare el ga dito de maniera sinsiera: “Dele volte, quando i me fioi i ze drio parlarme, mi penso in altre robe, e no se pol far finta de questo. Lori i vede quando che noantri no semo drio darghe atension!”.

“Quando noantri demo atension ai sentimenti dei nostri fioi, assemo ciaro che par noantri lori i ze importanti. Se i nostri fioi no i ze sicuri de questo, lori i ndarà parlar manco con noantri o i ndarà in serca del aiuto de nantra persona.” — Maranda.

“No stà spaventarte se el to fiol el te conta qualcossa de stragno.” —Anthony.

COSSA LA BÌBLIA LA DISE: “Gavé de scoltar con atension.” — Luca 8:18.

Doperé momenti che sì tranquili. Dele volte, i gióveni i cata pi fàcile ciacolar coi genitori quando lori no i ze mia drio vardarli nei oci.

“Quando semo ntel auto par ndar in qualche posto, noantri doperemo questa oportunità par ciacolar. Ghemo bio bele ciàcole parché semo un dela banda del altro e no semo mia drio vardarse in fàcia.” — Nicole.

Anca quando semo drio magnar l’è una bona oportunità par far ciàcole tranquile.

“Quando semo drio senar, sempre contemo un par el altro la meio e la pedo roba che ne ga sucedesto quel giorno. Questo ne fà pi unidi e ne fà esser sicuri che no ghemo mia bisogno de infrontar i nostri problemi noantri soli.” — Robin.

COSSA LA BÌBLIA LA DISE: “Tuti i ga de esser pronti par scoltar, ma i ga de esser lenti par parlar.” — Tiago 1:19.