Quando che Gesù l’è nassesto?

La risposta dela Bìblia

La Bìblia no la dise mia el giorno che Gesù l’è nassesto. Varda cossa due ensiclopèdie le dise:

• “No se sà el giorno del nassimento de Cristo.” — Nova Enciclopédia Católica.

• “El giorno giusto del nassimento de Gesù no l’è mia cognossesto.” — Enciclopédia do Cristianismo Primitivo.

Anca se la Bìblia no la dise pròpio el giorno che Gesù l’è nassesto, la parla de due robe che le ga sucedesto pena vanti e pena dopo del so nassimento. Queste robe le ga giutà tante persone a capir che Gesù no l’è mia nassesto in 25 de disembre.

No l’è mia stà nel invernoa

1. El registro. Poco tempo vanti de Gesù nasser, “Cesar Augusto el ga fato una lege che la disea che ghe tochea a tuti ndar registrarse”, fursi par causa de tasse e servìssio militar. Tuti i ghe tochea ndar registrarse “nela cità ndove i era nassesti”. Cossita, ghe volaria ale persone far un viaio de una stimana o de pi. (Luca 2:1-3) Una lege cossita mai ndaria piaserghe ale persone. Alora, saria fadiga che Augusto el ndaria assarle de pi cative ancora, drio mandarle far un longo viaio nel fredo del inverno.

2. Le piégore. Quando Gesù l’è nassesto, i pastori ‘i stea nei campi e i tendea dele so piégore de note’. (Luca 2:8) El libro La vita dele persone nel tempo de Gesù (in inglese) el dise che le piégore le stea fora nei campi “dela stimana vanti dela Pàscoa [final de marso]” fin la metà de novembre. Anca el dise: “Nel inverno, le piégore le stea soto i querti. Cossita, podemo capir che el giorno che le persone le selebra el Nadal, nel inverno, no saria mia giusto, parché i Vangeli i dise che i pastori i era nei campi.”

Nel scomìnsio del otonob

Podemo gaver una idea de quando Gesù l’è nassesto quando scominsiemo a contar el tempo dela so morte in drio. Lu l’è morto nela Pàscoa, nel giorno 14 de nisan, nela primaverac del ano 33. (Gioani 19:14-16) Gesù el gavea intorno de 30 ani quando el ga scominsià la so predicassion. El ga predicà par tre ani e meso. Alora, lu l’è nassesto nel scomìnsio del otono del ano 2 vanti de Cristo. — Luca 3:23.

Parché le persone le selebra el Nadal nel giorno 25 de disembre?

No ghen’è gnanca una prova de che Gesù l’è nassesto nel giorno 25 de disembre. Alora, parché le persone le selebra el Nadal in questo giorno? La Ensiclopèdia Britànica (in inglese) la dise che i lìderi dela ciesa i ga scoliesto questo giorno ‘par esser nel medèsimo giorno del festival romano del “nassimento del sol”’, quando i giorni i scomìnsia a esser pi longhi nantra volta. De acordo cola Ensiclopèdia Americana (in inglese), tanti studiosi i crede che i lìderi dela ciesa i ga fato cossita ‘par assar la religion cristiana pi fàcile de acetar par le persone dele altre religion’.